షావోమి సబ్-బ్రాండ్ Redmi తన తదుపరి స్మార్ట్ఫోన్ సిరీస్ Redmi Note 13 ని జనవరి 4 వ తేదీన లాంచ్ చేయనుంది. ఈ లైనప్ లో Redmi Note 13 5G, Note 13 Pro+ 5G ఫోన్లు భారత్ లో లాంచ్ కానున్నట్లు కంపెనీ తెలిపింది. మరోవైపు Redmi Note 13 4G, Redmi Note 13 Pro 4G డివైజెస్ ఎఫ్సీసీ, ఐఎండీఏ, ఎన్బీటీసీ సర్టిఫికేషన్స్ సైట్స్ పై కనిపించాయి.
ఇప్పుడు టిప్స్టర్ సుదాన్శు అంభోరే Appuals ద్వారా Redmi Note 13 4G సిరీస్ రెండర్స్, యురోపియన్ మార్కెట్ ధరలను షేర్ చేశారు. ఆ విశేషాలను తెలుసుకుందాం పదండి.
Redmi Note 13 4G, Note 13 Pro 4G రెండర్స్
Redmi Note 13 4G ధర (లీక్)
- Redmi Note 13 4G రెండు మెమొరీ వేరియంట్స్ లో లాంచ్ అయ్యింది. బేస్ మోడల్ 6జిబి ర్యామ్ + 128జిబి స్టోరేజీ ధర 199 యూరోలు (సుమారు రూ.17,999) గా ఉంది.
- Redmi Note 13 4G 8జిబి ర్యామ్ + 256జిబి స్టోరేజీ మోడల్ ధర 249 యూరోలు (సుమారు రూ.22,499) గా ఉంది.
Redmi Note 13 Pro 4G ధర (లీక్)
- Redmi Note 13 Pro 4G 8జిబి ర్యామ్ + 256జిబి స్టోరేజీ వేరియంట్ ధర 349 యూరోలు (సుమారు రూ.31,599) గా ఉంది.
- Redmi Note 13 Pro 4G 12జిబి ర్యామ్ + 512జిబి స్టోరేజీ మోడల్ ధర 399 యూరోలు (సుమారు రూ.35,999) గా ఉంది.
Redmi Note 13 4G, Redmi Note 13 Pro 4G స్పెసిఫికేషన్స్
- డిస్ప్లే: Redmi Note 13 4G, Redmi Note 13 Pro 4G డివైజెస్ లో 6.67-ఇంచ్ ఫుల్ హెచ్డీ+ స్క్రీన్, అమోలెడ్ ప్యానెల్, 120 హెర్ట్జ్ రిఫ్రెష్ రేట్, 1000 నిట్స్ బ్రైట్నెస్ ఉంటాయి.
- ప్రాసెసర్: Redmi Note 13 4G లో క్వాల్కమ్ స్నాప్ డ్రాగన్ 685 చిప్సెట్ ఉంటుంది. Redmi Note 13 Pro 4G లో మీడియాటెక్ హీలియో జీ99 చిప్ ఉంటుంది.
- ఓఎస్: Redmi Note 13 4G, Redmi Note 13 Pro 4G డివైజెస్ ఆండ్రాయిడ్ 13 ఓఎస్ ఆధారిత ఎంఐయూఐ 14 కస్టమ్ స్కిన్ పై పని చేస్తాయి.
- ర్యామ్, స్టోరేజీ: Redmi Note 13 4G, Redmi Note 13 Pro 4G ఫోన్లు 512జిబి వరకు స్టోరేజీ, 8జిబి వరకు ర్యామ్ ని ఆఫర్ చేస్తాయి. 8జిబి ర్యామ్, 256జిబి స్టోరేజీ వేరియంట్స్ కూడా మార్కెట్ లో లాంచ్ కానున్నాయి.
- కెమెరా: Redmi Note 13 4G, Redmi Note 13 Pro 4G ఫోన్లలో ట్రిపుల్ రియర్ కెమెరా సెటప్ ఉంటుంది. Redmi Note 13 4G లో 108ఎంపి మెయిన్ కెమెరా ఉంటుంది. Redmi Note 13 Pro 4G లో 200ఎంపి మెయిన్ కెమెరా ఉంటుంది. రెండు ఫోన్లలో 8ఎంపి అల్ట్రావైడ్ లెన్స్, 2ఎంపి మ్యాక్రో కెమెరా ఉంటాయి. Redmi Note 13 4G, Redmi Note 13 Pro 4G డివైజెస్ లో సెల్ఫీస్, వీడియో కాల్స్ కోసం 16ఎంపి ఫ్రంట్ కెమెరా అందించనున్నారు.
- ఇతర ఫీచర్లు: Redmi Note 13 4G, Redmi Note 13 Pro 4G డివైజెస్ లో వై-ఫై 5, బ్లూటూత్ 5.2, ఎన్ఎఫ్సీ, 3.5ఎంఎం ఆడియో జాక్, ఐఆర్ బ్లాస్టర్ ఉంటాయి.
