ప్రముఖ స్మార్ట్ ఫోన్ బ్రాండ్ మోటోరోలా రీసెంట్ గా యూరోపియన్ మార్కెట్స్ లో Moto E13 స్మార్ట్ ఫోన్ ని లాంచ్ చేసింది. ఈ ఎంట్రీ లెవెల్ స్మార్ట్ ఫోన్ త్వరలోనే ఇతర గ్లోబల్ మార్కెట్స్ లో లాంచ్ కాబోతోంది. ఇక భారత్ విషయానికి వస్తే, Moto E13 ఈ డివైజ్ ఫిబ్రవరి 8 న లాంచ్ అవుతోంది.
భారత్ లోని దిగ్గజ ఈ-కామర్స్ సంస్థ ఫ్లిప్ కార్ట్ Moto E13 లాంచ్ తేదీతో పాటు ప్రధాన స్పెసిఫికేషన్స్ ని మైక్రోసైట్ ద్వారా కన్ఫర్మ్ చేసింది. ఇప్పుడు తాజా లీక్ ద్వారా Moto E13 ధర రూ.7,000 లోపు ఉండనుందని తెలిసింది. టిప్స్టర్ దేబయాన్ రాయ్ ఈ విషయాన్ని వెల్లడించాడు. Moto E13 ఫోన్ ధర రూ.6,499 నుంచి రూ.6,999 మధ్య ఉంటుందని దేబయాన్ వెల్లడించాడు.
Moto E13 స్మార్ట్ ఫోన్ 2జిబి ర్యామ్ వేరియంట్ లో భారత్ లో లాంచ్ కానుంది. దీన్ని బట్టి, లీకైన ప్రైస్ రేంజ్ 4జిబి ర్యామ్ + 64జిబి స్టోరేజీ వేరియంట్ కి సంబంధించినదని అర్థమవుతోంది. Moto E13 స్మార్ట్ ఫోన్ 4జిబి ర్యామ్ + 64జిబి స్టోరేజీ వేరియంట్ ధర యూరోపియన్ మార్కెట్ లో 119.99 యూరోలు (సుమారు రూ.10,600) గా ఉంది.
Moto E13 స్పెసిఫికేషన్స్
Moto E13 స్మార్ట్ ఫోన్ 6.5-ఇంచ్ ఐపీఎస్ ఎల్సీడీ డిస్ప్లే, హెచ్డీ+ రెజుల్యూషన్ ని కలిగి ఉంటుంది. ఇది బడ్జెట్ ఫోన్ కాబట్టి, 60 హెర్ట్జ్ రిఫ్రెష్ రేట్ ప్యానెల్ ని అందించారు. ఇక డిస్ప్లే విషయానికి వస్తే, 720*1600 పిక్సెల్స్ రెజుల్యూషన్ కలిగి ఉంటుంది. వాటర్ డ్రాప్ నాచ్ లో ఫ్రంట్ కెమెరా ఉంటుంది. ఈ ఎంట్రీ లెవెల్ స్మార్ట్ ఫోన్ లో యూనిసాక్ టైగర్ టీ606 చిప్సెట్ ని వాడారు. ఇప్పుడు ఈ స్మార్ట్ ఫోన్ యొక్క కెమెరా విభాగం గురించి తెలుసుకుందాం.
Moto E13 స్మార్ట్ ఫోన్ లో సింగిల్ రియర్ కెమెరా ఉంటుంది. 13 మెగాపిక్సెల్ రియర్ కెమెరా, ఒక ఎల్ఈడీ ఫ్లాష్ ని ఇందులో అందించారు. సెల్ఫీస్, వీడియో కాల్స్ కోసం ఈ ఫోన్ లో 5 మెగాపిక్సెల్ సెల్ఫీ కెమెరా ఇచ్చారు. ఇప్పుడు బ్యాటరీ విభాగం గురించి తెలుసుకుందాం. ఈ ఫోన్ లో 5000mAh బ్యాటరీ అందించారు. ఇది 10 వాట్ చార్జింగ్ కి సపోర్ట్ చేస్తుంది.
Moto E13 స్మార్ట్ ఫోన్ లో డ్యూయల్ సిమ్ కార్డ్ సౌకర్యం, బ్లూటూత్ 5.0, మైక్రోఎస్డీ కార్డ్ స్లాట్, వై-ఫై, 3.5 ఎంఎం ఆడియో జాక్ వంటి కనెక్టివిటీ ఆప్షన్స్ ఉన్నాయి. Moto E13 స్మార్ట్ ఫోన్ 4జీ కనెక్టివిటీతో వస్తోంది. ఈ ఫోన్ ఆండ్రాయిడ్ 13 ఓఎస్ (గో ఎడిషన్) పై పని చేస్తుంది. Moto E13 ఫోన్ రెడ్మీ ఏ1+, పోకో సీ50, రియల్మీ సీ33 వంటి ఫోన్లతో పోటీపడనుంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
