ప్రముఖ చైనీస్ స్మార్ట్ఫోన్ బ్రాండ్ Honor నేడు భారతీయ మార్కెట్ లో 200 సిరీస్ లో కొత్త ఫోన్ లాంచ్ చేసింది. Honor 200 Lite 5G పేరుతో ఈ ఫోన్ విడుదలైంది. ఈ ఫోన్ 6.78 మి.మీ అల్ట్రా స్లిమ్ డిజైన్ తో రావడం విశేషం. ఈ ఫోన్ లో 108ఎంపి ప్రైమరీ కెమెరా, 50ఎంపి ఫ్రంట్ కెమెరా ఉన్నాయి. ఓసారి ఈ ఫోన్ యొక్క ధర, సేల్ వివరాలు మరియు పూర్తి స్పెసిఫికేషన్స్ ఎలా ఉన్నాయో తెలుసుకుందాం.
Honor 200 Lite 5G ధర, సేల్ వివరాలు
Honor 200 Lite 5G స్మార్ట్ఫోన్ భారతీయ మార్కెట్ లో 8జిబి ర్యామ్ + 256జిబి స్టోరేజీతో లాంచ్ అయ్యింది. దీని ధరను రూ.17,999 గా నిర్ణయించారు.
లాంచ్ ఆఫర్ లో భాగంగా, ఈ ఫోన్ పై రూ.2,000 బ్యాంక్ డిస్కౌంట్ లభిస్తుంది. దీంతో ఈ ఫోన్ రూ.15,999 కే లభించనుంది. సెప్టెంబర్ 26వ తేదీ రాత్రి 12 గంటల నుంచి అమెజాన్ గ్రేట్ ఇండియన్ ఫెస్టివల్ సేల్ లో కొనుగోలుకి అందుబాటులో ఉంటుంది.
Honor 200 Lite 5G డిజైన్
Honor 200 Lite 5G స్మార్ట్ఫోన్ స్లిమ్ గా ఉంది. ఈ ఫోన్ బాడీ పాలికార్బొనేట్ ప్లాస్టిక్ తో తయారైంది. ఈ ఫోన్ 6.78 మి.మీ మందం, 166 గ్రాముల బరువు ఉంది. ఈ ఫోన్ స్టారీ బ్లూ, సైయన్ లే్ మరియు మిడ్నైట్ బ్లాక్ కలర్స్ లో లభిస్తుంది.
Honor 200 Lite 5G స్పెసిఫికేషన్స్
డిస్ప్లే: Honor 200 Lite 5G లో 6.7-ఇంచ్ ఫుల్హెచ్డీ+ అమోలెడ్ స్క్రీన్, 120 హెర్ట్జ్ రిఫ్రెష్ రేట్, 2000 నిట్స్ పీక్ బ్రైట్నెస్, 1200 నిట్స్ హై బ్రైట్నెస్ మోడ్, 93.7% స్క్రీన్ టు బాడీ రేషియో, 3240 హెర్ట్జ్ హై ఫ్రీక్వెన్సీ పీడబ్ల్యూఎమ్ డిమ్మింగ్, టీయూవీ సర్టిఫికేషన్ ఉన్నాయి.
చిప్సెట్: Honor 200 Lite 5G లో మీడియాటెక్ డైమెన్సిటీ 6080 ప్రాసెసర్ వాడారు. దీని హయ్యస్ట్ క్లాక్ స్పీడ్ 2.4 గిగాహెర్ట్జ్.
ర్యామ్, స్టోరేజీ: Honor 200 Lite 5G డివైజ్ 8జిబి ర్యామ్ మరియు 256జిబి వరకు స్టోరేజీతో వచ్చింది. ఈ ఫోన్ ర్యామ్ టర్బో టెక్నాలజీని కూడా కలిగి ఉంది. దీని ద్వారా 16జిబి వరకు ర్యామ్ పవర్ ను పొందవచ్చు.
కెమెరా: Honor 200 Lite 5G లో ట్రిపుల్ రియర్ కెమెరా సెటప్ ఉంది. ఇందులో 108ఎంపి ప్రైమరీ కెమెరా, 5ఎంపి అల్ట్రావైడ్ లెన్స్, 2ఎంపి మ్యాక్రో కెమెరా ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 50ఎంపి ఫ్రంట్ కెమెరా ఇచ్చారు. ఫ్రంట్ కూడా ఎల్ఈడీ లైట్ ఉంది.
బ్యాటరీ, చార్జింగ్: Honor 200 Lite 5G లో పవర్ బ్యాకప్ కోసం 5000 ఎంఏహెచ్ బ్యాటరీ ఉంది. ఇది 35 వాట్ ఫాస్ట్ చార్జింగ్ కి సపోర్ట్ చేస్తుంది.
సాఫ్ట్వేర్: Honor 200 Lite 5G స్మార్ట్ఫోన్ ఆండ్రాయిడ్ 14 ఓఎస్ తో లాంచ్ అయ్యింది.
ఏఐ ఫీచర్లు: Honor 200 Lite 5G స్మార్ట్ఫోన్ లో మ్యాజిక్ పోర్టల్ 14, మ్యాజిక్ లాక్ స్క్రీన్, ఏఐ ఫోటోగ్రఫీ, ఇన్స్టంట్ మూవీ, మ్యాజిక్ క్యాప్సూల్ వంటి ఏఐ ఫీచర్లు ఉన్నాయి.
కనెక్టివిటీ: Honor 200 Lite 5G లో డ్యూయల్ సిమ్, 5జీ, 4జీ, బ్లూటూత్, వై-ఫై వంటి ఆప్షన్స్ ఉంటాయి.
సెక్యూరిటీ: Honor 200 Lite 5G లో భద్రత కోసం ఐపీ52 వాటర్ అండ్ డస్ట్ రెసిస్టన్స్ ప్రొటెక్షన్ అందించారు.
