వివో సబ్-బ్రాండ్ iQOO చైనాలో రెండు కొత్త స్మార్ట్ ఫోన్లను లాంచ్ చేసింది. iQOO Z8, iQOO Z8x అనే పేరుతో వచ్చిన ఈ ఫోన్లు గతంలో వచ్చిన ఐకూ జెడ్ 7 సిరీస్ కి సక్సెసర్స్ గా మార్కెట్ లోకి ఎంట్రీ ఇచ్చాయి. ఈ రెండు ఫోన్లు 120 హెర్ట్జ్ డిస్ప్లేని కలిగి ఉన్నాయి. iQOO Z8 డివైజ్ మీడియాటెక్ డైమెన్సిటీ 8200 చిప్, iQOO Z8x డివైజ్ స్నాప్ డ్రాగన్ 6 జెన్ 1 చిప్ తో వచ్చాయి. సరే, ఓసారి iQOO Z8 మరియు iQOO Z8x ఫోన్ల యొక్క పూర్తి స్పెసిఫికేషన్స్, ధర తదితర వివరాలు తెలుసుకుందాం పదండి.
iQOO Z8, iQOO Z8x ధరలు
- iQOO Z8 డివైజ్ 8జిబి + 256జిబి మోడల్ ధర RMB 1,699 (సుమారు రూ.19,300) గా ఉంది. 12జిబి + 256జిబి యూనిట్ ధర RMB 1799 (సుమారు రూ.20,500) గా ఉంది. టాప్ మోడల్ అయిన 12జిబి + 512జిబి వేరియంట్ ధరను RMB 1,999 (సుమారు రూ.23,100) గా నిర్ణయించారు.
- iQOO Z8x యొక్క 8జిబి + 128జిబి మోడల్ ధరను RMB 1,299 (సుమారు రూ.15,000) గా పెట్టారు. 8జిబి + 256జిబి మోడల్ ధరను RMB 1,399 (సుమారు రూ.16,200) గా నిర్ణయించారు. 12జిబి + 256జిబి వేరియంట్ ధర RMB 1,499 (సుమారు రూ.17,100) గా ఉంది.
- iQOO Z8x, iQOO Z8 డివైజెస్ బ్లాక్, బ్లూ, వైట్ కలర్ ఆప్షన్స్ లో లభిస్తాయి. సెప్టెంబర్ 7 వ తేదీ నుంచి చైనాలో ఈ ఫోన్ల సేల్ మొదలవుతుంది. iQOO Z8 సిరీస్ ఇండియా లాంచ్ గురించి ఇంతవరకు కంపెనీ నుంచి ఎటువంటి ప్రకటన రాలేదు. అయితే నేడు భారత్ లో ఐకూ సంస్థ iQOO Z7 Pro 5G డివైజ్ ని లాంచ్ చేసింది.
iQOO Z8 స్పెసిఫికేషన్స్
- స్క్రీన్: iQOO Z8 లో 6.64-ఇంచ్ ఫుల్ హెచ్డీ+ ఎల్సీడీ డిస్ప్లే, 120 హెర్ట్జ్ రిఫ్రెష్ రేట్, 2388*1080 పిక్సెల్స్ రెజుల్యూషన్, 19.9:9 యాస్పెక్ట్ రేషియో, పంచ్-హోల్ కటౌట్ ఉన్నాయి.
- చిప్సెట్: iQOO Z8 లో మీడియాటెక్ డైమెన్సిటీ 8200 చిప్ వాడారు. గ్రాఫిక్స్ కోసం ఒడిన్ ఎంసీ6 జీపీయూ వినియోగించారు.
- ఓఎస్: iQOO Z8 డివైజ్ ఆండ్రాయిడ్ 13 ఓఎస్ ఆధారిత ఒరిజిన్ఓఎస్ 13 కస్టమ్ స్కిన్ పై పని చేస్తుంది.
- కెమెరా: iQOO Z8 లో 64ఎంపి ఓఐఎస్ ప్రైమరీ కెమెరా, 2ఎంపి సెకండరీ లెన్స్ ఉన్నాయి. 16ఎంపి ఫ్రంట్ కెమెరాను ఈ ఫోన్ లో అందించారు.
