ప్రముఖ స్మార్ట్ఫోన్ బ్రాండ్ Motorola ప్రతీ ఏడాది జీ-సిరీస్ లో ఫోన్లను లాంచ్ చేస్తుంటుంది. గతేడాది Moto G 5G (2023) డివైజ్ ని మార్కెట్ లోకి తీసుకొచ్చిన మోటోరోలా ఇప్పుడు Moto G 5G (2024) ని తీసుకొచ్చే ప్రయత్నాల్లో ఉన్నట్లు అర్థమవుతోంది. తాజాగా Moto G 5G (2024) యొక్క రెండర్ ఇమేజ్ లీక్ అయ్యింది. దీంతో ఫోన్ డిజైన్ రివీల్ అయ్యింది. సరే, ఓసారి Moto G 5G (2024) డిజైన్ ఎలా ఉందో తెలుసుకుందాం పదండి.
Moto G 5G (2024) రెండర్స్ (లీక్)
- Moto G 5G (2024) ఫోన్ రెండర్ ఇమేజెస్ మరియు 360 డిగ్రీ వీడియోని OnLeaks సౌజన్యంతో MySmartPrice వెబ్సైట్ రివీల్ చేసింది.
- Moto G 5G (2024) లో పంచ్-హోల్ కటౌట్ డిజైన్ ఉంది. లీక్ ప్రకారం, ఈ డివైజ్ 6.5-ఇంచ్ డిస్ప్లేతో వస్తున్నట్లు సమాచారం.
- బ్యాక్ ప్యానెల్ పై డ్యూయల్ రియర్ కెమెరా సెటప్, ఎల్ఈడీ ఫ్లాష్ ఉన్నాయి.
- ఫోన్ కి కుడివైపున వాల్యూమ్, పవర్ బటన్స్ ఉన్నాయి. సిమ్ ట్రే ఎడమవైపున ఉంది. బాటమ్ లో 3.5ఎంఎం ఆడియో జాక్, యూఎస్బీ టైప్-సీ పోర్ట్, స్పీకర్ గ్రిల్ ఉన్నాయి.
- Moto G 5G (2024) డివైజ్ 164.4 మి.మీ పొడవు, 74.9 మి.మీ వెడల్పు, 8.2 మి.మీ మందం ఉంటుంది.
Moto G 5G (2023) స్పెసిఫికేషన్స్
- డిస్ప్లే: Moto G 5G (2023) లో 6.5-ఇంచ్ హెచ్డీ+ ఎల్సీడీ స్క్రీన్, 120 హెర్ట్జ్ రిఫ్రెష్ రేట్, 20:9 యాస్పెక్ట్ రేషియో, 1600*720 పిక్సెల్స్ రెజుల్యూషన్ ఉన్నాయి.
- ప్రాసెసర్: Moto G 5G (2023) లో క్వాల్కమ్ స్నాప్ డ్రాగన్ 480+ చిప్సెట్ వాడారు. ఇదొక ఆక్టా-కోర్ ప్రాసెసర్.
- ర్యామ్, స్టోరేజీ: Moto G 5G (2023) లో 4జిబి ర్యామ్, 128జిబి స్టోరేజీ ఉన్నాయి. మైక్రోఎస్డీ కార్డ్ సాయంతో మెమొరీని 1టిబి వరకు పెంచుకోవచ్చు.
- కెమెరా: Moto G 5G (2023) లో ట్రిపుల్ రియర్ కెమెరా సెటప్ ఉంది. ఇందులో 48ఎంపి మెయిన్ కెమెరా, 2ఎంపి డెప్త్ కెమెరా, 2ఎంపి మ్యాక్రో సెన్సర్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 8ఎంపి ఫ్రంట్ కెమెరా అందించారు.
- బ్యాటరీ: Moto G 5G (2023) లో పవర్ బ్యాకప్ కోసం 5,000 ఎంఏహెచ్ బ్యాటరీ అందించారు. ఇది 15 వాట్ ఫాస్ట్ చార్జింగ్ కి సపోర్ట్ చేస్తుంది.
