Apple తన ‘వండర్లస్ట్’ ఈవెంట్ కోసం ఆహ్వానాలను పంపినందున iPhone 15 సిరీస్ లాంచ్ తేదీ ఇప్పుడు అధికారికమైపోయింది. కుపెర్టినో టెక్ దిగ్గజం తన తదుపరి ప్రధాన హార్డ్వేర్ ఈవెంట్ను సెప్టెంబర్ 12న నిర్వహించనుందని వార్తలు వినిపిస్తున్నాయి. ఈవెంట్ లో ఆపిల్ సంస్థ నిస్సందేహంగా iPhone 15 ఫోన్లతో పాటు కొన్ని ఇతర ఉత్పత్తులు మరియు సేవలను లాంచ్ చేస్తుంది. iPhone 15 లాంచ్ ఈవెంట్ 1 PM కి ప్రారంభమవుతుంది, అంటే భారతదేశంలోని వీక్షకులు రాత్రి 10.30 కి ఈవెంట్ చూడవచ్చు.
పలు మార్పులతో రానున్న iPhone 15 సిరీస్
- ఇప్పటివరకు వచ్చిన అనేక లీక్లు మరియు నివేదికల ఆధారంగా, iPhone 15 సిరీస్ కొన్ని కీలకమైన డిజైన్-స్థాయి మార్పులతో వస్తుందని అర్థమైంది. నిస్సందేహంగా టాప్ ఎండ్ డివైజ్ లైట్నింగ్ పోర్ట్ స్థానంలో USB-C పోర్ట్ తో వస్తుందని అంచనా వేస్తున్నారు. అయితే ఛార్జింగ్ స్పీడ్ ఎక్కువగా ఉంటుందని చెప్పలేం.
- ఇతర పెద్ద మార్పు ఏంటంటే, స్టాండర్డ్ ఐఫోన్ 15 మరియు ఐఫోన్ 15 ప్లస్ మోడల్లలో నాచ్కు బదులుగా డైనమిక్ ఐలాండ్ ఉండవచ్చు. ఆపిల్ ఐఫోన్ 15 ను ప్రత్యేక గ్రీన్ కలర్ ఎడిషన్లో కూడా తీసుకొచ్చే చాన్స్ ఉంది.
- ఈవెంట్ సెప్టెంబర్ 12న జరగనున్నందున, ఐఫోన్ 15 మోడల్లు సెప్టెంబర్ 22 నుండి అమ్మకానికి వస్తాయని ఆశిస్తున్నాం. అయితే ఇది ఈవెంట్ సమయంలో మాత్రమే Apple ద్వారా ధృవీకరించబడుతుంది.
iPhone 15 సిరీస్ ధర
- ఐఫోన్ 15 ధర USD 799 (సుమారు రూ. 66,000), ఐఫోన్ 15 ప్రో మాక్స్ USD 1,299 (సుమారు రూ. 1,06,500) నుండి ప్రారంభం కావచ్చని రూమర్ల ద్వారా తెలుస్తోంది.
మేడ్ ఇన్ ఇండియా ఐఫోన్ 15
యాపిల్ ఐఫోన్ 15 ఉత్పత్తి భారతదేశంలో ప్రారంభమైంది. మీడియా నివేదికల ప్రకారం, ఈ ఫోన్ తమిళనాడులోని శ్రీపెరంబుదూర్లో ఉన్న ఫాక్స్కాన్ ఫ్యాక్టరీలో తయారు చేయబడుతోంది. సమాచారం ప్రకారం, కంపెనీ రాబోయే ఐఫోన్ సిరీస్ యొక్క బేస్ మోడల్ ఐఫోన్ 15 తయారీని ప్రారంభించింది. ఇక్కడ తయారయ్యే మేడ్ ఇన్ ఇండియా ఐఫోన్లన్నీ దేశంలోనే విక్రయించబడతాయా లేదా ఇతర దేశాలకు కూడా ఎగుమతి చేయబడతాయా అనేది ఇంకా స్పష్టంగా తెలియలేదు.
రానున్న రోజుల్లో ఐఫోన్ 15 గురించి ఆపిల్ నుంచి అధికార ప్రకటన వచ్చే అవకాశం ఉంది.
