ప్రముఖ స్మార్ట్ ఫోన్ బ్రాండ్ ఐకూ, త్వరలో భారత్ లో iQOO Neo 7 Pro డివైజ్ ని లాంచ్ చేయనుందని సమాచారం. గతేడాది లాంచైన iQOO Neo 7 కి ప్రో వేరియంట్ గా ఈ ఫోన్ వస్తోంది. తాజాగా బయటకు వచ్చిన కొత్త రిపోర్ట్ ని బట్టి, iQOO Neo 7 Pro డివైజ్ త్వరలోనే భారత్ లో లాంచ్ కానుందని తెలుస్తోంది. ఈ నివేదిక ద్వారా అంచనా లాంచ్ టైమ్లైన్ కూడా రివీల్ అయ్యింది.
iQOO Neo 7 Pro ఇండియా లాంచ్ (రూమర్స్)
లీకైన టీజర్ మరియు ప్రైస్బాబా కథనాన్ని బట్టి iQOO Neo 7 Pro ఫోన్ భారత్ లో జూన్ ఆఖర్లో లాంచ్ కానుందని సమాచారం. లీకైన టీజర్ లో కనిపిస్తోన్న నియో ప్రో అనే పదాల ద్వారా ఆ ఫోన్ iQOO Neo 7 Pro అని అర్థమవుతోంది. ఈ వివరాలు తప్ప ఐకూ స్మార్ట్ ఫోన్ గురించి ఇంకా ఏమీ తెలియలేదు.
iQOO Neo 7 Pro స్పెసిఫికేషన్స్ (అంచనా)
లీక్స్ ప్రకారం, iQOO Neo 7 Pro డివైజ్ ఈ క్రింద పేర్కొనబడిన స్పెసిఫికేషన్స్ తో వచ్చే అవకాశం ఉంది.
డిస్ప్లే
- అమోలెడ్ ప్యానెల్
- 120 హెర్ట్జ్ రిఫ్రెష్ రేట్
iQOO Neo 7 Pro స్మార్ట్ ఫోన్ లో 6.78-ఇంచ్ ఫుల్ హెచ్డీ+ అమోలెడ్ డిస్ప్లే, 120 హెర్ట్జ్ రిఫ్రెష్ రేట్ ఉంటాయి.
ప్రాసెసర్
- స్నాప్ డ్రాగన్ 8+ జెన్ 1
iQOO Neo 7 Pro స్మార్ట్ ఫోన్ లో క్వాల్కమ్ స్నాప్ డ్రాగన్ 8+ జెన్ 1 చిప్సెట్ వాడినట్లు సమాచారం.
బ్యాటరీ, చార్జింగ్
- 5000 ఎంఏహెచ్
- 120 వాట్
iQOO Neo 7 Pro స్మార్ట్ ఫోన్ లో పవర్ బ్యాకప్ కోసం 5000ఎంఏహెచ్ బ్యాటరీ అందించారు. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది.
కెమెరా విభాగం
- 50ఎంపి ఓఐఎస్ మెయిన్ కెమెరా
- 16ఎంపి ఫ్రంట్ కెమెరా
iQOO Neo 7 Pro స్మార్ట్ ఫోన్ లో 50ఎంపి ఓఐఎస్ ప్రైమరీ కెమెరా ఉంటుంది. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా ఉంటుంది.
iQOO Neo 7 Pro ధర (రూమర్స్)
iQOO Neo 7 Pro స్మార్ట్ ఫోన్ ధర భారత్ లో రూ.33,000 నుంచి రూ.40,000 మధ్య ఉండే అవకాశం ఉంది. iQOO Neo 7 రూ.27,999 ధరతో లాంచ్ అయ్యింది. దీంతో పోల్చితే iQOO Neo 7 Pro ధర కాస్త ఎక్కువగానే ఉండే అవకాశం ఉంది. అయితే ధర విషయం అప్పుడే తేల్చి చెప్పలేం. రానున్న రోజుల్లో ఫోన ధర పై మరింత స్పష్టత వచ్చే అవకాశం ఉంది. త్వరలోనే ఈ ఫోన్ కి సంబంధించిన పూర్తి స్పెసిఫికేషన్స్, ధర తదితర వివరాలపై కచ్చితమైన సమాచారం బయటకు వచ్చే చాన్స్ ఉంది.
