ప్రముఖ స్వదేశీ స్మార్ట్ఫోన్ తయారీ సంస్థ Lava త్వరలో ఒక చవకైన ఫోన్ని లాంచ్ చేయనుంది. Lava O2 పేరుతో ఈ ఫోన్ భారతీయ మార్కెట్ లో లాంచ్ కానుంది. తాజాగా ఈ డివైజ్ యొక్క లాంచ్ తేదీ ఖరారైంది. మార్చి 22న ఈ ఫోన్ విడుదలవుతోంది. ఈ విషయాన్ని సోషల్ మీడియా ద్వారా లావా సంస్థ వెల్లడించింది. ఈ-కామర్స్ ప్లాట్ఫామ్ అమెజాన్, లావా వెబ్సైట్ ద్వారా కూడా Lava O2 లాంచ్ వివరాలు ఖరారయ్యాయి. సరే, ఓసారి పూర్తి వివరాలు తెలుసుకుందాం పదండి.
Lava O2 లాంచ్ తేదీ, ఇతర వివరాలు
Lava O2 లాంచ్ తేదీని లావా కంపెనీ సోషల్ మీడియా ద్వారా వెల్లడించింది. మార్చి 22వ తేదీన మధ్యాహ్నం 12 గంటలకు ఈ ఫోన్ లాంచ్ అవ్వనుంది. లాంచ్ ఈవెంట్ ని ప్రత్యక్ష ప్రసారం ద్వారా చూడవచ్చు.
అమెజాన్ పై Lava O2 యొక్క మైక్రోసైట్ దర్శనమిస్తోంది. మైక్రోసైట్ ద్వారా స్పెసిఫికేషన్స్ రివీల్ అయ్యాయి. 8జిబి ర్యామ్ మరియు 128జిబి స్టోరేజీతో ఈ ఫోన్ వస్తున్నట్లు తెలుస్తోంది.
Lava O2 డివైజ్ 50ఎంపి ఏఐ రియర్ కెమెరా, 18 వాట్ ఫాస్ట్ చార్జింగ్ సపోర్ట్, యూనిఎస్ఓసీ టీ616 చిప్సెట్ వంటి ఫీచర్లతో వస్తోంది.
Get ready to unleash the Fastest Phone in the Segment*
O2 – Launching on 22nd Mar, 12PMRegister for the Launch Event Now: https://t.co/Po2u8a5XtU
*T&C Apply#LavaMobiles #ProudlyIndian pic.twitter.com/5yDuJlVO7X— Lava Mobiles (@LavaMobile) March 18, 2024
Lava O2 స్పెసిఫికేషన్స్
- డిస్ప్లే: Lava O2 లో 6.5-ఇంచ్ హెచ్డీ స్క్రీన్, 1600*720 పిక్సెల్స్ రెజుల్యూషన్, 90 హెర్ట్జ్ రిఫ్రెష్ రేట్, పంచ్-హోల్ కటౌట్ ఉంటాయి.
- ప్రాసెసర్: Lava O2 లో యూనిఎస్ఓసీ టీ616 చిప్సెట్ ఉంటుందని వీడియో టీజర్ ద్వారా రివీల్ అయ్యింది.
- ర్యామ్, స్టోరేజీ: Lava O2 లో 8జిబి ర్యామ్, 128జిబి స్టోరేజీ ఉంటాయి. ఈ ఫోన్ వర్చువల్ ర్యామ్ ఫీచర్ తో వచ్చే అవకాశం ఉంది.
- కెమెరా: Lava O2 లో 50ఎంపి ప్రైమరీ కెమెరా, సెకండరీ ఏఐ లెన్స్ ఉంటాయి. వీటికి తోడు ఒక ఎల్ఈడీ ఫ్లాష్ ఉంటుంది.
- బ్యాటరీ: Lava O2 లో బ్యాటరీ కెపాసిటీ ఎంత ఉంటుందో ఇంకా తెలియదు. అయితే 18 వాట్ ఫాస్ట్ చార్జింగ్ సపోర్ట్ తో వస్తుందని సమాచారం.
- కనెక్టివిటీ: Lava O2 లో డ్యూయల్ సిమ్, 4జీ, బ్లూటూత్, వై-ఫై వంటి ఆప్షన్స్ ఉంటాయి.
