BSNL 4G నెట్వర్క్ లాంచ్ అయ్యేది అప్పుడే..!!

హైలైట్స్

• BSNL 4G నెట్వర్క్ లాంచ్ తేదీపై వచ్చిన క్లారిటీ
• ట్విట్టర్ ద్వారా యూజర్ అడిగిన ప్రశ్నకు స్పందించిన BSNL ఇండియా
• ఫిబ్రవరి-మార్చి 2023 లో BSNL 4G లాంచ్ అయ్యే అవకాశం ఉందని చెప్పిన BSNL

BSNL 4G లాంచ్: రిలయన్స్ జియో, ఎయిర్టెల్ టెలీకామ్ సంస్థలు దేశంలో తమ 5జీ సేవలను లాంచ్ చేశాయి. త్వరలో దేశ వ్యాప్తంగా అన్ని ప్రాంతాలకు 5జీ నెట్వర్క్ ని విస్తరించే దిశగా సదరు సంస్థలు పని చేస్తున్నాయి. మరోవైపు ప్రభుత్వరంగ టెలీకామ్ సంస్థ ఇంకా 3జీ సేవలకే పరిమితం అయ్యింది. కానీ, తాజాగా BSNL 4G కి సంబంధించిన వార్త ఒకటి బయటకు వచ్చింది. మీరు గనుక BSNL యూజర్ అయితే, అలాగే BSNL 4G కోసం వేచి చూస్తున్నట్లయితే, మీకు గుడ్ న్యూస్ ఒకటి వచ్చేసింది. BSNL 4G లాంచ్ టైమ్ లైన్ ఇదేనంటూ బీఎస్ఎన్ఎల్ తెలిపింది. ఆ వివరాలేంటో తెలుసుకుందాం పదండి.

BSNL 4G లాంచ్ తేదీ

BSNL 4G లాంచ్ ఎప్పుడంటూ, ఓ ట్విట్టర్ యూజర్ BSNL India ని ప్రశ్నించాడు. దీనిపై స్పందించిన BSNL, కచ్చితమైన తేదీని తెలపలేం కానీ, ఫిబ్రవరి-మార్చి 2023 లో 4జీ నెట్వర్క్ ఇన్‌స్టలేషన్ ఉంటుందని చెప్పింది. కేంద్ర ప్రభుత్వం ప్రకటించిన రివైవల్ ప్యాకేజీ లో భాగంగా 4జీ లైసెన్స్ కూడా అందిందని బీఎస్ఎన్ఎల్ తెలిపింది. దీంతో 4జీ లాంచ్ పై మరింత స్పష్టత వచ్చినట్లైంది.

BSNL 4G తర్వాత రానున్న 5G

BSNL 4G మార్చి 2023 లో భారతదేశంలో ప్రారంభమవుతుంది. దీని తర్వాత BSNL 5G కూడా లాంచ్ అవుతుంది. టెలీకామ్ మినిస్టర్ కూడా BSNL 5G వచ్చే ఏడాది ఆగస్టు 15 న లాంచ్ అవుతుందని ప్రకటించారు. 5జీ ధరలు ఎక్కువగా ఉండబోవని కూడా కేంద్ర ప్రభుత్వం తెలిపింది.

ప్రారంభమైన Jio-Airtel 5G సేవలు

ప్రయివేట్ టెలీకామ్ సంస్థలు జియో, ఎయిర్టెల్ దేశంలో తమ 5జీ సేవలను ఇప్పటికే ప్రారంభించాయి. అయితే తొలిదశలో కొన్ని నగరాలకే ఈ సేవలు పరిమితమయ్యాయి. త్వరలోనే అన్ని ప్రాంతాలకు ఈ సేవలు విస్తరించనున్నాయి. అయితే, యూజర్లు ఇప్పటికీ 5జీ సేవలను వినియోగించుకోవడంలో సమస్యలు ఎదుర్కుంటున్నారు.

5G సిమ్ అక్కర్లేదు

ప్రస్తుతం ఏ యూజర్ కి కూడా 5జీ సేవల వినియోగానికి కొత్త సిమ్ అక్కర్లేదు. ఇప్పటికే వాడుతోన్న సిమ్ కార్డ్ పై 5జీ సేవలను వాడుకోవచ్చని జియో, ఎయిర్టెల్ సంస్థలు స్పష్టం చేశాయి. ఇప్పటికైతే టెలీకామ్ కంపెనీలు 5జీ రీచార్జ్ ప్లాన్స్ ని ప్రకటించలేదు. ప్రస్తుతం 4జీ రీచార్జ్ ప్లాన్స్ పైనే 5జీ నెట్వర్క్ ఉపయోగించుకోవచ్చు. త్వరలో టెలీకామ్ సంస్థలు 5జీ రీచార్జ్ ప్లాన్ ని ఇంట్రడ్యూస్ చేసే అవకాశం ఉంది. అయితే వీటి ధరలు ఏ విధంగా ఉంటాయో చూడాలి. ధరలు 4జీ ప్లాన్స్ మాదిరే ఉంటాయని మరీ ఎక్కువ ఖరీదు ఉండవని గతంలో టెలీకామ్ సంస్థలు తెలిపాయి.