భారత్ కి iQOO 10 గా రానున్న iQOO 11 చైనా వేరియంట్

హైలైట్స్

• IMEI డేటాబేస్ పై కనిపించిన ఐకూ 11
• భారత్ లో iQOO 10 గా రీబ్రాండ్ అయి రానున్న iQOO 11
• స్నాప్ డ్రాగన్ 8 జెన్ 2 చిప్, ఈ6 అమోలెడ్ డిస్ప్లే, 120 వాట్ ఫాస్ట్ చార్జింగ్ సపోర్ట్ వంటి స్పెసిఫికేషన్స్ తో రానున్న iQOO 11

I2209 అనే మోడల్ నంబర్ తో కొత్త iQOO డివైజ్ IMEI డేటాబేస్ పై కనిపించింది. ఈ హ్యాండ్సెట్ iQOO 11 ఫ్లాగ్షిప్ అని అంతా విశ్వసిస్తున్నారు. అయితే భారత్ లో ఇదే ఫోన్ ని iQOO 10 గా రీబ్రాండ్ చేసి లాంచ్ చేయనున్నట్లు సమాచారం. ఈ ఏడాది ఆఖర్లో iQOO 11 సిరీస్ చైనాలో లాంచ్ అవుతోంది. ఈ లైనప్ లో రెండు మోడల్స్ ఉంటాయి. అవి: iQOO 11 మరియు iQOO 11 Pro. ఈ ఫోన్లు వరుసగా V2243A, v2254A అనే మోడల్ నంబర్స్ ని కలిగి ఉన్నాయి. ఇక ఇండియన్ వేరియంట్స్ విషయానికి వస్తే ఇవి I2209, I2212 అనే మోడల్ నంబర్స్ కలిగి ఉన్నాయి.

మరో విషయం ఏంటంటే, ఈ ఏడాది జులై నెలలో చైనాలో లాంచ్ అయిన iQOO 10 సిరీస్ ని ఐకూ కంపెనీ భారత్ కి తీసుకొని రావడం లేదని తెలుస్తోంది. దానికి బదులుగా iQOO 11 ని iQOO 10 గా రీబ్రాండ్ చేసి iQOO 9 సిరీస్ కి కొనసాగింపుగా తీసుకురానుంది.

IMEI డేటాబేస్ పై కనిపించిన iQOO 11

భారత్ లో ఇదివరకు లాంచ్ అయిన iQOO 9 సిరీస్ లైనప్ లో మొత్తం మూడు మోడల్స్ ఉన్నాయి. అవి: iQOO 9 SE, iQOO 9, iQOO 9 Pro. తర్వాత ఇది iQOO 9T గా ఎక్స్‌ప్యాండ్ అయ్యింది. అలాగే ఇది iQOO 10 చైనా వేరియంట్ కి రీబ్రాండ్ వర్షన్. జనవరి లో iQOO 10 భారత్ లో లాంచ్ అవుతుందని అంచనా వేస్తున్నారు. అయితే ఇది నిజానికి iQOO 11 యొక్క రీబ్రాండ్ వర్షన్ కాబట్టి స్పెసిఫికేషన్స్ కూడా ఒకే విధంగా ఉండే అవకాశం ఉంది.

iQOO 10 స్మార్ట్ ఫోన్ 6.78-ఇంచ్ ఈ6 అమోలెడ్ ఫుల్ హెచ్డీ+ డిస్ప్లే, 144 హెర్ట్జ్ రిఫ్రెష్ రేట్, పంచ్-హోల్ కటౌట్ తో రానుంది. ఈ ఫోన్ క్వాల్కమ్ స్నాప్ డ్రాగన్ 8 జెన్ 2 చిప్సెట్ తో వచ్చే అవకాశం ఉంది. 12జిబి వరకు ర్యామ్, 512జిబి వరకు స్టోరేజీ ఆప్షన్స్ ఈ ఫోన్ లో ఉంటాయి. iQOO 10 ఆండ్రాయిడ్ 12 ఆధారిత ఐకూ యూఐ కస్టమ్ స్కిన్ పై పని చేయనుంది.

iQOO 10 కెమెరా విషయానికి వస్తే, ఇందులో ట్రిపుల్ రియర్ కెమెరా సెటప్ ఉంటుంది. 50ఎంపి ప్రైమరీ సెన్సర్, 13ఎంపి అల్ట్రావైడ్ కెమెరా, 12ఎంపి టెలీఫోటో లెన్స్ ఇందులో ఉంటాయి. సెల్ఫీలు, వీడియో కాల్స్ కోసం ముందువైపు 16ఎంపి కెమెరా ఉంటుంది. iQOO 10 లో 5000 ఎంఏహెచ్ బ్యాటరీ ఉండనుంది. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది. 5జీ, వైఫై6, బ్లూటూత్, జీపీఎస్, ఎన్ఎఫ్‌సీ, యూఎస్బీ టైప్-సీ పోర్ట్ వంటి కనెక్టివిటీ ఆప్షన్స్ ఇందులో ఉంటాయి.