హైలైట్స్
- భారత్ లో లాంచైన iQOO 11 5G స్మార్ట్ ఫోన్
- స్నాప్ డ్రాగన్ 8 జెన్ 2 చిప్, 6.78-ఇంచ్ క్యూహెచ్డీ+ అమోలెడ్ డిస్ప్లేతో లాంచైన iQOO 11 5G
- భారత్ లో iQOO 11 5G ధర రూ.59,999 నుంచి ప్రారంభం
iQOO బ్రాండ్ నేడు భారత్ లో iQOO 11 5G ఫోన్ ని లాంచ్ చేసింది. ఇది భారతదేశపు తొలి స్నాప్ డ్రాగన్ 8 జెన్ 2 చిప్సెట్ తో వచ్చిన ఫోన్. ఈ ఫోన్ 2కే ఈ6 అమోలెడ్ డిస్ప్లే తో వచ్చింది. ఐకూ లవర్స్ ఈ ఫోన్ కోసం ఎంతగానో ఎదురు చూస్తున్నారు. అయితే ఫోన్ ధర కాస్త ఎక్కువగానే ఉన్నట్లు కనిపిస్తోంది. iQOO 11 5G ప్రారంభ ధర రూ.59,999 గా ఉంది. అయితే బ్యాంక్ ఆఫర్లతో ధర కాస్త తగ్గనుంది.
iQOO 11 5G స్మార్ట్ ఫోన్ భారత్ లో లాంచైంది. స్నాప్ డ్రాగన్ 8 జెన్ 2 ప్రాసెసర్ తో వచ్చిన తొలి ఫోన్ ఇదే. అయితే ఇదే ప్రాసెసర్ తో రానున్న రోజుల్లో మరికొన్ని ఫోన్లు భారత్ లో లాంచ్ అయ్యేందుకు సిద్ధంగా ఉన్నాయి. సరే, ఓసారి iQOO 11 5G స్పెసిఫికేషన్స్, ధర, లభ్యత తదితర వివరాలను తెలుసుకుందాం పదండి.
భారత్ లో iQOO 11 5G ధర, లభ్యత
iQOO 11 5G స్మార్ట్ ఫోన్ 8జిబి ర్యామ్ + 256జిబి స్టోరేజీ వేరియంట్ ధర రూ.59,999 గా నిర్ణయించారు. ఇక 16జిబి ర్యామ్ + 256జిబి మోడల్ ధర రూ.64,999 గా ఉంది. హెచ్డీఎఫ్ఎసీ మరియు ఐసీఐసీఐ క్రెడిట్, డెబిట్ కార్డ్స్ ద్వారా రూ.5,000 డిస్కౌంట్ లభిస్తుంది. ప్రైమ్ డిస్కౌంట్ రూ.1,000 లభిస్తుంది. ఇంకా ఎక్స్చేంజ్ బోనస్ క్రింద రూ.3,000 లభిస్తుంది.
దీంతో డిస్కౌంట్ తర్వాత 8జిబి+256జిబి వేరియంట్ ధర రూ.50,999, 16జిబి+256జిబి మోడల్ ధర రూ.55,999 కి లభిస్తుంది. జనవరి 12 మధ్యాహ్నం 12 గంటల నుంచి iQOO 11 5G సేల్ ప్రారంభమవుతుంది. అమోజాన్ ద్వారా ఈ ఫోన్ ని కొనుగోలు చేయవచ్చు.
iQOO 11 5G స్పెసిఫికేషన్స్
- క్వాల్కమ్ స్నాప్ డ్రాగన్ 8 జెన్ 2 చిప్
- 16జిబి ర్యామ్ + 512జిబి స్టోరేజీ
- 6.78-ఇంచ్ ఫుల్ హెచ్డీ+ అమోలెడ్ డిస్ప్లే
- 144 హెర్ట్జ్ రిఫ్రెష్ రేట్
- 120 వాట్ ఫాస్ట్ చార్జింగ్
iQOO 11 స్మార్ట్ ఫోన్ లో 6.78-ఇంచ్ 2కే అమోలెడ్ ఎల్టీపీవో 4.0 డిస్ప్లే, 3200*1440 పిక్సెల్స్ రెజుల్యూషన్, 20:9 యాస్పెక్ట్ రేషియో, హెచ్డీఆర్10+, 1-144హెర్ట్జ్ వేరియబుల్ రిఫ్రెష్ రేట్, 1.07 బిలియన్ కలర్స్, డీసీఐ-పీ3 కలర్ గేముత్, 1800 నిట్స్ బ్రైట్నెస్, 1440హెర్ట్జ్ పీడబ్ల్యూఎం డిమ్మింగ్ ఉంటాయి.
iQOO 11 లో క్వాల్కమ్ స్నాప్ డ్రాగన్ 8 జెన్ 2 చిప్ వాడారు. అడ్రెనో జీపీయూ గ్రాఫిక్స్ వాడారు. ఈ ఫోన్ 16జిబి ర్యామ్, 512జిబి స్టోరేజీ తో వచ్చింది. ఎల్పీడీడీఆర్5ఎక్స్ ర్యామ్ టెక్నాలజీని ఇందులో వాడారు. పవర్ బ్యాకప్ కోసం ఈ ఫోన్ లో 5000 ఎంఏహెచ్ బ్యాటరీ ఇచ్చారు. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది. 0 నుంచి 50 కి చేరేందుకు ఈ ఫోన్ 8 నిమిషాల సమయం తీసుకుంటుంది. భద్రత కోసం ఈ ఫోన్ లో ఇన్-డిస్ప్లే ఫింగర్ ప్రింట్ స్కానర్ అందించారు.
ఇన్ఫ్రారెడ్ సెన్సర్, హై-ఫై ఆడియో, స్టీరియో స్పీకర్స్, యూఎస్బీ టైప్-సీ ఆడియో, 5జీ, డ్యూయల్ 4జీ వొల్టీ, వై-ఫై 6, బ్లూటూత్ 5.3, జీపీఎస్/గ్లొనాస్, యూఎస్బీ టైప్-సీ, ఎన్ఎఫ్సీ వంటి ఫీచర్లు iQOO 11 లో ఉన్నాయి.
iQOO 11 యొక్క కెమెరా విభాగం గురించి తెలుసుకుందాం. ఈ ఫోన్ లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి ప్రైమరీ శాంసంగ్ జీఎన్5 సెన్సర్, ఓఐఎస్, ఎల్ఈడీ ఫ్లాష్, 8ఎంపి అల్ట్రావైడ్ కెమెరా, 13ఎంపి 2ఎక్స్ టెలీఫోటో లెన్స్ ఉంటాయి. సెల్ఫీలు, వీడియో కాల్స్ కోసం ఇందులో 16ఎంపి ఫ్రంట్ కెమెరా ఉంటుంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
