లీకైన iQOO Neo 7 SE స్పెసిఫికేషన్స్, Neo 7 5G గా భారత్ లో ఎంట్రీ ఇచ్చే అవకాశం

హైలైట్స్

• త్వరలో చైనాలో లాంచ్ కానున్న iQOO Neo 7 SE
• iQOO Neo 7 5G గా భారత్ లో ఎంట్రీ ఇచ్చే అవకాశం
• అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 50ఎంపి మెయిన్ కెమెరా వంటి స్పెసిఫికేషన్స్ తో రానున్న iQOO Neo 7 SE

iQOO కంపెనీ రీసెంట్ గా Neo 7 5G ని చైనాలో లాంచ్ చేసింది. ప్రీమియమ్ ఆఫరింగ్ అయిన ఈ ఫోన్ ఐకూ 11 సిరీస్ కి క్రింది వరుసలో ఉంటుంది. రానున్న రోజుల్లో ఐకూ నుంచి నియో 7 సిరీస్ ఫోన్లు రానున్నాయి. ప్రస్తుతం కంపెనీ Neo 7 SE పై పని చేస్తోంది. తాజాగా లీకైన సమాచారాన్ని బట్టి, ఈ విషయం బయటకు వచ్చింది. అయితే కంపెనీ నుంచి ఈ ఫోన్ లాంచ్ కి సంబంధించిన ప్రకటన ఇంకా రాలేదు. ఈలోపు iQOO Neo 7 SE యొక్క స్పెసిఫికేషన్స్ కొన్ని బయటకు వచ్చాయి.

iQOO Neo 7 SE యొక్క ముఖ్యమైన స్పెసిఫికేషన్స్ ని ప్రముఖ టిప్‌స్టర్ పారస్ గుగ్లాని రివీల్ చేశాడు. ఈ డివైజ్ ప్రీమియమ్ ఫీచర్స్ తో వస్తోంది. iQOO Neo 7 SE క్వాల్కమ్ స్నాప్ డ్రాగన్ చిప్సెట్ కలిగి ఉండే అవకాశం ఉంది. అయితే భారత్ లో ఈ ఫోన్ Neo 7 5G అనే పేరుతో లాంచ్ కానుంది. ఇప్పుడు iQOO Neo 7 SE ఫోన్ యొక్క స్పెసిఫికేషన్స్, ఫీచర్స్ ఎలా ఉన్నాయో తెలుసుకుందాం పదండి.

iQOO Neo 7 SE 5G స్పెసిఫికేషన్స్

iQOO Neo 7 SE 5G నియో సిరీస్ లో రానున్న రెండో స్మార్ట్ ఫోన్. త్వరలోనే చైనాలో లాంచ్ కాబోయే ఈ ఫోన్ అటు తర్వాత భారత్ కి రానుంది. iQOO Neo 7 SE 5G అమోలెడ్ డిస్ప్లే, 120 హెర్ట్జ్ రిఫ్రెస్ రేట్ తో రానుందని టిప్‌స్టర్ పారస్ గుగ్లాని వెల్లడించాడు. కనీసం 8జిబి ర్యామ్ తో ఈ ఫోన్ లాంచ్ కానుంది. అలాగే 12జిబి ర్యామ్ ఆప్షన్ కూడా ఇందులో ఉండనుంది.

iQOO Neo 7 SE 5G 5000 ఎంఏహెచ్ బ్యాటరీ, 120 వాట్ ఫాస్ట్ చార్జింగ్ ఫీచర్ తో రానున్నట్లు టిప్‌స్టర్ వెల్లడించాడు. నియో 6 ఎస్ఈ లో 4700 ఎంఏహెచ్ బ్యాటరీ, 80 వాట్ ఫాస్ట్ చార్జింగ్ సపోర్ట్ ఉంది. అంటే నియో 7 బ్యాటరీ మరియు ఫాస్ట్ చార్జింగ్ విభాగాల్లో చక్కటి అప్‌గ్రేడ్ తో వస్తోందన్న మాట.

iQOO Neo 7 SE 5G 6.78-ఇంచ్ అమోలెడ్ డిస్ప్లే, హోల్ పంచ్ కటౌట్, ట్రిపుల్ రియర్ కెమెరా సెటప్ తో రానుంది. 50ఎంపి మెయిన్ కెమెరా, 8ఎంపి అల్ట్రావైడ్ కెమెరా, 2ఎంపి మ్యాక్రో కెమెరా ఇందులో ఉంటాయి. 50ఎంపి మెయిన్ సెన్సర్ లో ఆప్టికల్ ఇమేజ్ స్టెబిలైజేషన్ ఫీచర్ ఉంటుంది. ఇకపోతే సెల్ఫీలు, వీడియో కాల్స్ కోసం ముందు వైపున 16ఎంపి కెమెరా ఉండనుంది.