తక్కువ సమయంలోనే ఎంతో పేరు సంపాదించిన స్మార్ట్ఫోన్ బ్రాండ్ Nothing. ఇప్పుడు ఈ కంపెనీ తన సబ్-బ్రాండ్ CMF పేరుతో స్మార్ట్ఫోన్లను లాంచ్ చేయనుంది. మొదటగా CMF Phone (1) అనే స్మార్ట్ఫోన్ లాంచ్ కానుంది. సరసమైన ధర, యూనిక్ లుక్ తో ఈ ఫోన్ వస్తున్నట్లు సమాచారం. అయితే ఇంకా బ్రాండ్ నుంచి అధికార ప్రకటన రాలేదు. కానీ, ఈలోపే 91mobiles కి CMF Phone (1) యొక్క ధర, స్పెసిఫికేషన్స్ వివరాలు అందాయి. ఓసారి ఆ విశేషాలను తెలుసుకుందాం.
CMF Phone (1) ధర (లీక్)
91మొబైల్స్కి అందిన సమాచారం ప్రకారం, CMF Phone (1) స్మార్ట్ఫోన్ ధర భారతీయ మార్కెట్ లో రూ.12,000 వద్ద ఉంటుందని తెలుస్తోంది. ఇదివరకు సీఎంఎఫ్ బ్రాండ్ తక్కువ ధరలో నెక్ బ్యాంక్, ఇయర్ బడ్స్, స్మార్ట్వాచ్ మరియు పవర్ బ్యాంక్ లను మార్కెట్ లో లాంచ్ చేసింది. ఇప్పుడు ఫోన్ని లాంచ్ చేసేందుకు రెడీ అవుతోంది.
CMF Phone (1) కలర్ మరియు డిజైన్ (లీక్)
CMF Phone (1) స్మార్ట్ఫోన్ ప్లాస్టిక్ బాడీతో వస్తున్నట్లు సమాచారం. ఎంట్రీ-లెవెల్ ఫోన్ కనుక, ఈ ఫోన్ లో ప్లాస్టిక్ని ఎక్కువగా వాడనున్నారు. ఫ్రంట్ డిస్ప్లేకి గొరిల్లా గ్లాస్ ప్రొటెక్షన్ ఉంటుంది. ఈ ఫోన్ ఆరెంజ్, వైట్ మరియు బ్లాక్ కలర్ ఆప్షన్స్ లో లభిస్తుంది.
CMF Phone (1) స్పెసిఫికేషన్స్ (లీక్)
డిస్ప్లే: CMF Phone (1) లో 6.5-ఇంచ్ డిస్ప్లే ఉంటుంది. 60 హెర్ట్జ్ రిఫ్రెష్ రేట్, హెచ్డీ+ లేదా ఫుల్ హెచ్డీ రెజుల్యూషన్ ఉంటాయి. దీనిపై త్వరలోనే స్పష్టత రానుంది.
ప్రాసెసర్: CMF Phone (1) లో మీడియాటెక్ డైమెన్సిటీ 5జీ చిప్సెట్ ఉంటుంది. కచ్చితమైన వివరాలు తెలియదు.
బ్యాటరీ: CMF Phone (1) లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 33 వాట్ ఫాస్ట్ చార్జింగ్ కి సపోర్ట్ చేస్తుంది.
ఓఎస్: CMF Phone (1) స్మార్ట్ఫోన్ నథింగ్ ఓఎస్ తో లాంచ్ అవుతుంది. 3 ఏళ్ళు ఓఎస్ అప్డేట్స్, 4 ఏళ్ళు సెక్యూరిటీ అప్డేట్స్ ఈ ఫోన్ కి లభిస్తాయి.
