భారత్ లో POCO X5 Pro లాంచ్ తేదీని పోకో సంస్థ ఖరారు చేసింది. ఫిబ్రవరి 6 న POCO X5 సిరీస్ భారత్ లో లాంచ్ అవుతోంది. ఇదే తేదీన గ్లోబల్ గా కూడా ఈ ఫోన్ లాంచ్ అవ్వనున్నట్లు సమాచారం. ఇప్పటికే డివైజ్ యొక్క లభ్యతకు సంబంధించిన ఫ్లిప్ కార్ట్ లో మైక్రోసైట్ దర్శనమిస్తోంది.
అన్లీష్ ఎక్స్ అనే ట్యాగ్ లైన్ తో ఈసారి POCO X5 Pro డివైజ్ వస్తోంది. పోకో ఇప్పటికే ఇండియన్ క్రికెటర్, ఐపీఎల్ టీమ్ గుజరాత్ టైటాన్స్ కెప్టెన్ హార్థిక్ పాండ్యాను తమ బ్రాండ్ అంబాసిడర్ గా నియమించుకుంది. లాంచ్ కి ముందు పోకో, POCO X5 Pro ఫోన్ ట్రిపుల్ రియర్ కెమెరా సెటప్ తో వస్తున్నట్లు కన్ఫర్మ్ చేసింది.
కన్ఫర్మ్ అయిన POCO X5 Pro లాంచ్ తేదీ
Announcing #TheSecretToWin with the #POCOX5Pro5G and #POCOX55G!
Join us on February 6th at 20:00 GMT+8 for the global launch! pic.twitter.com/YJhhXWq5Sa
— POCO (@POCOGlobal) January 30, 2023
POCO X5 Pro స్మార్ట్ ఫోన్ ఫిబ్రవరి 6 న సాయంత్రం 5.30 గంటలకు భారత్ తో పాటు గ్లోబల్ గా లాంచ్ అవుతోంది. గ్లోబల్ టైమింగ్ 20:00 GMT +8. ఇక గ్లోబల్ గా లాంచ్ అవుతోన్న స్టాండర్డ్ వేరియంట్ POCO X5 5G ఫోన్ భారత్ లో ఇదే ఏడాది లాంచ్ కానుంది.
POCO X5 Pro స్పెసిఫికేషన్స్, ధర (రూమర్లు)
రీసెంట్ రిపోర్ట్ ద్వారా POCO X5 Pro యొక్క ర్యామ్, స్టోరేజీ, ధర వివరాలు రివీల్ అయ్యాయి. POCO X5 Pro భారత్ లో మొత్తం 3 వేరియంట్స్ లో లభించనుంది. 6జిబి ర్యామ్ + 128జిబి స్టోరేజీ, 8జిబి + 128జిబి, 8జిబి + 256జిబి వేరియంట్స్ లో ఫోన్ లభించనుంది. POCO X5 Pro ఫోన్ ధర రూ.21,000 నుంచి రూ.23,000 మధ్య ఉంటుందని అంచనా.
POCO X5 Pro స్మార్ట్ ఫోన్ క్వాల్కమ్ స్నాప్ డ్రాగన్ 778జి 5జీ ప్రాసెసర్, అడ్రెనో 642ఎల్ జీపీయూ తో వస్తోంది. 6.67-ఇంచ్ ఫుల్ హెచ్డీ+ ఓఎల్ఈడీ డిస్ప్లే, 120 హెర్ట్జ్ రిఫ్రెష్ రేట్, 108ఎంపి ప్రైమరీ కెమెరా, 8ఎంపి అల్ట్రావైడ్ కెమెరా, 2ఎంపి మ్యాక్రో కెమెరా ఈ ఫోన్ లో ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా అందించారు.
POCO X5 Pro స్మార్ట్ ఫోన్ లో పవర్ బ్యాకప్ కోసం 5000 ఎంఏహెచ్ బ్యాటరీ ఇచ్చారు. ఇది 67 వాట్ ఫాస్ట్ చార్జింగ్ కి సపోర్ట్ చేస్తుంది. వచ్చే వారంలో POCO X5 Pro యొక్క లభ్యత, ఇతర వివరాలు తెలియనున్నాయి.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
