ప్రముఖ స్మార్ట్ఫోన్ బ్రాండ్ Nothing మార్చి 5వ తేదీన భారత్ తో పాటు గ్లోబల్ గా Nothing Phone (2a) డివైజ్ ని లాంచ్ చేయనుంది. ఈ ఫోన్ లాంచ్ కోసం నథింగ్ లవర్స్ ఆసక్తిగా ఎదురు చూస్తున్నారు. ఈలోపు నథింగ్ సంస్థ, డివైజ్ యొక్క టీజర్ ని మొబైల్ వరల్డ్ కాంగ్రెస్ 2024 ఈవెంట్ లో బయటకు వదిలింది. దీంతో ఫోన్ డిజైన్ డీటెయిల్స్ రివీల్ అయ్యాయి. ఓసారి ఆ విశేషాలు తెలుసుకుందాం పదండి.
Nothing Phone (2a) డిజైన్ టీజర్
An unboxing like no other. Phone (2a) just dropped in London.
Launching 5 March. pic.twitter.com/7hcb4ELYMG
— Nothing (@nothing) February 26, 2024
Nothing Phone (2a) యొక్క కొత్త టీజర్ వీడియో సోషల్ మీడియా ప్లాట్ఫామ్ X పై షేర్ అయ్యింది.
డివైజ్ చూడటానికి ఎంతో ఆకర్షణీయంగా ఉంది. బ్యాక్ ప్యానెల్ పై ఎల్ఈడీ లైట్స్, డ్యూయల్ కెమెరా సెటప్ ఉన్నాయి.
Nothing Phone (2a) బ్యాక్ ప్యానెల్ పై ప్యాటర్న్ డిజైన్ కోసం తక్కువ ఎల్ఈడీ లైట్స్ వాడారు.
Nothing Phone (2a) వైట్ కలర్ వేరియంట్ టీజర్ వీడియోలో కనిపిస్తోంది. అయితే బ్లాక్ కలర్ ఆప్షన్ లో కూడా ఫోన్ లభించనుంది.
ఇక Nothing Phone (2a) ఫ్రంట్ ప్యానెల్ తీరుతెన్నులు తెలియలేదు. ఫ్లాట్ కార్నర్స్, పంచ్-హోల్ కటౌట్ ఉండే అవకాశం ఉంది.
Nothing Phone (2a) స్పెసిఫికేషన్స్ (ఖరారైనవి)
- ప్రాసెసర్: Nothing Phone (2a) లో మీడియాటెక్ డైమెన్సిటీ 7200 ప్రో చిప్సెట్ ఉంటుందని కంపెనీ ఇదివరకే స్పష్టం చేసింది. ఈ ప్రాసెసర్ 6 నానోమీటర్ పై తయారైంది. గరిష్ట క్లాక్ స్పీడ్ 2.8 గిగాహెర్ట్జ్.
- ర్యామ్, స్టోరేజీ: Nothing Phone (2a) డివైజ్ 12జిబి ర్యామ్, 8జిబి ర్యామ్ బూస్టర్ టెక్నాలజీతో వస్తోంది. అంటే యూజర్ కి గరిష్టంగా 20జిబి వరకు ర్యామ్ పవర్ లభిస్తుంది.
Nothing Phone (2a) స్పెసిఫికేషన్స్ (అంచనా)
- డిస్ప్లే: Nothing Phone (2a) లో 6.7-ఇంచ్ అమోలెడ్ ప్యానెల్, ఫుల్ హెచ్డీ+ రెజుల్యూషన్, 120 హెర్ట్జ్ రిఫ్రెష్ రేట్ ఉంటాయి.
- కెమెరా: Nothing Phone (2a) లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి ఐసోసెల్ ఎస్5కేజీ9 మెయిన్ కెమెరా, 50ఎంపి అల్ట్రావైడ్ ఓఐఎస్ లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 32ఎంపి ఫ్రంట్ కెమెరా ఉంటుంది.
- బ్యాటరీ: Nothing Phone (2a) డివైజ్ 45 వాట్ ఫాస్ట్ చార్జింగ్ సపోర్ట్ తో వస్తోంది. బ్యాటరీ కెపాసిటీ వివరాలు ఇంకా తెలియదు.
- ఓఎస్: Nothing Phone (2a) డివైజ్ ఆండ్రాయిడ్ 14 ఓఎస్ ఆధారిత నథింగ్ ఓఎస్ 2.5 కస్టమ్ స్కిన్ పై పని చేస్తుంది.
