ప్రముఖ స్మార్ట్ఫోన్ బ్రాండ్ POCO నుంచి త్వరలో ఎఫ్-సిరీస్ లో ఒక కొత్త ఫోన్ లాంచ్ కానుంది. POCO F6 పేరుతో ఈ ఫోన్ మార్కెట్ లోకి రానుంది. తాజాగా ఈ డివైజ్ సింగపూర్కి చెందిన సర్టిఫికేషన్ వెబ్సైట్ ఐఎండీఏ పై లిస్ట్ అయ్యింది. దీంతో గ్లోబల్ లాంచ్ సమీపిస్తుందనే విషయం స్పష్టమైంది. ఓసారి పోకో ఎఫ్6 యొక్క సర్టిఫికేషన్ వివరాలతో పాటు అంచనా స్పెసిఫికేషన్స్ ఎలా ఉన్నాయో తెలుసుకుందాం.
POCO F6 ఐఎండీఏ లిస్టింగ్
POCO F6 స్మార్ట్ఫోన్ ఐఎండీఏ వెబ్సైట్ పై 24069PC21G అనే మోడల్ నంబర్ తో లిస్ట్ అయ్యింది. ఇంతకు ముందు ఎన్బీటీసీ లిస్టింగ్ పై కూడా ఇదే మోడల్ నంబర్ కనిపించింది.
మరో విషయం ఏంటంటే, గతంలో Redmi Turbo 3 కూడా ఇదే మోడల్ నంబర్ (24069PC21C) తో కనిపించింది. దీన్ని బట్టి, POCO F6, రెడ్మీ టర్బో 3 కి రీబ్రాండ్ వర్షన్ గా వస్తున్నట్లు తెలుస్తోంది.
POCO F6 స్పెసిఫికేషన్స్ (అంచనా)
డిస్ప్లే: POCO F6 లో 6.67-ఇంచ్ అమోలెడ్ స్క్రీన్, 1.5కే రెజుల్యూషన్, 120 హెర్ట్జ్ రిఫ్రెష్ రేట్, 2160 హెర్ట్జ్ పీడబ్ల్యూఎమ్ డిమ్మింగ్, 2400 నిట్స్ పీక్ బ్రైట్నెస్, గొరిల్లా గ్లాస్ విక్టస్ ప్రొటెక్షన్, పంచ్ హోల్ కటౌట్ ఉంటాయి.
ప్రాసెసర్: POCO F6 స్మార్ట్ఫోన్ లో స్నాప్డ్రాగన్ 8ఎస్ జెన్ 3 చిప్సెట్ వాడారు.
కెమెరా: POCO F6 లో 50ఎంపి సోని ఐఎంఎక్స్882 ఓఐఎస్ మెయిన్ కెమెరా, 8ఎంపి అల్ట్రావైడ్ లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 20ఎంపి ఫ్రంట్ కెమెరా ఉంటుంది.
ర్యామ్, స్టోరేజీ: POCO F6 డివైజ్ 12జిబి ర్యామ్ + 256జిబి స్టోరేజీతో లాంచ్ అయ్యే అవకాశం ఉంది. ఇతర వేరియంట్స్ కూడా లాంచ్ అవ్వవచ్చు.
బ్యాటరీ: POCO F6 లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 90 వాట్ ఫాస్ట్ చార్జింగ్ కి సపోర్ట్ చేస్తుంది.
సాఫ్ట్వేర్: POCO F6 డివైజ్ ఆండ్రాయిడ్ 14 ఓఎస్ ఆధారిత హైపర్ఓఎస్ కస్టమ్ స్కిన్ తో లాంచ్ అవుతుంది.
ఇతర ఫీచర్లు: POCO F6 లో స్టీరియో స్పీకర్స్, ఐపీ64 డస్ట్ అండ్ వాటర్ రెసిస్టన్స్ రేటింగ్, యూఎస్బీ-సీ 2.0 పోర్ట్, వై-ఫై 6ఈ, బ్లూటూత్ 5.4, జీపీఎస్, ఎన్ఎఫ్సీ, ఇన్ఫ్రారెడ్, అండర్-డిస్ప్లే ఫింగర్ప్రింట్ స్కానర్ ఉంటాయి.
Redmi Turbo 3 స్మార్ట్ఫోన్ 12జిబి ర్యామ్ + 256జిబి స్టోరేజీ వేరియంట్ ధర CNY 1,999 (సుమారు రూ.23,500) గా ఉంది. అంటే POCO F6 ధర కూడా ఇదే రేంజ్ లో ఉండే అవకాశం ఉంది. రానున్న రోజుల్లో మరిన్ని వివరాలు తెలియనున్నాయి.
