ప్రముఖ టెక్ కంపెనీ ఆపిల్ నుంచి తాజాగా మార్కెట్ లోకి iPhone 15 సిరీస్ లాంచ్ అయ్యింది. ఈ లైనప్ లో మొత్తం 4 మోడల్స్ లాంచ్ అయ్యాయి. అవి: iPhone 15, iPhone 15 Plus, iPhone 15 Pro, iPhone 15 Pro Max. ఈ ఆర్టికల్ లో మనం iPhone 15 Pro, iPhone 15 Pro Max డివైజెస్ గురించి తెలుసుకుందాం. ఈ రెండు ఫోన్లు కూడా ఏ17 బయోనిక్ చిప్సెట్ తో వచ్చాయి. సరే, ఓసారి ఈ ఫోన్ల పూర్తి స్పెసిఫికేషన్స్ ఎలా ఉన్నాయో తెలుసుకుందాం పదండి.
iPhone 15 Pro, iPhone 15 Pro Max ధరలు
- iPhone 15 Pro డివైజ్ 128జిబి స్టోరేజీ వేరియంట్ ధర 999 డాలర్లుగా ఉంది. ఇతర స్టోరేజీ వేరియంట్స్ ధరలు వేరుగా ఉంటాయి.
- iPhone 15 Pro Max డివైజ్ 256జిబి స్టోరేజీ మోడల్ ధరను 1199 డాలర్లుగా నిర్ణయించారు.
- సెప్టెంబర్ 15 నుంచి కొత్త ఐఫోన్ మోడల్స్ యొక్క ప్రీ-ఆర్డర్స్ ప్రారంభమవుతాయి.
iPhone 15 Pro స్పెసిఫికేషన్స్
- స్క్రీన్: iPhone 15 Pro లో 6.1-ఇంచ్ ఓఎల్ఈడీ సూపర్ రెటీనా డిస్ప్లే ఉంది.
- చిప్సెట్: iPhone 15 Pro లో ఏ17 బయోనిక్ చిప్సెట్ వాడారు. ఇది 3 నానోమీటర్ ప్రాసెస్ పై తయారైన చిప్. 6-కోర్ జీపీయూని ఈ చిప్ తో అనుసంధానించారు.
- స్టోరేజీ: iPhone 15 Pro డివైజ్ 128జిబి, 256జిబి, 512జిబి, 1టిబి స్టోరేజీ ఆప్షన్స్ లో లభిస్తుంది.
- ఓఎస్: iPhone 15 Pro డివైజ్ ఐఓఎస్ 17 ఆపరేటింగ్ సిస్టమ్ పై పని చేస్తుంది.
- కెమెరా: iPhone 15 Pro లో ట్రిపుల్ రియర్ కెమెరా సెటప్ ఉంది. ఇందులో 48ఎంపి ఓఐఎస్ మెయిన్ కెమెరా, 12ఎంపి ఓఐఎస్ అల్ట్రావైడ్ యాంగిల్ లెన్స్, 12ఎంపి టెలీఫోటో లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 12ఎంపి ట్రూడెప్త్ ఫ్రంట్ కెమెరా అందించారు.
- బ్యాటరీ: iPhone 15 Pro లో 15 వాట్ మ్యాగ్సేఫ్ వైర్లెస్ చార్జింగ్ సపోర్ట్ అందించారు.
iPhone 15 Pro Max స్పెసిఫికేషన్స్
- స్క్రీన్: iPhone 15 Pro Max లో 6.7-ఇంచ్ ఓఎల్ఈడీ సూపర్ రెటీనా ఎక్స్డీఆర్ డిస్ప్లే, 2796*1290 పిక్సెల్స్ రెజుల్యూషన్, హెచ్డీఆర్, ట్రూ టోన్, డైనమిక్ ఐల్యాండ్, ఆల్వేస్-ఆన్ డిస్ప్లే, 120 హెర్ట్జ్ ప్రోమోషన్ టెక్నాలజీ, సిరామిక్ షీల్డ్ ప్రొటెక్షన్ ఉన్నాయి.
- ప్రాసెసర్: iPhone 15 Pro Max లో ఏ17 బయోనిక్ 3ఎన్ఎమ్ చిప్ వాడారు. గ్రాఫిక్స్ కోసం 6-కోర్ జీపీయూ అందించారు.
- స్టోరేజీ: iPhone 15 Pro Max డివైజ్ 128జిబి, 256జిబి, 512జిబి, 1టిబి స్టోరేజీ ఆప్షన్స్ లో లభిస్తుంది.
- ఓఎస్: iPhone 15 Pro Max డివైజ్ ఐఓఎస్ 17 ఆపరేటింగ్ సిస్టమ్ పై పని చేస్తుంది.
- కెమెరా: iPhone 15 Pro Max లో ట్రిపుల్ రియర్ కెమెరా సెటప్ ఉంది. ఇందులో 48ఎంపి ఓఐఎస్ మెయిన్ కెమెరా, 12ఎంపి అల్ట్రావైడ్ యాంగిల్ ఓఐఎస్ లెన్స్, 12ఎంపి టెలీఫోటో లెన్స్ ఉన్నాయి. 5ఎక్స్ ఆప్టికల్ జూమ్ ఆప్షన్ ఈ ఫోన్ లో ఉంది. సెల్ఫీస్, వీడియో కాల్స్ కోసం ఈ ఫోన్ లో 12ఎంపి ట్రూడెప్త్ కెమెరా అందించారు.
- కనెక్టివిటీ: iPhone 15 Pro Max లో 5జీ, గిగాబిట్-క్లాస్ ఎల్టీఈ, వై-ఫై 6, బ్లూటూత్ 5.3, ఎన్ఎఫ్సీ, జీపీఎస్, గ్లొనాస్ ఉన్నాయి.
