ప్రముఖ చైనా స్మార్ట్ఫోన్ మేకర్ Infinix మార్చి 18న గ్లోబల్ మార్కెట్ లో Note 40 సిరీస్ ని లాంచ్ చేసింది. తాజాగా ఇండియా లాంచ్ కూడా ఖరారైంది. Note 40, Note 40 Pro, Note 40 Pro 5G మరియు Note 40 Pro+ 5G ఫోన్లు గ్లోబల్ గా లాంచ్ అయ్యాయి. అయితే, ఫ్లిప్కార్ట్ పేజీ ద్వారా లైనప్ లోని 5జీ ఫోన్ రివీల్ అయ్యింది. దీన్ని బట్టి, సిరీస్ లోని రెండు 5జీ ఫోన్లు మాత్రమే భారత్ లో లాంచ్ కానున్నాయని అర్థమవుతోంది. ఓసారి పూర్తి వివరాలు తెలుసుకుందాం పదండి.
Infinix Note 40 Pro 5G సిరీస్ ఇండియా లాంచ్ ఖరారు
ఏప్రిల్ నెలలో Infinix Note 40 Pro 5G సిరీస్ భారత్ లో లాంచ్ కానుందని ఫ్లిప్కార్ట్ ద్వారా కన్ఫర్మ్ అయ్యింది.
ఏప్రిల్ నెలలో Infinix Note 40 Pro 5G సిరీస్ వివరాలు వెల్లడి కానున్నాయని టీజర్ ద్వారా తెలుస్తోంది.
సిరీస్ లో Infinix Note 40 Pro 5G మరియు Infinix Note 40 Pro+ 5G స్మార్ట్ఫోన్లు లాంచ్ కానున్నాయి.
టీజర్ లో లాంచ్ తేదీ పేర్కొనబడలేదు. అయితే, ఏప్రిల్ 12వ తేదీన లాంచ్ ఉంటుందని ఇండస్ట్రీ వర్గాల ద్వారా తెలుస్తోంది.
Infinix Note 40 Pro 5G, Note 40 Pro+ 5G స్పెసిఫికేషన్స్ (గ్లోబల్)
- డిస్ప్లే: Infinix Note 40 Pro 5G మరియు Infinix Note 40 Pro+ 5G డివైజెస్ లో 6.78-ఇంచ్ అమోలెడ్ ప్యానెల్, కర్వ్డ్ కార్నర్స్, ఫుల్ హెచ్డీ+ రెజుల్యూషన్, 120 హెర్ట్జ్ రిఫ్రెష్ రేట్, ఇన్-డిస్ప్లే ఫింగర్ప్రింట్ సెన్సర్ ఉన్నాయి.
- ప్రాసెసర్: Infinix Note 40 Pro 5G సిరీస్ లోని రెండు ఫోన్లలో మీడియాటెక్ డైమెన్సిటీ 7020 చిప్సెట్ వాడారు.
- ర్యామ్, స్టోరేజీ: Infinix Note 40 Pro+ 5G 12జిబి ర్యామ్ + 256జిబి స్టోరేజీని ఆఫర్ చేస్తుంది. మరోవైపు Infinix Note 40 Pro 5G డివైజ్ 8జిబి ర్యామ్ + 256జిబి స్టోరేజీని కలిగి ఉంది.
- బ్యాటరీ: Infinix Note 40 Pro+ 5G లో 4,600 ఎంఏహెచ్ బ్యాటరీ ఉంది. ఇది 100 వాట్ ఫాస్ట్ చార్జింగ్, 20 వాట్ మ్యాగ్చార్జ్ మ్యాగ్నెటిక్ వైర్లెస్ చార్జింగ్ కి సపోర్ట్ చేస్తుంది. Infinix Note 40 Pro 5G లో 5,000 ఎంఏహెచ్ బ్యాటరీ, 45 వాట్ ఫాస్ట్ చార్జింగ్ సపోర్ట్ ఉన్నాయి.
- కెమెరా: రెండు ఫోన్లలో 108ఎంపి ఓఐఎస్ ప్రైమరీ కెమెరా, రెండు 2ఎంపి సెన్సర్స్ ఉన్నాయి. వీటికి తోడు క్వాడ్-ఎల్ఈడీ ఫ్లాష్ ఉంది. సెల్ఫీస్, వీడియో కాల్స్ కోసం ఈ ఫోన్ లో 32ఎంపి ఫ్రంట్ కెమెరా ఉంది.
- ఓఎస్: Infinix Note 40 Pro 5G, Infinix Note 40 Pro+ 5G స్మార్ట్ఫోన్లు ఆండ్రాయిడ్ 14 ఓఎస్ ఆధారిత ఎక్స్ఓఎస్ 14 కస్టమ్ స్కిన్ పై పని చేస్తాయి. రెండు మేజర్ ఆండ్రాయిడ్ ఓఎస్ అప్గ్రేడ్స్, 3 ఏళ్ళు సెక్యూరిటీ అప్డేట్స్ ఈ ఫోన్లకు లభిస్తాయి.
