OPPO A77s స్మార్ట్ ఫోన్ ధర తగ్గింపు; వివరాలు తెలుసుకోండి!

ప్రముఖ స్మార్ట్ ఫోన్ బ్రాండ్ ఒప్పో గతేడాది OPPO A77s డివైజ్ ని భారత్ లో లాంచ్ చేసింది. రూ.17,999 ధరతో భారత మార్కెట్ లోకి ఈ ఫోన్ ప్రవేశించింది. ఈ ఫోన్ 4జీ కనెక్టివిటీతో వచ్చింది. స్నాప్ డ్రాగన్ 680 చిప్సెట్, 50ఎంపి మెయిన్ కెమెరా, 8జిబి ర్యామ్, 5000 ఎంఏహెచ్ బ్యాటరీ ఈ ఫోన్ లో ఉన్నాయి. ఈ ఫోన్ సింగిల్ వేరియంట్ లో మాత్రమే లభిస్తుంది. 8జిబి ర్యామ్, 128జిబి స్టోరేజీ వేరియంట్ కొనుగోలుకి అందుబాటులో ఉంది.

సన్సెట్ ఆరెంజ్, స్టారీ బ్లాక్ కలర్ ఆప్షన్స్ లో OPPO A77s లభిస్తుంది. ఈ ఫోన్ ధరను కంపెనీ తగ్గించింది. ఓసారి ఆ వివరాలు తెలుసుకుందాం పదండి.

OPPO A77s పై డిస్కౌంట్

OPPO A77s డివైజ్ భారత్ లో రూ.17,999 ధరతో లాంచ్ అయ్యింది. తాజాగా ఈ ఫోన్ ధరను కంపెనీ జూన్ 7 వ తేదీ నుంచి ఈ ఫోన్ రూ.16,499 కి లభించనుంది. అంటే ఫోన్ పై రూ.1,500 తగ్గించడం జరిగింది. ఈ ఫోన్ పై ఆసక్తి ఉన్నవారు ఫ్లిప్ కార్ట్ ద్వారా కొనుగోలు చేయవచ్చు.

OPPO A77s స్పెసిఫికేషన్స్

• డిస్ప్లే: OPPO A77s స్మార్ట్ ఫోన్ 6.56-ఇంచ్ హెచ్డీ+ డిస్ప్లే తో లాంచ్ అయ్యింది. ఇది 1612*720 పిక్సెల్స్ రెజుల్యూషన్ కలిగి ఉంది. ఎల్సీడీ ప్యానెల్ ని ఇందులో అందించారు. 90 హెర్ట్జ్ రిఫ్రెష్ రేట్, 600 నిట్స్ బ్రైట్నెస్ ఈ ఫోన్లో ఉన్నాయి. వాటర్ డ్రాప్ నాచ్, మూడు వైపుల బెజెల్-లెస్ డిజైన్, బాటమ్ లో సన్నని చిన్ ఉన్నాయి.
• చిప్సెట్, ఓఎస్: OPPO A77s ఆండ్రాయిడ్ 12 ఓఎస్ ఆధారిత కలర్ ఓఎస్ 12.1 కస్టమ్ స్కిన్ పై పని చేస్తుంది. ఈ ఫోన్లో స్నాప్ డ్రాగన్ 680 చిప్సెట్ అమర్చారు. ఇది 2.4 గిగా హెర్ట్జ్ క్లాక్ స్పీడ్ కలిగిన ఆక్టా-కోర్ ప్రాసెసర్.
• ర్యామ్, స్టోరేజీ: OPPO A77s లో 8జిబి ర్యామ్, 5జిబి వర్చువల్ ర్యామ్ ఉన్నాయి. రెండు కలిపి OPPO A77s 13జిబి ర్యామ్ పై ఎంతో శక్తివంతంగా పని చేస్తుంది. ఇక 128జిబి స్టోరేజీని ఇందులో అందించారు. మైక్రోఎస్డీ కార్డ్ ద్వారా మెమొరీని 1టీబీ వరకు పెంచుకోవచ్చు.
• కెమెరా: OPPO A77s లో 50 మెగా పిక్సెల్ మెయిన్ సెన్సర్, 2 మెగా పిక్సెల్ మోనో లెన్స్ లతో కూడిన డ్యూయల్ కెమెరా సెటప్ ఉంది. సెల్ఫీలు, వీడియో కాల్స్ కోసం ఫోన్లో ముందు వైపున 8 మెగా పిక్సెల్ కెమెరా అమర్చారు.
• కనెక్టివిటీ: OPPO A77s ఒక డ్యూయల్ సిమ్ ఫోన్. 4జీ ఎల్టీఈ పై పని చేస్తుంది. ఈ ఫోన్లో 3.5 ఎంఎం ఆడియో జాక్, ఇతర బేసిక్ కనెక్టివిటీ ఫీచర్లు ఉన్నాయి. ఇకపోతే ఫోన్ భద్రత కోసం సైడ్-మౌంటెడ్ ఫింగర్ ప్రింట్ స్కానర్ అందించారు.
• బ్యాటరీ: OPPO A77s లో 5000 ఎంఏహెచ్ బ్యాటరీ ఉంది. ఇది 33 వాట్ సూపర్‌వూక్ ఫాస్ట్ చార్జింగ్ కి సపోర్ట్ చేస్తుంది.