లీకైన వన్‌ప్లస్ నార్డ్ సీఈ 3 లాంచ్ టైమ్‌లైన్, స్పెసిఫికేషన్స్ (అంచనా)

OnePlus Nord CE 3 స్మార్ట్ ఫోన్ కి సంబంధించిన లాంచ్ టైమ్ లైన్, స్పెసిఫికేషన్స్ ని MySmartPrice వెబ్ సైట్, లీక్‌స్టర్ OnLeaks సౌజన్యంతో షేర్ చేసింది. ఈ ఏడాది ద్వితీయార్థంలో OnePlus Nord CE 3 హ్యాండ్సెట్ లాంచ్ అయ్యే అవకాశం ఉంది. ఆసక్తికరంగా, గతంలో లీకైన OnePlus Nord CE 3 స్పెసిఫికేషన్స్ లేటెస్ట్ గా లీకైన స్పెసిఫికేషన్స్ కి భిన్నంగా ఉన్నాయి.

రిపోర్ట్ ప్రకారం, ఫుల్ హెచ్డీ+ అమోలెడ్ డిస్ప్లే, 80 వాట్ ఫాస్ట్ చార్జింగ్, 256జిబి స్టోరేజీ ఈ ఫోన్ లో ఉండనున్నట్లు సమాచారం. ఇప్పటి వరకు మాకు తెలిసిన సమాచారాన్ని ఇక్కడ అందిస్తున్నాం. ఒకసారి చదవండి.

వన్‌ప్లస్ నార్డ్ సీఈ 3 లాంచ్ టైమ్‌లైన్ (అంచనా)

OnePlus Nord CE 3 స్మార్ట్ ఫోన్ జులై లో లాంచ్ కానున్నట్లు తెలుస్తోంది. Nord 3 కూడా ఇదే సమయంలో లాంచ్ అవుతోంది. OnePlus Nord CE 3 హ్యాండ్సెట్ మిడ్-రేంజ్ సెగ్మెంట్ ని టార్గెట్ చేస్తూ వస్తోంది. గతేడాది మార్కెట్ లోకి వచ్చిన OnePlus Nord CE 2 కి సక్సెసర్ గా OnePlus Nord CE 3 వస్తోంది.

వన్‌ప్లస్ నార్డ్ సీఈ 3 స్పెసిఫికేషన్స్ (అంచనా)

OnePlus Nord CE 3 స్మార్ట్ ఫోన్ 6.72-ఇంచ్ ఫుల్ హెచ్డీ+ అమోలెడ్ డిస్ప్లే, 2400 x 1080 పిక్సెల్స్ రెజుల్యూషన్, 120 హెర్ట్జ్ రిఫ్రెష్ రేట్ ని కలిగి ఉంటుంది. ఇది గతంలో వచ్చిన ఐపీఎస్ ఎల్సీడీ స్క్రీన్ కి భిన్నంగా ఉంది. ఏదేమైనా ఇదొక మంచి విషయమనే చెప్పాలి. సరే, చిప్సెట్ విషయానికి వస్తే, OnePlus Nord CE 3 లో స్నాప్ డ్రాగన్ 782జి ప్రాసెసర్ వాడినట్లు సమాచారం. ఇకపోతే ఈ డివైజ్ 8జిబి/12జిబి ర్యామ్ మరియు 128జిబి/256జిబి స్టోరేజీ ఆప్షన్స్ లో లభించనుంది.

OnePlus Nord CE 3 కెమెరా విభాగం స్పెసిఫికేషన్స్ ని తెలుసుకుందాం. OnePlus Nord CE 3 లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి సోని ఐఎంఎక్స్890 మెయిన్ సెన్సర్, 8ఎంపి అల్ట్రా-వైడ్-యాంగిల్ లెన్స్, 2ఎంపి మ్యాక్రో షూటర్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా ఉంటుంది.

OnePlus Nord CE 3 స్మార్ట్ ఫోన్ లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 80 వాట్ ఫాస్ట్ చార్జింగ్ కి సపోర్ట్ చేస్తుంది. భద్రత కోసం ఇన్-డిస్ప్లే ఫింగర్ ప్రింట్ స్కానర్ ఉంటుందని అంచనా. ఇంకా 5జీ, 4జీ ఎల్టీఈ, డ్యూయల్-బ్యాండ్ వై-ఫై, బ్లూటూత్, యూఎస్బీ టైప్-సీ పోర్ట్ వంటి కనెక్టివిటీ ఫీచర్స్ ఈ ఫోన్ లో ఉండనున్నాయి.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.