హైలైట్స్
- చైనాలో లాంచైన iQOO Neo 7 Racing Edition స్మార్ట్ ఫోన్
- స్నాప్ డ్రాగన్ 8+ జెన్ 1 ప్రాసెసర్, 16జిబి ర్యామ్, 512జిబి స్టోరేజీ తో వచ్చిన iQOO Neo 7 Racing Edition
- iQOO Neo 7 Racing Edition 8జిబి+128జిబి వేరియంట్ ధర రూ.33,300
ప్రముఖ స్మార్ట్ ఫోన్ బ్రాండ్ ఐకూ చైనాలో iQOO Neo 7 Racing Edition ని లాంచ్ చేసింది. ఈ ఫోన్ ప్రీమియమ్ ఫీచర్లతో వచ్చింది. నియో 7, నియో 7 ఎస్ఈ 5జీ తర్వాత నియో సిరీస్ లో ప్రస్తుత ఫోన్ వరుసగా మూడవది. iQOO Neo 7 Racing Edition యొక్క మేజర్ సెల్లింగ్ పాయింట్ ఈ ఫోన్ లోని పెర్ఫామెన్స్ యూనిట్ అని చెప్పవచ్చు. ఈ ఫోన్ 16జిబి ర్యామ్, 120 వాట్ ఫాస్ట్ చార్జింగ్ తో వచ్చింది.
iQOO Neo 7 Racing Edition స్మార్ట్ ఫోన్ క్వాల్కమ్ స్నాప్ డ్రాగన్ 8+ జెన్ 1 చిప్సెట్ తో వచ్చింది. ఈ చిప్ 4 నానోమీటర్ ఫ్యాబ్రికేషన్ పై తయారైంది. ఇది పవర్ఫుల్ ప్రాసెసర్స్ లో ఒకటి. ఐకూ నియో 7 లో మీడియాటెక్ డైమెన్సిటీ 9000+ చిప్సెట్ వాడారు. ఐకూ నియో 7 ఎస్ఈ లో మీడియాటెక్ డైమెన్సిటీ 8200 చిప్సెట్ ఉపయోగించారు. సరే ఓసారి iQOO Neo 7 Racing Edition యొక్క స్పెసిఫికేషన్స్, ధర ఇతర వివరాలు తెలుసుకుందాం పదండి.
iQOO Neo 7 Racing Edition ధర
iQOO Neo 7 Racing Edition వివిధ స్టోరేజీ వేరియంట్స్ లో లాంచ్ అయ్యింది. ఇందులో టాప్ మోడల్ అయిన 16జిబి ర్యామ్ + 512జిబి స్టోరేజీ వేరియంట్ ధర 3599 యువాన్లు (సుమారు రూ.42,800), 16జిబి + 256జిబి మోడల్ ధర 3299 యువాన్లు (సుమారు రూ.39,200), 12జిబి + 256జిబి వేరియంట్ ధర 2999 యువాన్లు (సుమారు రూ.35,700). బేస్ మోడల్ అయిన 8జిబి ర్యామ్ + 128జిబి స్టోరేజీ వేరియంట్ ధర 2799 యువాన్లు (సుమారు రూ.33,300). iQOO Neo 7 Racing Edition ఫోన్ బ్లూ, బ్లాక్ మరియు మాన్స్టర్ ఆరెంజ్ కలర్ ఆప్షన్స్ లో లభిస్తుంది.
iQOO Neo 7 Racing Edition స్పెసిఫికేషన్స్
iQOO Neo 7 Racing Edition లో 6.78-ఇంచ్ ఫుల్ హెచ్డీ+ అమోలెడ్ డిస్ప్లే, సెంటర్ పంచ్ హోల్ కటౌట్, హెచ్డీఆర్10+, 120 హెర్ట్జ్ రిఫ్రెష్ రేట్, ఫ్లాట్ ఫ్రేమ్, సన్నని బెజెల్స్ ఉంటాయి. ఈ ఫోన్ లో స్నాప్ డ్రాగన్ 8+ జెన్ 1 చిప్సెట్ వాడారు. అడ్రెనో 730 జీపీయూ గ్రాఫిక్స్ వాడారు. ఎల్పీడీడీఆర్5 ర్యామ్, యూఎఫ్ఎస్ 3.1 స్టోరేజీ టెక్నాలజీ వినియోగించారు. ఈ డివైజ్ 8.5 ఎంఎం మందం, 197 గ్రాముల బరువు ఉంటుంది. iQOO Neo 7 Racing Edition ఫోన్ ఆండ్రాయిడ్ 13 ఓఎస్ ఆధారిత ఒరిజిన్ ఓఎస్ ఫారెస్ట్ కస్టమ్ స్కిన్ పై పని చేస్తుంది.
iQOO Neo 7 Racing Edition లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి ఓఐఎస్ మెయిన్ కెమెరా, 8ఎంపి వైడ్ యాంగిల్ కెమెరా, 2ఎంపి మ్యాక్రో లెన్స్ ఉంటాయి. సెల్ఫీలు, వీడియో కాల్స్ కోసం ఇందులో 16ఎంపి ఫ్రంట్ కెమెరా అందించారు.
iQOO Neo 7 Racing Edition లో పవర్ బ్యాకప్ కోసం 5000 ఎంఏహెచ్ బ్యాటరీ అందించారు. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది. బాక్స్ లో చార్జర్ ప్రొవైడ్ చేస్తున్నారు. అయితే వైర్లెస్ చార్జింగ్ సౌకర్యం లేదు. ఇకపోతే ఈ ఫోన్ భారత్ లో లాంచ్ అవుతుందా లేదా అన్న విషయం ఇంకా తెలియదు.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
