స్మార్ట్ఫోన్ మేకర్ itel త్వరలో itel P55+ డివైజ్ ని లాంచ్ చేసే పనుల్లో నిమగ్నమైంది. ఇప్పటికే ఈ సంస్థ నుంచి itel P55 డివైజ్ మార్కెట్ లోకి వచ్చింది. ఇది చవకైన 5జీ ఫోన్ గా గుర్తింపు పొందింది. ఇప్పుడు itel P55+ గూగుల్ ప్లే కన్సోల్ పై లిస్ట్ అయ్యింది. దీంతో itel P55+ డివైజ్ కి సంబంధించిన స్పెసిఫికేషన్స్ రివీల్ అయ్యాయి. ఆ విశేషాలేంటో తెలుసుకుందాం పదండి.
itel P55+ గూగుల్ ప్లే కన్సోల్ లిస్టింగ్
- గూగుల్ ప్లే కన్సోల్ పై itel P55+ డివైజ్ P663L అనే మోడల్ నంబర్ తో లిస్ట్ అయ్యింది.
- itel P55+ డివైజ్ హెచ్డీ+ రెజుల్యూషన్ తో వస్తున్నట్లు లిస్ట్ లో పేర్కొనబడి ఉంది.
- స్ప్రెడ్ట్రమ్ టీ606 చిప్సెట్, 4జిబి ర్యామ్, ఆండ్రాయిడ్ 13 ఓఎస్ తో itel P55+ డివైజ్ రానున్నట్లు లిస్ట్ ద్వారా తెలుస్తోంది.
- గూగుల్ ప్లే కన్సోల్ లిస్టింగ్ ద్వారా మరే ఇతర స్పెసిఫికేషన్స్ రివీల్ కాలేదు. త్వరలోనే పూర్తి వివరాలు బయటకు వచ్చే అవకాశం ఉంది.
ఇప్పటికే మార్కెట్ లో అందుబాటులో ఉన్న itel P55 డివైజ్ యొక్క స్పెసిఫికేషన్స్ మరోసారి తెలుసుకుందాం.
itel P55 స్పెసిఫికేషన్స్
- డిస్ప్లే: Itel P55 5G లో 6.6-ఇంచ్ స్క్రీన్, 90 హెర్ట్జ్ రిఫ్రెష్ రేట్ ఉంటాయి.
- ప్రాసెసర్: Itel P55 5G లో మీడియాటెక్ డైమెన్సిటీ 6080 చిప్ ఉంటుంది. ఇది 6 నానోమీటర్ ప్రాసెస్ పై తయారైంది.
- మెమొరీ: Itel P55 5G లో 12జిబి వరకు ర్యామ్, 128జిబి వరకు స్టోరేజీ, 6జిబి ఎక్స్టెండెడ్ ర్యామ్ ఉన్నాయి.
- కెమెరా: Itel P55 5G లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి ప్రైమరీ కెమెరా, ఒక ఏఐ లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 8ఎంపి ఏఐ సెల్ఫీ కెమెరా అందిస్తున్నారు.
- బ్యాటరీ: Itel P55 5G లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంటుంది. ఇది 18 వాట్ ఫాస్ట్ చార్జింగ్ కి సపోర్ట్ చేస్తుంది.
- కనెక్టివిటీ: Itel P55 5G డివైజ్ 10 5జీ బ్యాండ్స్ కి సపోర్ట్ చేస్తుంది. ఈ ఫోన్ లో డ్యూయల్ సిమ్, బ్లూటూత్, వై-ఫై ఉంటాయి.