ప్రముఖ చైనీస్ స్మార్ట్ఫోన్ బ్రాండ్ Infinix తాజాగా గ్లోబల్ మార్కెట్ లో తన ఫ్లిప్ ఫోన్ని లాంచ్ చేసింది. Infinix Zero Flip పేరుతో ఈ ఫోన్ విడుదలైంది. ఇన్ఫినిక్స్ నుంచి వచ్చిన మొదటి ఫోల్డబుల్ ఫోన్ ఇదే. ఇకపోతే, ఈ డివైజ్ లో 6.9-ఇంచ్ ప్రైమరీ డిస్ప్లే, 3.64-ఇంచ్ ఎక్స్టర్నల్ స్క్రీన్, 8జిబి ర్యామ్, 512జిబి స్టోరేజీ, 4720 ఎంఏహెచ్ బ్యాటరీ వంటి ఫీచర్లు ఉన్నాయి. ఓసారి ఈ ఫోన్ యొక్క ధర మరియు పూర్తి స్పెసిఫికేషన్లు ఎలా ఉన్నాయో తెలుసుకుందాం.
Infinix Zero Flip ధర
Infinix Zero Flip 8జిబి ర్యామ్ + 512జిబి స్టోరేజీ వేరియంట్ ధర 600 డాలర్లు (సుమారు రూ.50,100) గా ఉంది. బ్లాసమ్ గ్లొ మరియు రాక్ బ్లాక్ కలర్ ఆప్షన్స్ లో లభిస్తుంది.
Infinix Zero Flip స్పెసిఫికేషన్స్
ఇంటర్నల్ డిస్ప్లే: Infinix Zero Flip లో 6.9-ఇంచ్ ఎల్టీపీవో అమోలెడ్ స్క్రీన్, ఫుల్హెచ్డీ+ (1080*2640 పిక్సెల్స్) రెజుల్యూషన్, 1400 నిట్స్ పీక్ బ్రైట్నెస్, 2160 హెర్ట్జ్ పీడబ్ల్యూఎమ్ డిమ్మింగ్ సపోర్ట్ ఉన్నాయి.
ఔటర్ డిస్ప్లే: Infinix Zero Flip లో 3.64-ఇంచ్ అమోలెడ్ ఔట్ స్క్రీన్, 1056*1066 పిక్సెల్స్ రెజుల్యూషన్, 120 హెర్ట్జ్ రిఫ్రెష్ రేట్, 1100 నిట్స్ పీక్ బ్రైట్నెస్, 1920 హెర్ట్జ్ పీడబ్ల్యూఎమ్ డిమ్మింగ్ సపోర్ట్, గొరిల్లా గ్లాస్ విక్టస్ 2 ఉన్నాయి.
చిప్సెట్: Infinix Zero Flip స్మార్ట్ఫోన్లో మీడియాటెక్ డైమెన్సిటీ 8020 చిప్సెట్ వాడారు. ఇది ఆక్టా-కోర్ ప్రాసెసర్. 6 నానోమీటర్ ఫ్యాబ్రికేషన్స్ పై తయారైంది. హయ్యస్ట్ క్లాక్ స్పీడ్ 2.6 గిగాహెర్ట్జ్.
ర్యామ్, స్టోరేజీ: Infinix Zero Flip డివైజ్ 16జిబి వరకు ర్యామ్ (ఎక్స్టెండెడ్ ర్యామ్తో కలిపి), 8జిబి స్టాండర్డ్ ర్యామ్, 512జిబి వరకు స్టోరేజీ ఆప్షన్స్ లో లభిస్తుంది.
ఫ్రంట్ కెమెరా: Infinix Zero Flip లో సెల్ఫీస్, వీడియో కాల్స్ కోసం 50ఎంపి శాంసంగ్ జెఎన్1 ఆటోఫోకస్ ఫ్రంట్ కెమెరా ఇచ్చారు.
రియర్ కెమెరా: Infinix Zero Flip లో 50ఎంపి శాంసంగ్ జీఎన్5 ఓఐఎస్ కెమెరా, 50ఎంపి అల్ట్రావైడ్ లెన్స్ ఉన్నాయి. ముందు మరియు వెనుకాల కెమెరాలతో 4కే 60ఎఫ్పీఎస్ వీడియో రికార్డింగ్ చేయవచ్చు. వ్లాగింగ్, డీవీ మోడ్, గోప్రో మోడ్ లు ఈ కెమెరాలో ఉన్నాయి.
బ్యాటరీ, చార్జింగ్: Infinix Zero Flip లో పవర్ బ్యాకప్ కోసం 4,720 ఎంఏహెచ్ బ్యాటరీ ఉంది. ఇది 70 వాట్ ఫాస్ట్ చార్జింగ్ కి సపోర్ట్ చేస్తుంది. 10 వాట్ రివర్స్ చార్జింగ్ కూడా ఉంది.
సాఫ్ట్వేర్: Infinix Zero Flip స్మార్ట్ఫోన్ ఆండ్రాయిడ్ 14 ఓఎస్ ఆధారిత ఎక్స్ఓఎస్ 14.5 కస్టమ్ స్కిన్ పై పని చేస్తుంది. 2 ఓఎస్ అప్డేట్స్, 3 ఏళ్ళు సెక్యూరిటీ అప్డేట్స్ ఈ ఫోన్కి లభిస్తాయి.
ఇతర ఫీచర్లు: Infinix Zero Flip లో డ్యూయల్ సిమ్, 5జీ, 4జీ, బ్లూటూత్ 5.4, వై-ఫై 6, యూఎస్బీ టైప్-సీ పోర్ట్, సైడ్ మౌంటెడ్ ఫింగర్ప్రింట్ స్కానర్, జెబిఎల్ డ్యూయల్ స్పీకర్, ఎక్స్-యాక్సిస్ లీనియర్ మోటర్ ఉన్నాయి.
బరువు, చుట్టుకొలత: Infinix Zero Flip డివైజ్ 170.35 మి.మీ పొడవు, 73.4 మి.మీ వెడల్పు, 7.64 మి.మీ మందం ఉంటుంది.