- బ్యాటరీ: iQOO Z8 లో 120 వాట్ ఫాస్ట్ చార్జింగ్, 5,000 ఎంఏహెచ్ బ్యాటరీ అందించారు.
- కనెక్టివిటీ: iQOO Z8 లో 5జీ, 4జీ ఎల్టీఈ, డ్యూయల్ బ్యాండ్ వై-ఫై, బ్లూటూత్ 5.3, జీపీఎస్, యూఎస్బీ టైప్-సీ పోర్ట్ ఉన్నాయి.
- ర్యామ్, స్టోరేజీ: iQOO Z8 లో 12జిబి వరకు ఎల్పీడీడీఆర్5 ర్యామ్, 512జిబి వరకు యూఎఫ్ఎస్ 3.1 స్టోరేజీ అందించారు.
iQOO Z8x స్పెసిఫికేషన్స్
- డిస్ప్లే: iQOO Z8x 5G లో 6.64-ఇంచ్ ఫుల్ హెచ్డీ+ ఐపీఎస్ ఎల్సీడీ స్క్రీన్, 120 హెర్ట్జ్ రిఫ్రెష్ రేట్, 2388 * 1080 పిక్సెల్స్ రెజుల్యూషన్, 19.9:9 యాస్పెక్ట్ రేషియో, పంచ్-హోల్ కటౌట్, ఫ్లాట్ ఎడ్జెస్ ఉంటాయి.
- ప్రాసెసర్: iQOO Z8x 5G లో క్వాల్కమ్ స్నాప్ డ్రాగన్ 6 జెన్ 1 చిప్ వాడారు. గ్రాఫిక్స్ కోసం అడ్రెనో 710 జీపీయూ వినియోగించారు.
- ర్యామ్, స్టోరేజీ: iQOO Z8x 5G డివైజ్ 12జిబి వరకు ఎల్పీడీడీఆర్4ఎక్స్ ర్యామ్, 256జిబి వరకు యూఎఫ్ఎస్ 2.2 స్టోరేజీని ఆఫర్ చేస్తుంది. మైక్రోఎస్డీ కార్డ్ ద్వారా మెమొరీని 1టిబి వరకు పెంచుకోవచ్చు.
- ఓఎస్: iQOO Z8x 5G డివైజ్ ఆండ్రాయిడ్ 13 ఓఎస్ ఆధారిత ఒరిజిన్ఓఎస్ 13 కస్టమ్ స్కిన్ పై పని చేస్తుంది.
- కెమెరా: iQOO Z8x 5G డివైజ్ లో 50ఎంపి మెయిన్ కెమెరా, ఎల్ఈడీ ఫ్లాష్, 2ఎంపి సెకండరీ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 8ఎంపి ఫ్రంట్ కెమెరా అందించారు.
- బ్యాటరీ: iQOO Z8x 5G స్మార్ట్ ఫోన్ లో పవర్ బ్యాకప్ కోసం 6,000 ఎంఏహెచ్ బ్యాటరీ ఉంది. ఇది 44 వాట్ ఫాస్ట్ చార్జింగ్ కి సపోర్ట్ చేస్తుంది.
- ఇతర ఫీచర్లు: iQOO Z8x 5G లో సైడ్-మౌంటెడ్ ఫింగర్ ప్రింట్ స్కానర్ అందించారు.
- కనెక్టివిటీ: iQOO Z8x 5G లో 5జీ, 4జీ ఎల్టీఈ, డ్యూయల్-బ్యాండ్ వై-ఫై, బ్లూటూత్ 5.1, జీపీఎస్, యూఎస్బీ టైప్-సీ పోర్ట్ ఉన్నాయి.
- డైమెన్షన్స్: iQOO Z8x 5G డివైజ్ 164.63 మి.మీ పొడవు, 75.80 మి.మీ వెడల్పు, 9.10 మి.మీ మందం, 199.6 గ్రాముల బరువు ఉంది.
