హైలైట్స్
- బీఐఎస్ సర్టిఫికేషన్ ని పొందిన Realme C55 స్మార్ట్ ఫోన్, త్వరలో భారత్ లో లాంచ్ కానున్న డివైజ్
- 4800ఎంఏహెచ్ బ్యాటరీ, 33 వాట్ ఫాస్ట్ చార్జింగ్ సపోర్ట్ తో వస్తోన్న Realme C55
- రీసెంట్ గా భారత్ లో Realme C33 ఫోన్ ని లాంచ్ చేసిన Realme కంపెనీ
రియల్మీ సంస్థ త్వరలో భారత్ లో సీ-సిరీస్ లో ఒక ఫోన్ ని లాంచ్ చేయాలని ప్లాన్ చేస్తోంది. ఆ ఫోన్ పేరు Realme C55. ఇప్పటికే ఈ ఫోన్ బీఐఎస్ సర్టిఫికేషన్ పొందింది. Realme C35 కి Realme C55 సక్సెసర్ గా వస్తోంది. థాయిలాండ్ ఎన్బీటీసీ వెబ్ సైట్, అమెరికన్ ఎఫ్సీసీ, యూరోపియన్ ఈఈసీ సర్టిఫికేషన్ వెబ్ సైట్స్ పై Realme C55 కనిపించింది. Realme C55 యొక్క లాంచ్ వివరాలు త్వరలోనే తెలియనున్నాయి.
Realme C55 స్మార్ట్ ఫోన్ యొక్క కొన్ని స్పెసిఫికేషన్స్ బయటకు వచ్చాయి. Realme C55 4,880 ఎంఏహెచ్ బ్యాటరీ, 33 వాట్ ఫాస్ట్ చార్జింగ్ సపోర్ట్ తో రానున్నట్లు సమాచారం. చార్జింగ్ మరియు డేటా ట్రాన్స్ఫర్ కోసం ఈ ఫోన్ లో టైప్-సీ పోర్ట్ అందించారు.
త్వరలో భారత్ లో లాంచ్ కానున్న Realme C55
Realme C55 ని బడ్జెట్ సెగ్మెంట్ ని టార్గెట్ చేస్తూ తీసుకొస్తున్నారు. ఈ ఫోన్ RMX3710 అనే మోడల్ నంబర్ ని కలిగి ఉంది. ఎన్బీటీసీ లిస్టింగ్ ద్వారా ఫోన్ పేరేంటో కన్ఫర్మ్ కాగా, ఎఫ్సీసీ లిస్టింగ్ ద్వారా బ్యాటరీ కెపాసిటీ గురించి తెలిసింది. లిస్టింగ్ ని బట్టి, Realme C55 స్మార్ట్ ఫోన్ లో 4,880 ఎంఏహెచ్ బ్యాటరీ యూనిట్ ఉంటుంది. ఇది 33 వాట్ ఫాస్ట్ చార్జింగ్ కి సపోర్ట్ చేస్తుంది.
Realme C33 స్పెసిఫికేషన్స్
Realme C33 స్మార్ట్ ఫోన్ రీసెంట్ గా భారత్ లో లాంచ్ అయ్యింది. ఈ ఫోన్ స్పెసిఫికేషన్స్ ఎలా ఉన్నాయో చూద్దాం. రియల్మీ సీ33 స్మార్ట్ ఫోన్లో 6.5 అంగుళాల హెచ్డీ+ డిస్ప్లే, వాటర్ డ్రాప్ నాచ్, 120హెర్ట్జ్ టచ్ శాంప్లింగ్ రేట్, 88.7 పర్సెంట్ స్క్రీన్ టు బాడీ రేషియో, 400 నిట్స్ బ్రైట్నెస్, యూనిసాక్ టీ612 చిప్సెట్, మాలి-జీ57 జీపీయూ, 3జిబి + 32జిబి, 4జిబి + 64జిబి మోడల్స్, ఎస్డీ కార్డ్ ద్వారా 1టీబీ ఎక్స్పాండబుల్ మెమొరీ, ఆండ్రాయిడ్ 12 ఓఎస్, రియల్మీ యూఐ ఎస్ ఎడిషన్ వంటి ఫీచర్లు ఉన్నాయి.
రియల్మీ సీ33 లో డ్యూయల్ రియర్ కెమెరాలున్నాయి. ఇందులో ఒకటి 50ఎంపి ప్రైమరీ కెమెరా కాగా, రెండోది 0.3ఎంపి సెకండరీ సెన్సర్. ఇంకా ఎల్ఈడీ ఫ్లాష్ ఇందులో ఉంది. రియర్ కెమెరాలు సీహెచ్డీఆర్ ఆల్గొరిథమ్, హెచ్డీఆర్ మోడ్, పనోరమిక్ వ్యూ, పొట్రెయిట్ మోడ్, టైమ్-లాప్స్, సూపర్ నైట్ మోడ్ వంటి ఫీచర్లను కలిగి ఉన్నాయి. సెల్ఫీలు, వీడియో కాల్స్ కొరకు ఇందులో ముందు వైపున 5ఎంపి కెమెరాను అమర్చారు.
ఈ హ్యాండ్సెట్ లో సైడ్ మౌంటెడ్ ఫింగర్ ప్రింట్ సెన్సర్, డిరాక్ 3.0 టెక్నాలజీ, 3.5 ఎంఎం ఆడియో జాక్ వంటి ఫీచర్లున్నాయి. ఇక రియల్మీ సీ33 కనెక్టివిటీ ఫీచర్లను చూస్తే, ఇది 4జి కనెక్టివిటీ, డ్యూయల్-బ్యాండ్ వై-ఫై, బ్లూటూత్, జీపీఎస్, యూఎస్బీ టైప్-సీ పోర్ట్ ఇందులో ఉన్నాయి. 5000 ఎంఏహెచ్ బ్యాటరీని ఈ ఫోన్లో అమర్చారు. ఇది 10 వాట్ చార్జింగ్ సపోర్ట్ కలిగి ఉంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
