ప్రముఖ చైనీస్ స్మార్ట్ఫోన్ మేకర్ Motorola త్వరలో Moto G04 డివైజ్ ని లాంచ్ చేయనుంది. బడ్జెట్ సెగ్మెంట్ని ఉద్దేశించి ఈ ఫోన్ తీసుకొస్తున్నారు. తాజాగా Moto G04 యొక్క రెండర్స్, డిజైన్, కలర్ ఆప్షన్స్ రివీల్ అయ్యాయి. ఇంకా ఈ ఫోన్ లాంచ్ తేదీ ప్రకటన రాలేదు. అయితే తొలుత యురోపియన్ మార్కెట్ లో Moto G04 డివైజ్ లాంచ్ అవ్వనుంది. సరే, ఓసారి Moto G04 డివైజ్ రెండర్స్, డిజైన్, కలర్ ఆప్షన్స్ వివరాలను తెలుసుకుందాం పదండి.
Moto G04 రెండర్స్, డిజైన్, కలర్స్ (లీక్)
- Moto G04 స్మార్ట్ఫోన్ బ్లూ, ఆరెంజ్, బ్లాక్ మరియు గ్రీన్ కలర్ ఆప్షన్స్ లో రానున్నట్లు రెండర్ ఇమేజెస్ ద్వారా తెలుస్తోంది. అయితే లాంచ్ సమయానికి ఈ కలర్స్ కి విభిన్నమైన పేర్లను కంపెనీ పెట్టే అవకాశం ఉంది.
- Moto G04 డివైజ్ ముందు వైపున పంచ్ హోల్ కటౌట్ ఉంది. బాటమ్ లో బెజెల్స్ గుర్తించదగిన విధంగా ఉన్నాయి. డిస్ప్లే ప్యానెల్ ఫ్లాట్ గా ఉంది.
- Moto G04 లో డ్యూయల్ కెమెరా సెటప్ ఉంది. ఇందులో 16ఎంపి మెయిన్ కెమెరా, ఏఐ సెకండరీ లెన్స్ ఉంటాయని సమాచారం.
- Moto G04 లో కుడివైపున పవర్ బటన్, వాల్యూమ్ బటన్స్ ఉన్నాయి. ఎడమవైపున సిమ్ కార్డ్ ట్రే ఉంది.
- Moto G04 ఫోన్ కి బాటమ్ లో యూఎస్బీ-సీ పోర్ట్, స్పీకర్, మైక్రోఫోన్ ఉన్నాయి. ఫోన్ కి పై భాగాన 3.5ఎంఎం ఆడియో జాక్ ఉంది.
Moto G04 స్పెసిఫికేషన్స్ (అంచనా)
- డిస్ప్లే: Moto G04 లో ఫుల్ హెచ్డీ+ స్క్రీన్, పంచ్-హోల్ కటౌట్ ఉండవచ్చు. ఇతర డిస్ప్లే వివరాలు ఇంకా తెలియదు.
- ప్రాసెసర్: Moto G04 లో ఎంట్రీ లెవెల్ ప్రాసెసర్ ఉండే అవకాశం ఉంది. బహుశా మీడియాటెక్ హీలియో జీ85 చిప్ తో ఈ ఫోన్ ని తీసుకొచ్చే చాన్స్ ఉంది.
- ర్యామ్, స్టోరేజీ: Moto G04 డివైజ్ 4జిబి ర్యామ్ + 64జిబి/128జిబి స్టోరేజీ ఆప్షన్స్ లో లాంచ్ అయ్యే అవకాశం ఉంది.
- కెమెరా: Moto G04 లో డ్యూయల్ రియర్ కెమెరా సెటప్ ఉంటుంది. ఇందులో 16ఎంపి మెయిన్ కెమెరా, ఏఐ సెకండరీ లెన్స్ ఉండవచ్చు. సెల్ఫీ కెమెరా వివరాలు ఇంకా తెలియలేదు.
- బ్యాటరీ: Moto G04 లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంటుంది. ఇది ఫాస్ట్ చార్జింగ్ సపోర్ట్ తో వచ్చే అవకాశం ఉంది.
- ఓఎస్: Moto G04 డివైజ్ ఆండ్రాయిడ్ 13 ఓఎస్ తో లాంచ్ అయ్యే అవకాశం ఉంది.
రానున్న రోజుల్లో Moto G04 స్మార్ట్ఫోన్ కి సంబంధించిన మరిన్ని వివరాలను కంపెనీ రివీల్ చేసే అవకాశం ఉంది. అలాగే భారత్ తో సహా ఇతర మార్కెట్స్ లాంచ్ ప్రకటన కూడా మోటోరోలా నుంచి వెల్లడయ్యే చాన్స్ ఉంది.
