120Hz డిస్ప్లే, 50MP కెమెరాతో వస్తోన్న Nokia G60 5G

హైలైట్స్

• త్వరలో భారత మార్కెట్ లో లాంచ్ కానున్న Nokia G60 5G
• 2022 బెర్లిన్ ఈవెంట్ లో Nokia G60 5G ని అనౌన్స్ చేసిన HMD Global
• స్నాప్ డ్రాగన్ 695 5జి చిప్, 120 హెర్ట్జ్ డిస్ప్లే, 50ఎంపి కెమెరా ఈ ఫోన్ ప్రధాన స్పెసిఫికేషన్స్

HMD Global సంస్థ పలు కొత్త నోకియా స్మార్ట్ ఫోన్స్ ని నోకియా టీ21 ట్యాబ్లెట్ తో కలిపి 2022 సెప్టెంబర్ లో బెర్లిన్ లో జరిగిన ఈవెంట్ లో లాంచ్ చేసింది. ఇప్పుడు నోకియా జి-సిరీస్ లో Nokia G60 5G అనే కొత్త ఫోన్ ని భారత మార్కెట్ లో లాంచ్ చేసేందుకు హెచ్ఎండీ గ్లోబల్ కంపెనీ సిద్ధమవుతోంది.

త్వరలోనే Nokia G60 5G స్మార్ట్ ఫోన్ ని భారత్ లో లాంచ్ చేయబోతున్నట్లు నోకియా మొబైల్ ఇండియా ప్రకటించింది. అలాగే త్వరలోనే ప్రీ-బుకింగ్, ఆఫర్స్ వివరాలు వెల్లడించనున్నట్లు కంపెనీ తెలిపింది. Nokia G60 5G స్నాప్ డ్రాగన్ చిప్సెట్ తో వస్తోంది. కొన్ని నెలల క్రితం ఈ ఫోన్ నోకియా ఎక్స్30 5జీ, నోకియా సీ31 స్మార్ట్ ఫోన్స్ తో పాటు అనౌన్స్ అయ్యింది.

Nokia G60 5G ఇండియా లాంచ్ ఖరారు

Nokia G60 5G త్వరలో భారత్ లో లాంచ్ కాబోతున్నట్లు ట్విట్టర్ ద్వారా నోకియా ఇండియా ప్రకటించింది. ఈ ఫోన్ రెండు కలర్ ఆప్షన్స్ లో లభించనుంది. Nokia G60 5G నలుపు, తెలుపు రంగు ఎంపికల్లో లభిస్తుంది. ట్విట్టర్ లో కంపెనీ పోస్ట్ చేసిన టీజర్ ని బట్టి, రానున్న వారాల్లో Nokia G60 5G ని లాంచ్ చేయనున్నట్లు తెలుస్తోంది. అయితే దీనికి సంబంధించి కంపెనీ నుంచి స్పష్టత లేదు.

Be ready for tomorrow with a 120Hz refresh rate, a 50MP triple AI camera, high-speed 5G connectivity and years of hardware and software support on the new Nokia G60 5G.

Pre-booking with exclusive offers, coming soon.#NokiaG605G #TomorrowisHere #Nokiaphones #LoveTrustKeep pic.twitter.com/pgrEe2IqqM

— Nokia Mobile India (@NokiamobileIN) October 28, 2022

Nokia G60 5G స్పెసిఫికేషన్స్

Nokia G60 5G స్మార్ట్ ఫోన్ 6.58-ఇంచ్ ఫుల్ హెచ్డీ+ డిస్ప్లే, 120 హెర్ట్జ్ రిఫ్రెష్ రేట్, స్నాప్ డ్రాగన్ 695 చిప్సెట్, 6జిబి ర్యామ్, 128జిబి స్టోరేజీ ఉన్నాయి. Nokia G60 5G లో 4500 ఎంఏహెచ్ బ్యాటరీ ఉంది. ఇది 20 వాట్ ఫాస్ట్ చార్జింగ్ కి సపోర్ట్ చేస్తుంది. టైప్-సీ పోర్ట్ ద్వారా చార్జింగ్ చేసుకోవచ్చు. కెమెరా విషయానికి వస్తే, ఇందులో 50ఎంపి మెయిన్ కెమెరా, 5ఎంపి అల్ట్రా వైడ్ కెమెరా, 2ఎంపి డెప్త్ సెన్సర్ ఉన్నాయి. సెల్ఫీలు, వీడియో కాల్స్ కోసం ముందువైపు 8ఎంపి కెమెరా అందించారు.

Nokia G60 5G స్మార్ట్ ఫోన్ ఆండ్రాయిడ్ 12 ఓఎస్ పై పని చేయనుంది. మూడేళ్ళ పాటు మేజర్ ఓఎస్ అప్డేట్స్ ని అందించనున్నట్లు నోకియా హామీ ఇచ్చింది. అంటే Nokia G60 5G ఆండ్రాయిడ్ 15 ఓఎస్ అప్డేట్ కూడా పొందనుందన్న మాట. ఇతర ఫీచర్ల విషయానికి వస్తే, ఈ ఫోన్ లో సైడ్-మౌంటెడ్ ఫింగర్ ప్రింట్ స్కానర్, బ్లూటూత్, ఎన్ఎఫ్‌సీ, 3.5ఎంఎం ఆడియో జాక్, డ్యూయల్ బ్యాండ్ వైఫై ఉన్నాయి. Nokia G60 5G ఫోన్ 190 గ్రాముల బరువు, 8.61 మిల్లీ మీటర్ల మందం ఉంటుంది.

Nokia G60 5G ధరను 319 యూరోలు (సుమారు రూ.25,300) గా నిర్ణయించారు. భారత్ లో Nokia G60 5G ధర దాదాపు రూ.20,000 గా ఉండే అవకాశం ఉంది.