Infinix సంస్థ త్వరలో భారత్ లో GT సిరీస్ ని లాంచ్ చేయనుంది. ఈ సిరీస్ లో భాగంగా రెండు మోడల్స్ రానున్నాయి. అవి: Infinix GT 10 Pro, Infinix GT 10 Pro+. ఇంకా ఈ సిరీస్ లాంచ్ అయ్యేందుకు సమయం ఉంది. అయితే ఈలోపు ఫోన్ కి సంబంధించిన రెండర్స్ రివీల్ అయ్యాయి. దీని ద్వారా డిజైన్ ఎలా ఉండనుందో తెలిసిపోయింది. అయితే Infinix GT 10 Pro డిజైన్ ఇటీవలె లాంచైన Nothing Phone 2 మాదిరి కనిపిస్తోంది.
Infinix GT సిరీస్ రెండర్స్ (లీక్)
- Infinix GT స్మార్ట్ ఫోన్ సెమీ-ట్రాన్స్పరెంట్ బ్యాక్ ప్యానెల్ తో వస్తోంది. చిన్నవి, పెద్దవి కలిపి వివిధ రకాల ఎల్ఈడీ లైట్స్ బ్యాక్ ప్యానెల్ పై కనిపిస్తున్నాయి.
- డివైజ్ లో ఇంటరాక్టివ్ బ్యాక్లైట్ ఇంటర్ఫేస్ ఉంది.
- ఈ ఎల్ఈడీ లైట్స్ ఫోన్ కి గ్రేట్ లుక్ ఇస్తున్నాయి. గేమ్ ఆడేప్పుడు ఈ ఎల్ఈడీ లైట్స్ ఎంతో ఆకట్టుకోనున్నాయి. చార్జింగ్ అవుతునప్పుడు, నోటిఫికేషన్స్ వచ్చినప్పుడు కూడా ఈ ఎల్ఈడీ లైట్స్ పని చేస్తాయి.
- కలర్ ఆప్షన్ విషయానికి వస్తే, ఫోన్ రెండర్స్ ద్వారా రెండు కలర్స్ తెలిసాయి. అవి: సైబర్ బ్లాక్, మిరాజ్ సిల్వర్. కంపెనీ సైబర్ మెకా డిజైన్ అని పిలుస్తోంది.
- బ్లాక్ కలర్ మోడల్ ఆరెంజ్ హైలైట్స్ తో వస్తోంది. ఇది ఫోన్ కి యూనిక్ లుక్ ఇస్తుంది. మరోవైపు సిల్వర్ కలర్ ఆప్షన్ యూవీ లైట్ కి ఎక్స్పోజ్ అయినప్పుడు స్టీల్ బ్లూ మరియు డస్ట్ పింక్ కలర్స్ లోకి మారుతుంది.
- ప్రత్యేకించి గేమింగ్ లవర్స్ కోసం Infinix GT సిరీస్ ని కంపెనీ తీసుకొస్తోంది. బడ్జెట్ సెగ్మెంట్ లో గేమర్స్ కి ఒక గొప్ప అనుభూతి దొరకనుంది.
Infinix 10 GT Pro 5G స్పెసిఫికేషన్స్ (లీక్)
- డిస్ప్లే: Infinix 10 GT Pro 5G డివైజ్ లో అమోలెడ్ డిస్ప్లే, 120 హెర్ట్జ్ రిఫ్రెష్ రేట్ ఉంటాయి.
- ప్రాసెసర్: Infinix 10 GT Pro 5G స్మార్ట్ ఫోన్ లో డైమెన్సిటీ 8050 చిప్సెట్ వాడనున్నారు.
- స్టోరేజీ: Infinix 10 GT Pro 5G స్మార్ట్ ఫోన్ లో 26జిబి ర్యామ్, 256జిబి స్టోరేజీ ఉండే అవకాశం ఉంది.
- కెమెరా: Infinix 10 GT Pro 5G స్మార్ట్ ఫోన్ లో ట్రిపుల్ రియర్ కెమెరా సెటప్ ఉంటుంది. ఇందులో 100 మెగా పిక్సెల్ ప్రైమరీ కెమెరా, రెండు 8ఎంపి సెన్సర్స్ ఉంటాయి.
- బ్యాటరీ: Infinix 10 GT Pro 5G డివైజ్ 160 వాట్ ఫాస్ట్ చార్జింగ్ మరియు 260 వాట్ ఫాస్ట్ చార్జింగ్ వేరియంట్స్ లో రానుంది. ఈ ఫోన్ 7000 ఎంఏహెచ్ బ్యాటరీతో రానుందని సమాచారం.
- ఇతర ఫీచర్లు: Infinix 10 GT Pro 5G లో డ్యూయల్ సిమ్, 5జీ, వై-ఫై, బ్లూటూత్, ఫింగర్ ప్రింట్ స్కానర్ ఉంటాయి.
- ఓఎస్: Infinix 10 GT Pro 5G స్మార్ట్ ఫోన్ ఆండ్రాయిడ్ 13 ఓఎస్ పై పని చేస్తుంది.
