ఇన్ఫినిక్స్ సంస్థ ఒక కొత్త స్మార్ట్ ఫోన్ ని భారత్ లో లాంచ్ చేసేందుకు సిద్ధమవుతోంది. Infinix Smart 7 HD డివైజ్ ఏప్రిల్ 28 న భారత్ లో లాంచ్ కానుంది. గతేడాది లాంచైన మోడల్ స్మార్ట్ 6 హెచ్డీ ఫోన్ కి ఇది సక్సెసర్ గా వస్తోంది. త్వరలో లాంచ్ కాబోవు Infinix Smart 7 HD డివైజ్ కి సంబంధించిన స్పెసిఫికేషన్స్ ని కంపెనీ రివీల్ చేసింది. సరే, ఆ విశేషాలేంటో తెలుసుకుందాం.
Infinix Smart 7 HD స్పెసిఫికేషన్స్ (ఖరారు)
డిస్ప్లే
Infinix Smart 7 HD డివైజ్ లో 6.6-ఇంచ్ భారీ డిస్ప్లే ఉంటుంది. ఇది హెచ్డీ రెజుల్యూషన్ మరియు వాటర్ డ్రాప్ నాచ్ డిజైన్ తో రానుంది.
ర్యామ్ మరియు స్టోరేజీ వివరాలు
Infinix Smart 7 HD డివైజ్ 4జిబి ర్యామ్ మరియు 64జిబి స్టోరేజీ తో వస్తోంది. ఇప్పటివరకు ఈ ఫోన్ లో వాడబడిన ప్రాసెసర్ గురించి సమాచారం తెలియలేదు.
బ్యాటరీ
Infinix Smart 7 HD స్మార్ట్ ఫోన్ లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. చార్జింగ్ కెపాసిటీ లాంచ్ తేదీ రోజున రివీల్ అవుతుంది.
సెక్యూరిటీ
Infinix Smart 7 HD లో భద్రత కోసం బ్యాక్ ప్యానెల్ పై కెమెరా మాడ్యూల్ పక్కన ఫింగర్ ప్రింట్ సెన్సర్ ఉంటుంది.
కెమెరా సెటప్
Infinix Smart 7 HD స్మార్ట్ ఫోన్ లో డ్యూయల్ రియర్ కెమెరా సెటప్ ఉంటుంది. అయితే కెమెరా సెన్సర్స్ ఏమి ఉండనున్నాయో ఇంకా తెలియలేదు. అలాగే ఫ్రంట్ కెమెరా వివరాలు కూడా ప్రస్తుతం అందుబాటులో లేవు.
Infinix Smart 7 HD ధర (అంచనా)
Infinix Smart 7 HD స్మార్ట్ ఫోన్ గ్రీన్ మరియు బ్లూ కలర్ ఆప్షన్స్ లో లభించనుంది. లో-బడ్జెట్ సెగ్మెంట్ ని టార్గెట్ చేస్తూ ఈ డివైజ్ మార్కెట్ లోకి వస్తోంది. ఇప్పటి వరకు ధరకు సంబంధించిన సమాచారం తెలియలేదు. త్వరలోనే కంపెనీ నుంచి ప్రకటన వచ్చే అవకాశం ఉంది.
మరొక వార్త ఏంటంటే, Infinix సంస్థ ఏప్రిల్ 19 న భారత్ లో InBook Y1 Plus Neo అనే ల్యాప్ టాప్ ని లాంచ్ చేసే అవకాశం ఉన్నట్లు సమాచారం. ఈ ల్యాప్ టాప్ 15.6-ఇంచ్ డిస్ప్లే, డ్యూయల్ 2వాట్ స్పీకర్, 45 వాట్ ఫాస్ట్ చార్జింగ్ సపోర్ట్, టైప్-సీ పోర్ట్, 512జిబి స్టోరేజీ, ఇంటెల్ కోర్ ప్రాసెసర్ తో రానున్నట్లు తెలుస్తోంది. ఈ ల్యాప్ టాప్ ధర రూ.25,000 లోపు ఉండే అవకాశం ఉంది. లాంచ్ రోజున కచ్చితమైన ధర తెలియనుంది.
లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
