హైలైట్స్
- త్వరలో లాంచ్ కానున్న Redmi Note 12 Turbo స్మార్ట్ ఫోన్
- రెడ్మీ నోట్ 12 సిరీస్ లో వస్తోన్న ఆరో ఫోన్ Redmi Note 12 Turbo
- క్వాల్కమ్ స్నాప్ డ్రాగన్ 7 జెన్ 2 ప్రాసెసర్ తో వస్తోన్న Redmi Note 12 Turbo
రెడ్మీ సంస్థ రీసెంట్ గా చైనా, భారత్ లో Redmi Note 12 సిరీస్ ఫోన్లను లాంచ్ చేసింది. ఇప్పటివరకు ఈ లైనప్ లో Redmi Note 12, Redmi Note 12 Pro, Redmi Note 12 Pro+, Redmi Note 12 Speed Edition మరియు Redmi Note 12 Extreme Edition ఫోన్లు లాంచ్ అయ్యాయి. ఇప్పుడు ఈ లైనప్ లో మరొక ఫోన్ ని లాంచ్ చేసేందుకు రెడ్మీ సిద్ధమవుతున్నట్లు సమాచారం.
రెడ్మీ బ్రాండ్ నుంచి రెడ్మీ 12 సిరీస్ లో ఆరో ఫోన్ రాబోతోంది. ఆ ఫోన్ పేరు Redmi Note 12 Turbo. తాజాగా Redmi Note 12 Turbo యొక్క స్పెసిఫికేషన్స్ నెట్టింట్లో ప్రత్యక్షమయ్యాయి. ఈ ఫోన్ ఫుల్ హెచ్డీ+ ఓఎల్ఈడీ డిస్ప్లే, స్నాప్ డ్రాగన్ ప్రాసెసర్, భారీ బ్యాటరీ కెపాసిటీతో వస్తోంది.
Redmi Note 12 Turbo లో స్నాప్ డ్రాగన్ 7 జెన్ 2 ప్రాసెసర్ వాడినట్లు సమాచారం. ఇంకా ఈ ఫోన్ లో ఏయే స్పెసిఫికేషన్స్ ఉన్నాయో తెలుసుకుందాం పదండి.
Redmi Note 12 Turbo స్పెసిఫికేషన్స్
ప్రముఖ టిప్స్టర్ డిజిటల్ చాట్ స్టేషన్, చైనీస్ సోషల్ మీడియా వీబో పై Redmi Note 12 Turbo యొక్క స్పెసిఫికేషన్స్ ని షేర్ చేసింది. ఆ పోస్ట్ ప్రకారం, ఈ ఫోన్ స్నాప్ డ్రాగన్ 7 జెన్ 2 చిప్ తో వస్తున్నట్లు స్పష్టమైంది. ఇంకా 6.67-ఫుల్ హెచ్డీ+ ఓఎల్ఈడీ డిస్ప్లే, 120 హెర్ట్జ్ రిఫ్రెష్ రేట్ ఈ ఫోన్ లో ఉన్నాయి. ఇంకా ఈ ఫోన్ 12జిబి వరకు ర్యామ్, 512జిబి వరకు స్టోరేజీ ఆప్షన్స్ తో వస్తోంది. ర్యామ్ మరియు స్టోరేజీ టెక్నాలజీ వివరాలు ఇంకా బయటకు రాలేదు.
Redmi Note 12 Turbo స్మార్ట్ ఫోన్ యొక్క కెమెరా విభాగం ఎలా ఉందో తెలుసుకుందాం. ఈ ఫోన్ లో 50ఎంపి మెయిన్ కెమెరా, 8ఎంపి అల్ట్రావైడ్ కెమెరా, 2ఎంపి మ్యాక్రో కెమెరా ఉంటాయి. పవర్ బ్యాకప్ కోసం ఈ ఫోన్ లో 5,500 ఎంఏహెచ్ బ్యాటరీ ఇచ్చారు. ఈ బ్యాటరీ 67 వాట్ ఫాస్ట్ చార్జింగ్ కి సపోర్ట్ చేస్తుంది. చార్జింగ్ మరియు డేటా ట్రాన్స్ఫర్ కోసం ఈ ఫోన్ లో టైప్-సీ పోర్ట్ ఉంటుంది.
గతంలో ప్రముఖ టిప్స్టర్ Kacper Skrzypek షేర్ చేసిన లీక్ తో తాజాగా బయటకు వచ్చిన లీక్ కి పోలికలున్నాయి. దీంతో స్పెసిఫికేషన్స్ లో మార్పేమీ కనిపించడం లేదు. అయితే Redmi Note 12 Turbo డివైజ్ భారత్ లో లాంచ్ అవుతుందా లేదా అనేది ఇంకా తెలియదు. లేదంటే, మరొక పేరుతో భారత్ కి వస్తుందేమో చూడాలి.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
