హైలైట్స్
- త్వరలో లాంచ్ కానున్న OPPO A58 5G స్మార్ట్ ఫోన్
- మీడియాటెక్ డైమెన్సిటీ 700 చిప్, 8జిబి ర్యామ్, 256జిబి స్టోరేజీ ఈ ఫోన్ ప్రధాన స్పెసిఫికేషన్స్
- ట్రాన్క్విల్ సీ బ్లూ, బ్రీజ్ పర్పుల్, స్టారీ స్కై బ్లాక్ కలర్ ఆప్షన్స్ లో లభించనున్న OPPO A58 5G
ప్రముఖ స్మార్ట్ ఫోన్ కంపెనీ OPPO త్వరలో OPPO A98 అనే స్మార్ట్ ఫోన్ ని లాంచ్ చేయనున్నట్లు నిన్నే ఓ వార్త బయటకు వచ్చింది. ఈ ఫోన్ 108ఎంపి కెమెరా, 67 వాట్ ఫాస్ట్ చార్జింగ్ తో వస్తున్నట్లు సమాచారం. అయితే తాజాగా ఒప్పో నుంచి OPPO A58 5G అనే మరొక స్మార్ట్ ఫోన్ కూడా రాబోతోందని ఇంకో వార్త ఇవాళ నెట్టింట్లో ప్రత్యక్షమైంది. OPPO A58 5G కి సంబంధించిన ఫోటోస్, ఫీచర్స్, స్పెసిఫికేషన్స్ వివరాలు 91మొబైల్స్ కి అందాయి.
OPPO A58 5G స్పెసిఫికేషన్స్
OPPO A58 5G 6.56-ఇంచ్ హెచ్డీ+ డిస్ప్లే తో వస్తోంది. ఈ స్క్రీన్ ఎల్సీడీ ప్యానెల్ తో తయారైంది. ఇది 90 హెర్ట్జ్ రిఫ్రెష్ రేట్ కలిగి ఉంటుంది. OPPO A58 5G స్క్రీన్ బెజెల్-లెస్ డిజైన్ తో వస్తోంది. బాటమ్ లో మందపాటి చిన్ ఉంటుంది. ఇకపోతే వి-షేప్ నాచ్, డిస్ప్లే పై భాగం మధ్యలో ఉంటుంది. ఇందులో సెల్ఫీ కెమెరా నిక్షిప్తమై ఉంటుంది.
OPPO A58 5G ఆండ్రాయిడ్ 12 ఓఎస్ ఆధారిత కలర్ ఓఎస్ 12.1 కస్టమ్ స్కిన్ పై పని చేస్తుంది. అలాగే ఈ స్మార్ట్ ఫోన్ మీడియాటెక్ డైమెన్సిటీ 700 చిప్సెట్ తో రానుందని సమాచారం. OPPO A58 5G 8జిబి వరకు ర్యామ్ మరియు 256జిబి వరకు ఇంటర్నల్ స్టోరేజీ ఆప్షన్ తో వస్తోంది. ఇందులో LPDDR4x ర్యామ్, UFS 2.2 స్టోరేజీ టెక్నాలజీని వాడటం జరిగింది.
ఇప్పుడు OPPO A58 5G యొక్క కెమెరా విభాగం గురించి తెలుసుకుందాం. OPPO A58 5G లో 50 మెగా పిక్సెల్ శాంసంగ్ సెన్సర్ వాడారు. ఇకపోతే ఇందులో 108ఎంపి సెకండరీ సెన్సర్ ఉండనుంది. సెకండరీ కెమెరా కోసం 108ఎంపి లెన్స్ ని వాడటం ఇదే మొదటిసారి కావచ్చు. మరి ఇది ఎంతవరకు నిజమో అధికార సమాచారం వచ్చాక తెలుస్తుంది. అలాగే సెల్ఫీలు, వీడియో కాల్స్ కోసం ముందు వైపున 8 మెగా పిక్సెల్ కెమెరా ఉంటుంది. OPPO A58 5G లో 3880 ఎంఏహెచ్ బ్యాటరీ ఉంటుంది. ఇది 33 వాట్ ఫాస్ట్ చార్జింగ్ కి సపోర్ట్ చేస్తుంది.
OPPO A58 5G ధర, వేరియంట్స్
OPPO A58 5G మొత్తం మూడు వేరియంట్స్ లో లభ్యం కానుంది. అవి: 6జిబి ర్యామ్ + 128జిబి స్టోరేజీ వేరియంట్, 8జిబి ర్యామ్ + 128జిబి స్టోరేజీ యూనిట్, 8జిబి ర్యామ్ + 256జిబి స్టోరేజీ వేరియంట్. OPPO A58 5G యొక్క ధర ఇంకా వెల్లడి కావాల్సి ఉంది. OPPO A58 5G మొత్తం మూడు రంగుల్లో లభ్యమవుతుంది. అవి: ట్రాన్క్విల్ సీ బ్లూ, బ్రీజ్ పర్పుల్, స్టారీ స్కై బ్లాక్ కలర్.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
