Samsung Galaxy S22 5G ధర తగ్గింపు

రీసెంట్ గా భారత్ లో Samsung Galaxy S23 సిరీస్ లాంచ్ అయ్యింది. కొత్త Samsung Galaxy S23 సిరీస్ ప్రారంభ ధర రూ.74,999 గా ఉంది. Samsung Galaxy S23 Plus ధర రూ.94,999 గా నిర్ణయించారు. ఇక హై-ఎండ్ Samsung Galaxy S23 Ultra ధర రూ.1,24,999 గా ఉంది. ప్రస్తుతం ఉన్న Samsung Galaxy S22 5G తో పోల్చితే కొన్ని మార్పులు చేర్పులతో Samsung Galaxy S23 సిరీస్ మార్కెట్ లోకి వచ్చింది.

ఇదిలా ఉండగా, Samsung Galaxy S22 5G ధరను కంపెనీ తగ్గించింది. గతేడాది ఈ Samsung Galaxy S22 5G ఫోన్ రూ.72,999 ధరతో రెండు స్టోరేజీ ఆప్షన్స్ తో లాంచైంది. ప్రస్తుతం భారత్ లో Samsung Galaxy S23 లాంచైన నేపథ్యంలో Samsung Galaxy S22 5G పై రూ.15,000 ధర తగ్గించారు. Samsung Galaxy S22 5G కొత్త ధర, స్పెసిఫికేషన్స్ తదితర వివరాలను తెలుసుకుందాం పదండి.

భారత్ లో Samsung Galaxy S22 5G ధర

భారత్ లో Samsung Galaxy S23 సిరీస్ లాంచ్ తర్వాత Samsung Galaxy S22 5G ధర తగ్గింది. Samsung Galaxy S22 5G డివైజ్ లాంచ్ ధర రూ.72,999 కాగా, ప్రస్తుతం తగ్గింపుతో రూ.57,999 కే లభించనుంది. 8జిబి ర్యామ్, 128జిబి స్టోరేజీ వేరియంట్ ని రూ.57,999 కి సొంతం చేసుకోవచ్చు. 8జిబి ర్యామ్, 256జిబి స్టోరేజీ వేరియంట్ ధర తగ్గింపు తర్వాత రూ.61,999 కి లభిస్తుంది. ఈ వేరియంట్ గతేడాది రూ.76,999 తో లాంచైంది.

Samsung Galaxy S22 5G స్పెసిఫికేషన్స్

Samsung Galaxy S22 5G స్మార్ట్ ఫోన్ లో 6.1-ఇంచ్ ఫుల్ హెచ్డీ+ డైనమిక్ అమోలెడ్ 2x డిస్ప్లే, ఫ్లాట్ స్క్రీన్, హోల్-పంచ్ కటౌట్, 1300 నిట్స్ పీక్ బ్రైట్నెస్, కార్నింగ్ గొరిల్లా గ్లాస్ విక్టస్ ప్రొటెక్షన్, 120 హెర్ట్జ్ రిఫ్రెష్ రేట్ వంటి స్పెసిఫికేషన్స్ ఉన్నాయి.

Samsung Galaxy S22 5G డివైజ్ గ్లాస్ బ్యాక్, మెటల్ ఫ్రేమ్ తో వచ్చింది. ఈ ఫోన్ ఫాంటమ్ బ్లాక్, ఫాంటమ్ వైట్, ఫాంటమ్ గ్రీన్, పింక్ గోల్డ్ కలర్ ఆప్షన్స్ లో లభించనుంది.

Samsung Galaxy S22 5G లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి మెయిన్ కెమెరా, 12ఎంపి అల్ట్రావైడ్ కెమెరా, 10ఎంపి టెలీఫోటో లెన్స్ ఉంటాయి. ఈ టెలీఫోటో లెన్స్ 3ఎక్స్ ఆప్టికల్ జూమ్, 30ఎక్స్ స్పేస్ జూమ్ తో వచ్చింది.

Samsung Galaxy S22 5G స్మార్ట్ ఫోన్ క్వాల్కమ్ స్నాప్ డ్రాగన్ 8 జెన్ 1 ప్రాసెసర్ తో వచ్చింది. ఇందులో 3700ఎంఏహెచ్ బ్యాటరీ ఉంటుంది. ఇది 25 వాట్ ఫాస్ట్ చార్జింగ్ కి సపోర్ట్ చేస్తుంది. అయితే, రిటైల్ బాక్స్ లో చార్జర్ ఉండదు. Samsung Galaxy S22 5G డివైజ్ 15 వాట్ వైర్లెస్ చార్జింగ్ తో వస్తోంది.

Samsung Galaxy S22 5G ఆండ్రాయిడ్ 12 ఓఎస్ ఆధారిత వన్‌యూఐ 4.1 కస్టమ్ స్కిన్ పై పని చేస్తుంది. అయితే ఇప్పటికే ఈ డివైజ్ ఆండ్రాయిడ్ 13 ఓఎస్ ఆధారిత వన్ యూఐ 5.1 కస్టమ్ స్కిన్ అప్డేట్ ని పొందింది.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.