అఫీషియల్ గా రివీలైన iQOO Z7 5G భారత మార్కెట్ ధర

iQOO Z7 5G స్మార్ట్ ఫోన్ భారత్ లో మార్చి 21 న లాంచ్ అవుతోంది. లాంచ్ కి ముందు శుక్రవారం నాడు ఈ ఫోన్ ధర అఫీషియల్ గా రివీల్ అయ్యింది. ఈ ఫోన్ ధర రూ.18,999 తో ప్రారంభమవుతుంది. iQOO Z6 5G కి సక్సెసర్ గా iQOO Z7 5G మార్కెట్ లోకి వస్తోంది. గతేడాది మోడల్ తో పోల్చితే iQOO Z7 5G డివైజ్ పలు హార్డ్‌వేర్ మార్పులతో వస్తోంది. iQOO Z7 5G డివైజ్ మీడియాటెక్ డైమెన్సిటీ 930 చిప్సెట్, ఆండ్రాయిడ్ 13 ఓఎస్, 44 వాట్ ఫాస్ట్ చార్జింగ్ సపోర్ట్, 90 హెర్ట్జ్ రిఫ్రెష్ రేట్, అమోలెడ్ డిస్ప్లే, వాటర్ డ్రాప్ నాచ్ డిజైన్ తో ఈ ఫోన్ వస్తోంది.

సరే, ఓసారి iQOO Z7 5G యొక్క సేల్ తేదీ, పూర్తి స్పెసిఫికేషన్స్ ఎలా ఉన్నాయో తెలుసుకుందాం పదండి.

భారత్ లో iQOO Z7 5G సేల్ తేదీ, ధర

iQOO Z7 5G డివైజ్ 6జిబి ర్యామ్ + 128జిబి స్టోరేజీ వేరియంట్ ధరను భారత్ లో రూ.18,999 గా నిర్ణయించారు. ఇక 8జిబి ర్యామ్ + 128జిబి స్టోరేజీ మోడల్ ధర రూ.19,999 గా ఉంది. ఈ ఫోన్ బ్లూ మరియు బ్లాక్ కలర్ ఆప్షన్స్ లో లభిస్తుంది. మార్చి 21 వ తేదీన మధ్యాహ్నం 12 గంటల నుంచి అమెజాన్ ద్వారా ఈ ఫోన్ సేల్ మొదలవుతుంది. లాంచ్ ఆఫర్ లో భాగంగా, ఐకూ సంస్థ రూ.1500 ఇన్‌స్టంట్ డిస్కౌంట్ ఆఫర్ చేస్తోంది. ఈ డిస్కౌంట్ ఐసీఐసీఐ, హెచ్డీఎఫ్‌సీ డెబిట్/క్రెడిట్ కార్డ్స్, నో-కాస్ట్ ఈఎంఐ లావాదేవీలపై వర్తిస్తుంది.

iQOO Z7 5G స్పెసిఫికేషన్స్

• 6.38-ఇంచ్ ఫుల్ హెచ్డీ+ అమోలెడ్ డిస్ప్లే
• 90 హెర్ట్జ్ రిఫ్రెష్ రేట్
• మీడియాటెక్ డైమెన్సిటీ 930 చిప్సెట్
• ఆండ్రాయిడ్ 13 ఓఎస్
• 64ఎంపి + 2ఎంపి డ్యూయల్ కెమెరాలు
• 16ఎంపి సెల్ఫీ కెమెరా
• 4500 ఎంఏహెచ్ బ్యాటరీ, 44 వాట్ ఫాస్ట్ చార్జింగ్

iQOO Z7 5G స్మార్ట్ ఫోన్ లో మీడియాటెక్ డైమెన్సిటీ 930 చిప్సెట్ వాడారు. దీనికి ఐఎంజీ బీఎక్స్ఎం-8-256 జీపీయూ ని జత చేశారు. ఆండ్రాయిడ్ 13 ఓఎస్ పై ఫోన్ పని చేస్తుంది. రెండు మేజర్ ఓఎస్ అప్‌గ్రేడ్స్, 3 ఏళ్ళ పాటు సెక్యూరిటీ అప్డేట్స్ ని కంపెనీ హామీనిస్తోంది. ఈ డివైజ్ లో పవర్ బ్యాకప్ కోసం 4500 ఎంఏహెచ్ బ్యాటరీ ఇచ్చారు. ఇది 44 వాట్ ఫాస్ట్ చార్జింగ్ కి సపోర్ట్ చేస్తుంది.

iQOO Z7 5G లో 6.38-ఇంచ్ ఫుల్ హెచ్డీ+ అమోలెడ్ డిస్ప్లే, 90 హెర్ట్జ్ రిఫ్రెష్ రేట్, వాటర్ డ్రాప్ నాచ్, 1300 నిట్స్ పీక్ బ్రైట్నెస్, 360 హెర్ట్జ్ టచ్ శాంప్లింగ్ రేట్, ఇన్-డిస్ప్లే ఫింగర్ ప్రింట్ స్కానర్ ఉన్నాయి. iQOO Z7 5G లో డ్యూయల్ సిమ్ 5జీ, 4జీ ఎల్టీఈ, డ్యూయల్-బ్యాండ్ వై-ఫై, బ్లూటూత్, జీపీఎస్, యూఎస్బీ టైప్-సీ వంటి కనెక్టివిటీ ఫీచర్స్ ఉన్నాయి.

iQOO Z7 5G లో డ్యూయల్ కెమెరా సెటప్ ఉంది. ఇందులో 64ఎంపి ఐసోసెల్ జీడబ్ల్యూ3 ప్రైమరీ ఓఐఎస్ సెన్సర్, ఎల్ఈడీ ఫ్లాష్, 2ఎంపి సెకండరీ సెన్సర్ ఉన్నాయి. సెల్ఫీస్, వీడియో కాల్స్ కోసం ఈ డివైజ్ లో 16ఎంపి ఫ్రంట్ కెమెరా ఇచ్చారు.

లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.