హైలైట్స్
- భారత్ లో Reno 9 సిరీస్ లాంచ్ ని రద్దు చేసుకోనున్న OPPO
- OPPO Reno 10 సిరీస్ గా భారత్ లోకి ఎంట్రీ ఇవ్వనున్న రెనో 9 సిరీస్
- ఫిబ్రవరిలో భారత్ లో లాంచ్ కానున్న OPPO Reno 10 సిరీస్ ఫోన్లు
2022 నవంబర్ నెలలో చైనాలో OPPO Reno 9 సిరీస్ లాంచ్ అయ్యింది. ఈ సిరీస్ భారత్ లో ఇంకా లాంచ్ కావాల్సి ఉంది. అయితే OPPO Reno 9 సిరీస్ కి బదులుగా ఒప్పో సంస్థ, త్వరలో భారత్ లో OPPO Reno 10 సిరీస్ లాంచ్ చేయనున్నట్లు సమాచారం. అప్ కమింగ్ రెనో సిరీస్ లాంచ్ త్వరలోనే ఉండనుందని 91మొబైల్స్ కి సమాచారం అందింది. భారత్ లో రెనో 9 సిరీస్ ని ఒప్పో సంస్థ స్కిప్ చేయనుందని తెలుస్తోంది. దానికి బదులుగా OPPO Reno 10 సిరీస్ ని లాంచ్ చేయనుందని సమాచారం.
మరోవైపు ఒప్పో కంపెనీ త్వరలోనే చైనాలో OPPO Reno 10 సిరీస్ ని లాంచ్ చేసేందుకు సిద్ధమవుతోంది. సరే, ఇప్పటివరకు OPPO Reno 10 సిరీస్ కి సంబంధించి మాకు తెలిసిన వివరాలను ఇక్కడ అందిస్తున్నాం. ఓసారి చూడండి.
OPPO Reno 9 సిరీస్ భారత్ కి రావడం లేదా?
ఒప్పో కంపెనీ భారత్ లో OPPO Reno 9 సిరీస్ ని లాంచ్ చేయడం లేదని ఒక రిపోర్ట్ ద్వారా తెలిసింది. మరొక విషయం ఏంటంటే, OPPO Reno 9 సిరీస్ OPPO Reno 10 గా రీబ్యాడ్జ్ అయ్యి భారత్ కి వచ్చే అవకాశం ఉందని అంటున్నారు. OPPO Reno 10 సిరీస్ 2023 ఫిబ్రవరి రెండో వారంలో లాంచ్ కానుందని తెలుస్తోంది.
ఇప్పటివరకు OPPO Reno 10 గురించి మాకు తెలిసిన సమాచారం
OPPO Reno 10 గురించి ఒప్పో సంస్థ ఇంతవరకు ఎటువంటి సమాచారాన్ని వెల్లడించలేదు. అయితే OPPO Reno 10 సిరీస్ లో రెనో 10, రెనో 10 ప్రో, రెనో 10 ప్రో+ ఫోన్లు రానున్నాయని సమాచారం. గతంలో వచ్చిన ఒక లీక్ ద్వారా OPPO Reno 10 Pro+ 5G యొక్క డిజైన్ రివీల్ అయ్యింది. ఈ హ్యాండ్సెట్ PHU110 అనే మోడల్ నంబర్ ని కలిగి ఉంది.
OPPO Reno 10 Pro+ 5G పిల్-షేప్డ్ కెమెరా మాడ్యూల్, చిన్న సర్క్యులర్ కటౌట్స్, ఒక స్క్వేర్ షేప్డ్ కటౌట్ తో వస్తోంది. వీటికి తోడు బ్యాక్ ప్యానెల్ పై ఎల్ఈడీ ఫ్లాష్ ఉంటుంది. పవర్డ్ బై మారిసిలికాన్ అని బ్రాండింగ్ కెమెరా మాడ్యూల్ కి పక్కన ఉంటుంది.
OPPO Reno 10 Pro+ 5G లో హోల్-పంచ్ కటౌట్, సన్నని బెజెల్స్ తో కూడిన డిస్ప్లే ఉంటుంది. ఈ ఫోన్ ఓఎల్ఈడీ ప్యానెల్, 1.5 కే రెజుల్యూషన్, 120 హెర్ట్జ్ రిఫ్రెష్ రేట్ తో వస్తోంది. ఈ ఫోన్ లో 4700 ఎంఏహెచ్ బ్యాటరీ, 80 వాట్ ఫాస్ట్ చార్జింగ్ సపోర్ట్ ఉండనున్నాయి.
OPPO Reno 10 Pro+ 5G యొక్క కెమెరా విభాగానికి వస్తే, ఇందులో 50ఎంపి సోని ఐఎంఎక్స్890 మెయిన్ కెమెరా, 8ఎంపి అల్ట్రావైడ్ యాంగిల్ లెన్స్, 2ఎక్స్ జూమ్ పెరిస్కోప్ కెమెరా (మెగాపిక్సెల్ ఎంతో వెల్లడి కాలేదు) ఉంటాయి.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
