ప్రముఖ టెక్ బ్రాండ్ Samsung తన తదుపరి ఫ్యాన్ ఎడిషన్ ని తీసుకొచ్చేందుకు సిద్ధమవుతోంది. అధికారికంగా Samsung Galaxy S23 FE లాంచ్ తేదీని సదరు సంస్థ ప్రకటించింది. Samsung Galaxy S23 FE తో పాటు Galaxy Tab S9 FE, Galaxy Buds FE కూడా లాంచ్ కానున్నాయి. అయితే అక్టోబర్ 5 వ తేదీన Galaxy Tab S9 FE లాంచ్ అవుతుందని సమాచారం. ఇకపోతే, Galaxy Buds FE, Samsung Galaxy S23 FE తో పాటే ఎంట్రీ ఇవ్వనుందని తెలుస్తోంది.
లాంచ్ తేదీలను అధికారికంగా ప్రకటించిన Samsung
Samsung India తన అధికార X ఖాతా ద్వారా Samsung Galaxy S23 FE లాంచ్ తేదీని ప్రకటించింది. అక్టోబర్ 4 న ఈ ఫోన్ ఎంట్రీ ఇవ్వబోతోంది. మరోవైపు Samsung Galaxy Tab S9 FE అక్టోబర్ 5 న లాంచ్ కానుందని అమెజాన్ ఇండియా వెబ్ సైట్ లో పేర్కొనబడింది. అక్టోబర్ 4 లేదా 5 వ తేదీలో Galaxy Buds FE లాంచ్ అయ్యే అవకాశం ఉంది.
Samsung Galaxy S23 FE ధర
Samsung Galaxy S23 FE ధర భారత్ లో రూ.54,999 గా ఉంటుందని అంచనా వేస్తున్నారు. అమెజాన్ గ్రేట్ ఇండియన్ ఫెస్టివల్ సేల్ లో Samsung Galaxy S23 FE డివైజ్ అమ్మకానికి వచ్చే అవకాశాలు కనిపిస్తున్నాయి. Samsung Galaxy S23 FE డివైజ్ ఎగ్జినోస్ 2200 చిప్సెట్ తో రానుందని సమాచారం.
Samsung Galaxy S23 FE స్పెసిఫికేషన్స్
డిస్ప్లే: Samsung Galaxy S23 FE లో 6.4-ఇంచ్ డైనమిక్ అమోలెడ్ 2ఎక్స్ డిస్ప్లే, 120 హెర్ట్జ్ రిఫ్రెష్ రేట్, 1450 నిట్స్ బ్రైట్నెస్ ఉంటాయి.
ప్రాసెసర్: Samsung Galaxy S23 FE లో ఎగ్జినోస్ 2200 చిప్సెట్ ఉంటుంది. అమెరికా, కెనడా మార్కెట్స్ లో స్నాప్ డ్రాగన్ 8 జెన్ 1 చిప్ ఉండవచ్చు.
ర్యామ్, స్టోరేజీ: Samsung Galaxy S23 FE లో 8జిబి ఎల్పీడీడీఆర్5 ర్యామ్, 128జిబి యూఎఫ్ఎస్ 3.1 స్టోరేజీ ఉంటాయి.
కెమెరా: Samsung Galaxy S23 FE లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి ఓఐఎస్ మెయిన్ కెమెరా, 12ఎంపి అల్ట్రావైడ్ యాంగిల్ లెన్స్, 8ఎంపి ఓఐఎస్ టెలీఫోటో లెన్స్ ఉంటాయి. సెల్ఫీస్, వీడియో కాల్స్ కోసం 10ఎంపి ఫ్రంట్ కెమెరా ఉంటుంది.
బ్యాటరీ: Samsung Galaxy S23 FE లో పవర్ బ్యాకప్ కోసం 4,500 ఎంఏహెచ్ బ్యాటరీ ఉంటుంది. ఇది 25 వాట్ ఫాస్ట్ చార్జింగ్ కి సపోర్ట్ చేస్తుంది.
ఇతర ఫీచర్లు: Samsung Galaxy S23 FE లో ఐపీ68 రేటింగ్, గొరిల్లా గ్లాస్ ప్రొటెక్షన్, బ్లూటూత్, వై-ఫై, జీపీఎస్, డ్యూయల్ సిమ్, 5జీ, 4జీ ఉంటాయి.
