ప్రముఖ స్మార్ట్ఫోన్ బ్రాండ్ Vivo తాజాగా ఒక కొత్త టీ-సిరీస్ ఫోన్ని లాంచ్ చేసింది. Vivo T3 5G పేరుతో ఈ డివైజ్ భారతీయ మార్కెట్ లో లాంచ్ అయ్యింది. ఈ ఫోన్ లో ఎన్నో చక్కటి ఫీచర్లు ఉన్నాయి. సోని ఐఎంఎక్స్882 ప్రైమరీ కెమెరా, మీడియాటెక్ డైమెన్సిటీ 7200 చిప్సెట్, 8జిబి ర్యామ్, 4కే వీడియో రికార్డింగ్ సపోర్ట్, 5000 ఎంఏహెచ్ బ్యాటరీ ఈ ఫోన్ లో ఉన్నాయి. ఓసారి Vivo T3 5G ధర, పూర్తి స్పెసిఫికేషన్స్ మరియు సేల్ వివరాలు తెలుసుకుందాం పదండి.
Vivo T3 5G ధర, లభ్యత
Vivo T3 5G స్మార్ట్ఫోన్ భారత్ లో రెండు స్టోరేజీ వేరియంట్స్ లో లాంచ్ అయ్యింది. వాటి ధరలు తెలుసుకుందాం.
Vivo T3 5G 8జిబి ర్యామ్ + 128జిబి స్టోరేజీ వేరియంట్ ధరను రూ.19,999 గా నిర్ణయించారు. 8జిబి ర్యామ్ + 256జిబి స్టోరేజీ మోడల్ ధర రూ.21,999 గా ఉంది.
Vivo T3 5G స్మార్ట్ఫోన్ కాస్మిక్ బ్లూ మరియు క్రిస్టల్ ఫ్లేక్ కలర్ ఆప్షన్స్ లో లభిస్తుంది.
లాంచ్ ఆఫర్ లో భాగంగా, ఎస్బీఐ, హెచ్డీఎఫ్సీ బ్యాంక్ కార్డ్ లావాదేవీలపై కంపెనీ రూ.2,000 ఇన్స్టంట్ డిస్కౌంట్ అందిస్తోంది. అంతేకాదు, 3 నెలల కాలపరిమితితో నో-కాస్ట్ ఈఎంఐ సౌకర్యం కూడా అందుబాటులో ఉంది.
ఆఫర్స్ తర్వాత Vivo T3 5G బేస్ వేరియంట్ రూ.17,999 కి మరియు టాప్ వేరియంట్ ధర రూ.19,999 కి లభిస్తాయి.
Vivo T3 5G స్మార్ట్ఫోన్ మార్చి 27వ తేదీ మధ్యాహ్నం 12 గంటల నుంచి ఫ్లిప్కార్ట్, వివో వెబ్సైట్ మరియు ఇతర రిటైల్ స్టోర్స్ ద్వారా సేల్కి వస్తోంది.
Vivo T3 5G స్పెసిఫికేషన్స్
- స్క్రీన్: Vivo T3 5G లో 6.67-ఇంచ్ ఫుల్ హెచ్డీ+ అమోలెడ్ డిస్ప్లే, 2400*1080 పిక్సెల్స్ రెజుల్యూషన్, 120 హెర్ట్జ్ రిఫ్రెష్ రేట్, 394పీపీఐ పిక్సెల్ డెన్సిటీ, 91.90% స్క్రీన్ టు బాడీ రేషియో, 1800 నిట్స్ పీక్ బ్రైట్నెస్ ఉన్నాయి.
- ప్రాసెసర్: Vivo T3 5G డివైజ్ లో మీడియాటెక్ డైమెన్సిటీ 7200 చిప్సెట్ ఉంది. ఇది 4 నానోమీటర్ ఫ్యాబ్రికేషన్ పై తయారైన ప్రాసెసర్. అంటుటు ప్లాట్ఫామ్ పై ఈ ఫోన్ 7,34,000 పాయింట్లు స్కోర్ చేసింది.
- ర్యామ్, స్టోరేజీ: Vivo T3 5G ఫోన్ 8జిబి ఎల్పీడీడీఆర్4ఎక్స్ ర్యామ్, 128జిబి/256జిబి యూఎఫ్ఎస్ 2.2 స్టోరేజీ ఆప్షన్స్ లో లభిస్తుంది. 8జిబి టర్బో ర్యామ్ ఫీచర్ ని ఈ ఫోన్ లో అందించారు. దీంతో యూజర్ కి గరిష్టంగా 16జిబి ర్యామ్ పవర్ లభిస్తుంది.
- కెమెరా: Vivo T3 5G లో ట్రిపుల్ రియర్ కెమెరా సెటప్ ఉంది. ఇందులో 50MP Sony IMX882 OIS ప్రైమరీ కెమెరా, 2ఎంపి బొకే కెమెరా, ఫ్లికర్ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా అందించారు.
- బ్యాటరీ: Vivo T3 5G లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంది. ఇది 44W ఫాస్ట్ చార్జింగ్ కి సపోర్ట్ చేస్తుంది.
- సాఫ్ట్వేర్: Vivo T3 5G డివైజ్ ఆండ్రాయిడ్ 14 ఓఎస్ ఆధారిత ఫన్టచ్ఓఎస్ 14 కస్టమ్ స్కిన్ పై పని చేస్తుంది.
- ఇతర ఫీచర్లు: Vivo T3 5G లో డ్యూయల్ సిమ్, 5జీ, 4జీ, వై-ఫై 6, బ్లూటూత్, డ్యూయల్ స్టీరియో స్పీకర్, ఐపీ54 రేటింగ్, ఇన్-డిస్ప్లే ఫింగర్ ప్రింట్ స్కానర్ ఉన్నాయి.
