iQOO Neo 7 Pro 5G స్మార్ట్ ఫోన్ నేడు భారతీయ మార్కెట్ లో లాంచ్ అయ్యింది. ఈ ఫోన్ నియో-సిరీస్ లో ప్రస్తుతం అందుబాటులో ఉన్న iQOO Neo 7 కంటే ఎక్కువ ధరతో వచ్చింది. స్పెసిఫికేషన్స్ చూసినట్లయితే, iQOO Neo 7 Pro 5G లో స్నాప్ డ్రాగన్ 8+ జెన్ 1 చిప్, 120 వాట్ ఫాస్ట్ చార్జింగ్ సపోర్ట్, 8.5 మి.మీ మందం, 197 గ్రాముల బరువు ఉంటుంది. సరే, ఓసారి iQOO Neo 7 Pro 5G పూర్తి స్పెసిఫికేషన్స్ మరియు ధర వివరాలు తెలుసుకుందాం.
iQOO Neo 7 Pro 5G ధర, సేల్ వివరాలు
- iQOO Neo 7 Pro 5G డివైజ్ 8జిబి ర్యామ్ + 128జిబి స్టోరేజీ వేరియంట్ ధర రూ.34,999 గా ఉంది. 12జిబి + 256జిబి మోడల్ ధరను రూ.37,999 గా నిర్ణయించారు.
- జులై 18 దాకా అందుబాటులో ఉండనున్న రూ.1000 డిస్కౌంట్
- ఎస్బీఐ, ఐసీఐసీఐ డెబిట్/క్రెడిట్ కార్డ్స్ పై లభించనున్న రూ.2,000 అదనపు డిస్కౌంట్
- 6 నెలల కాలపరిమితితో నో-కాస్ట్ ఈఎంఐ ని ఆఫర్ చేస్తోన్న కంపెనీ
- ఐకూ లాయల్ కస్టమర్లకు లభించనున్న రూ.1,000 డిస్కౌంట్ మరియు రూ.2,000 ఎక్స్చేంజ్ డిస్కౌంట్.
- ఫోన్ పై 2 ఏళ్ళ అదనపు వ్యారంటీని ఆఫర్ చేస్తోన్న ఐకూ సంస్థ
iQOO Neo 7 Pro 5G స్పెసిఫికేషన్స్
- డిస్ప్లే: iQOO Neo 7 Pro 5G లో 6.78-ఇంచ్ ఫుల్ హెచ్డీ+ డిస్ప్లే, అమోలెడ్ ప్యానెల్, పంచ్-హోల్ కటౌట్, 120 హెర్ట్జ్ రిఫ్రెష్ రేట్ ఉన్నాయి.
- ప్రాసెసర్, ర్యామ్, స్టోరేజీ: iQOO Neo 7 Pro 5G లో క్వాల్కమ్ స్నాప్ డ్రాగన్ 8+ జెన్ 1 చిప్ వాడారు. గ్రాఫిక్స్ కోసం అడ్రెనో 730 జీపీయూ వినియోగించారు. ఈ ఫోన్ ఎల్పీడీడీఆర్5 ర్యామ్, యూఎఫ్ఎస్ 3.1 స్టోరేజీ టెక్నాలజీని కలిగి ఉంది.
- ఓఎస్: iQOO Neo 7 Pro 5G డివైజ్ ఆండ్రాయిడ్ 13 ఓఎస్ ఆధారిత ఒరిజిన్ ఓఎస్ కస్టమ్ స్కిన్ పై పని చేస్తుంది.
- కెమెరా: iQOO Neo 7 Pro 5G లో ట్రిపుల్ రియర్ కెమెరా సెటప్ ఉంది. ఇందులో 50ఎంపి మెయిన్ కెమెరా, 8ఎంపి అల్ట్రావైడ్ లెన్స్, 2ఎంపి మ్యాక్రో లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా అందించారు.
- బ్యాటరీ: iQOO Neo 7 Pro 5G లో పవర్ బ్యాకప్ కోసం 5000 ఎంఏహెచ్ బ్యాటరీ అందించారు. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది.
