ప్రముఖ స్మార్ట్ఫోన్ బ్రాండ్ Motorola నేడు భారత్ లో Moto G85 5G ఫోన్ని లాంచ్ చేసింది. ఇక మరో చైనీస్ స్మార్ట్ఫోన్ మేకర్ Realme కొన్ని రోజుల క్రితం Realme P1 Pro 5G అనే స్మార్ట్ఫోన్ని విడుదల చేసింది. ప్రస్తుతం ఈ రెండు ఫోన్లు భారతీయ మార్కెట్ లో కొనుగోలుకి అందుబాటులో ఉన్నాయి. మరి, ఈ రెండు ఫోన్లలో ఉన్న చెప్పుకోదగిన ఫీచర్లు ఏంటి? ఏ ఫోన్ వాల్యూ ఫర్ మనీగా నిలువనుందో ఈ ఆర్టికల్ ద్వారా తెలుసుకుందాం.
Motorola G85 5G లోని టాప్ ఫీచర్లు
3డీ కర్వ్ డిస్ప్లే: Motorola G85 5G లో 6.67-ఇంచ్ ఫుల్ హెచ్డీ+ పీఓఎల్ఈడీ 3డీ కర్వ్ స్క్రీన్ అందించారు. ఇది ఫోన్కి ప్రత్యేక ఆకర్షణను తీసుకొచ్చింది. ఇంకా 120 హెర్ట్జ్ రిఫ్రెష్ రేట్, 1600 నిట్స్ బ్రైట్నెస్ ఉన్నాయి.
ఓఎస్ అప్డేట్స్: Motorola G85 5G డివైజ్కి మోటోరోలా కంపెనీ 4 ఏళ్ళ పాటు ఓఎస్ అప్డేట్స్ అందించనుంది. ఈ ధర శ్రేణిలో ఇన్నేళ్లు అప్డేట్స్ అందించడం మంచి విషయమని చెప్పవచ్చు.
30 వాట్ చార్జింగ్: Motorola G85 5G డివైజ్ 30 వాట్ ఫాస్ట్ చార్జింగ్ సపోర్ట్ తో వచ్చింది. పవర్ బ్యాకప్ కోసం 5000 ఎంఏహెచ్ బ్యాటరీని ఈ ఫోన్ లో అందించారు.
చిప్సెట్: Motorola G85 5G లో క్వాల్కమ్ స్నాప్డ్రాగన్ 6ఎస్ జెన్ 3 చిప్సెట్ వాడారు. ఇది 6 నానోమీటర్ ఫ్యాబ్రికేషన్ పై తయారైన ఆక్టా-కోర్ చిప్. దీని హయ్యస్ట్ క్లాక్ స్పీడ్ 2.3 గిగాహెర్ట్జ్.
Realme P1 Pro 5G లోని టాప్ ఫీచర్లు
120Hz OLED స్క్రీన్: Realme P1 Pro 5G లో 120 హెర్ట్జ్ రిఫ్రెష్ రేట్, ఓఎల్ఈడీ ప్యానెల్, 6.7-ఇంచ్ భారీ స్క్రీన్ అందించారు. డిస్ప్లే విభాగం కచ్చితంగా బిగ్ ప్లస్ అని చెప్పవచ్చు. సినిమాలు, వీడియోలు చూసేందుకు ఈ భారీ డిస్ప్లే ఎంతో బాగుంటుంది.
IP65 రేటింగ్: Realme P1 Pro 5G ఐపీ65 వాటర్ అండ్ డస్ట్ రెసిస్టన్స్ రేటింగ్ తో వచ్చింది. భద్రత విషయంలో ఈ ఫోన్ తన సెగ్మెంట్ లో ఉన్న ఫోన్ల కంటే ఎంతో మెరుగైన స్థానంలో ఉందని చెప్పవచ్చు.
45W చార్జింగ్: Realme P1 Pro 5G డివైజ్ లో 5000 ఎంఏహెచ్ బ్యాటరీ ఇచ్చారు. ఇది 45 వాట్ ఫాస్ట్ చార్జింగ్ కి సపోర్ట్ చేస్తుంది.
చిప్సెట్: Realme P1 Pro 5G లో క్వాల్కమ్ స్నాప్డ్రాగన్ 6 జెన్ 1 చిప్సెట్ అందించారు. దీని హయ్యస్ట్ క్లాక్ స్పీడ్ 2.2GHz. గేమింగ్ మరియు ఇతర పనులకు ఈ ప్రాసెసర్ బాగా సరిపోతుంది. ఈ ఫోన్ లో 3డీ వీసీ కూలింగ్ సిస్టమ్ కూడా ఇచ్చారు.
Rainwater Touch: Realme P1 Pro 5G లో రెయిన్వాటర్ టచ్ ఫీచర్ అందించారు. దీని ద్వారా స్క్రీన్ పై వాటర్ ఉన్నప్పటికీ టచ్ ఆపరేషన్ యథావిధిగా చేసుకోవచ్చు.
Moto G85 5G 13 5జీ బ్యాండ్స్ సపోర్ట్ తో వచ్చింది. అయితే Realme P1 Pro 9 5జీ బ్యాండ్స్ కి మాత్రమే సపోర్ట్ చేస్తుంది. ధర విషయంలో మోటో జీ85 5జీ, రియల్మీ పీ1 ప్రో కంటే చవకగా లభిస్తుంది. అయితే రియల్మీ పీ1 ప్రో 45 వాట్ ఫాస్ట్ చార్జింగ్ సపోర్ట్ తో వచ్చింది. ఇంకా సోని ప్రైమరీ కెమెరాను ఇందులో అందించారు. మోటో జీ85 5జీ కేవలం 40 వాట్ ఫాస్ట్ చార్జింగ్ కి సపోర్ట్ చేస్తుంది.
రెండు ఫోన్లలోనూ మెరుగైన అంశాలు చాలా ఉన్నాయి. కాబట్టి, ధర మరియు ఇతర విషయాలను దృష్టిలో పెట్టుకుని మీకు సరైన ఫోన్ ఏదో దాన్ని ఎంపిక చేసుకోండి.