ప్రముఖ స్మార్ట్ఫోన్ బ్రాండ్ iQOO ఇటీవలె Z9 5G ఫోన్ని భారతీయ మార్కెట్ లో లాంచ్ చేసింది. రూ.19,999 ప్రారంభ ధర కలిగిన ఈ ఫోన్ లో 120 హెర్ట్జ్ అమోలెడ్ డిస్ప్లే, 50ఎంపి కెమెరా, మీడియాటెక్ డైమెన్సిటీ 7200 చిప్సెట్ ఉన్నాయి. ఇదిలా ఉండగా, iQOO నుంచి Z9 Turbo అనే మరొక ఫోన్ లాంచ్ కానుందని తాజాగా ఓ వార్త బయటకు వచ్చింది. ఓసారి iQOO Z9 Turbo విశేషాలేంటో తెలుసుకుందాం పదండి.
iQOO Z9 Turbo వివరాలు (లీక్)
iQOO Z9 Turbo కి సంబంధించిన వివరాలను ప్రముఖ టిప్స్టర్ డిజిటల్ చాట్ స్టేషన్ చైనా మైక్రోబ్లాగింగ్ సైట్ వీబోపై రివీల్ చేసింది.
త్వరలో లాంచ్ కాబోయే iQOO Z9 Turbo క్వాల్కమ్ Snapdragon 8s Gen 3 చిప్సెట్ తో వస్తున్నట్లు సమాచారం.
లీక్ ప్రకారం, iQOO Z9 Turbo లో 6.78-ఇంచ్ ఓఎల్ఈడీ స్క్రీన్, 1.5కే రెజుల్యూషన్, ఇన్-డిస్ప్లే ఫింగర్ ప్రింట్ స్కానర్, 144Hz రిఫ్రెష్ రేట్, 2160 హెర్ట్జ్ పీడబ్ల్యూఎమ్ డిమ్మింగ్ ఉంటాయి.
iQOO Z9 Turbo ఆండ్రాయిడ్ 14 ఓఎస్ ఆధారిత ఒరిజిన్ఓఎస్ 4 కస్టమ్ స్కిన్ తో లాంచ్ అవుతుంది.
iQOO Z9 Turbo లో 16జిబి వరకు ఎల్పీడీడీఆర్5ఎక్స్ ర్యామ్, 1టిబి యూఎఫ్ఎస్ 4.0 స్టోరేజీ ఉంటాయి.
iQOO Z9 Turbo లో ఉండే బ్యాటరీ కెపాసిటీ వివరాలు ఇంకా తెలియదు. కానీ, ఇది 120W ఫాస్ట్ చార్జింగ్ సపోర్ట్ తో వస్తున్నట్లు లీక్ ద్వారా తెలుస్తోంది.
iQOO Z9 Turbo లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి మెయిన్ కెమెరా, సెకండరీ లెన్స్ ఉండే అవకాశం ఉంది.
iQOO Z9 5G స్పెసిఫికేషన్స్
- డిస్ప్లే: iQOO Z9 5G లో 6.67-ఇంచ్ అమోలెడ్ డిస్ప్లే, 2400*1080 పిక్సెల్స్ రెజుల్యూషన్, 394 పీపీఐ పిక్సెల్ డెన్సిటీ, 91.90% స్క్రీన్ టు బాడీ రేషియో, 120 హెర్ట్జ్ రిఫ్రెష్ రేట్ ఉన్నాయి.
- ప్రాసెసర్: iQOO Z9 5G లో మీడియాటెక్ డైమెన్సిటీ 7200 చిప్సెట్, ఏఆర్ఎమ్ మాలి 610 జీపీయూ ఉన్నాయి.
- ర్యామ్, స్టోరేజీ: iQOO Z9 5G డివైజ్ 8జిబి ర్యామ్, 8జిబి వర్చువల్ ర్యామ్, 128జిబి/256జిబి స్టోరేజీ ఆప్షన్స్ లో లభిస్తుంది. యూజర్ కి ఎక్స్టెండెడ్ ర్యామ్ ఫీచర్ ద్వారా గరిష్టంగా 16జిబి వరకు ర్యామ్ పవర్ లభిస్తుంది. మైక్రోఎస్డీ కార్డ్ సాయంతో మెమొరీని 1టిబి వరకు పెంచుకోవచ్చు.
- కెమెరా: iQOO Z9 5G లో డ్యూయల్ రియర్ కెమెరా సెటప్ ఉంది. ఇందులో 50ఎంపి సోని ఐఎంఎక్స్882 ఓఐఎస్ ప్రైమరీ కెమెరా, 2ఎంపి బొకే లెన్స్ ఉన్నాయి. ఈ ఫోన్ లో సెల్ఫీస్, వీడియో కాల్స్ కోసం 16ఎంపి ఫ్రంట్ కెమెరా ఇచ్చారు.
- బ్యాటరీ: iQOO Z9 5G లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంది. ఇది 44 వాట్ ఫాస్ట్ చార్జింగ్ కి సపోర్ట్ చేస్తుంది.
- ఓఎస్: iQOO Z9 5G డివైజ్ ఆండ్రాయిడ్ 14 ఓఎస్ ఆధారిత ఫన్టచ్ ఓఎస్ 14 కస్టమ్ స్కిన్ పై పని చేస్తుంది. 2 మేజర్ ఆండ్రాయిడ్ అప్డేట్స్, 3 ఏళ్ళు సెక్యూరిటీ అప్డేట్స్ ఈ ఫోన్ కి లభిస్తాయి.
- కనెక్టివిటీ: iQOO Z9 5G లో డ్యూయల్ సిమ్, 4జీ, 5జీ, బ్లూటూత్, వై-ఫై 6 ఉన్నాయి.
- ఇతర ఫీచర్లు: iQOO Z9 5G లో ఐపీ54 రేటింగ్, డ్యూయల్ స్టీరియో స్పీకర్, ఫింగర్ ప్రింట్ స్కానర్ ఉన్నాయి.