RAW ఫోటోగ్రఫీకి సపోర్ట్ చేయనున్న OnePlus 11; రివీలైన కెమెరా స్పెసిఫికేషన్స్

హైలైట్స్

• జనవరి 4 న చైనాలో లాంచ్ అవుతోన్న OnePlus 11, భారత్ ఫిబ్రవరి 7 న లాంచ్ కానున్న OnePlus 11
• OnePlus 11 తో పాటు బడ్స్ ప్రో 2 టీడబ్ల్యూఎస్ ని కూడా లాంచ్ చేయనున్న వన్ ప్లస్ సంస్థ
• OnePlus 11 యొక్క కెమెరా స్పెసిఫికేషన్స్ ని ఖరారు చేసిన OnePlus

చైనాలో OnePlus 11 ఫ్లాగ్షిప్ డివైజ్ ని లాంచ్ చేసేందుకు వన్ ప్లస్ రెడీ అవుతోంది. ఈ ఫోన్ రేపు అనగా, జనవరి 4 న చైనాలో లాంచ్ అవుతోంది. అయితే లాంచ్ కి ఒకరోజు ముందు వన్ ప్లస్ సంస్థ OnePlus 11 యొక్క కెమెరా స్పెసిఫికేషన్స్ ని టీజ్ చేసింది. నేడు కెమెరా స్పెసిఫికేషన్స్ రివీల్ అయ్యాయి. కెమెరా రెజుల్యూషన్స్, సెన్సర్స్ కి సంబంధించిన సమాచారాన్ని ఈ ఆర్టికల్ లో తెలుసుకుందాం. పదండి.

OnePlus 11 కెమెరా స్పెసిఫికేషన్స్

OnePlus 11 స్మార్ట్ ఫోన్ 50ఎంపి సోని ఐఎంఎక్స్890 మెయిన్ సెన్సర్ తో వస్తున్నట్లు వన్ ప్లస్ కన్ఫర్మ్ చేసింది. మెయిన్ కెమెరాతో పాటు ఇంకా 48ఎంపి సోని ఐఎంఎక్స్581 అల్ట్రావైడ్ సెన్సర్ (మ్యాక్రో సెన్సర్), 2X సోని ఐఎంఎక్స్709 పోట్రెయిట్ కెమెరా ఈ ఫోన్ లో ఉంటాయి. సెల్ఫీలు, వీడియో కాల్స్ కోసం ఇందులో 16ఎంపి సెన్సర్ ఉంటుంది.

OnePlus 11 అద్భుతమైన పొట్రెయిట్ ఇమేజెస్ ని అందించడంపై ఫోకస్ చేస్తుందని కంపెనీ వెల్లడించింది. అలాగే ఈ ఫోన్ RAW ఫోటోగ్రఫీకి సపోర్ట్ చేస్తుందని సమాచారం. ఈసారి వన్ ప్లస్ కంపెనీ OnePlus 11 తో ఫోటోగ్రఫీపై ప్రధానంగా దృష్టి పెట్టినట్లు తెలుస్తోంది. మరి భారత్ లో ఈ ఫోన్ ధర ఎంత ఉంటుందో తెలియదు. రేపు చైనాలో లాంచ్ అయ్యాక ధర, పూర్తి స్పెసిఫికేషన్స్ పై ఓ అవగాహన వస్తుంది.

OnePlus 11 స్పెసిఫికేషన్స్ (అంచనా)

OnePlus 11 లో 6.7-ఇంచ్ క్యూహెచ్డీ+ 2కే ఈ5 అమోలెడ్ డిస్ప్లే, 120 హెర్ట్జ్ రిఫ్రెష్ రేట్ ఉంటాయి. ఈ ఫోన్ లో క్వాల్కమ్ స్నాప్ డ్రాగన్ 8 జెన్ 2 చిప్సెట్ వాడినట్లు సమాచారం. 16జిబి వరకు ఎల్పీడీడీఆర్5ఎక్స్ ర్యామ్, 512జిబి వరకు యూఎఫ్ఎస్4.0 స్టోరేజీని ఈ ఫోన్ లో అందించారు. సాఫ్ట్‌వేర్ విషయానికి వస్తే, OnePlus 11 ఆండ్రాయిడ్ 13 ఓఎస్ ఆధారిత కలర్ఓఎస్ 13 కస్టమ్ స్కిన్ పై పని చేస్తుంది.

ఇప్పుడు OnePlus 11 యొక్క కెమెరా విభాగం గురించి తెలుసుకుందాం. ఈ డివైజ్ లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి మెయిన్ కెమెరా, 48ఎంపి వైడ్ యాంగిల్ లెన్స్, 2ఎక్స్ జూమ్ పొట్రెయిట్ లెన్స్ ఉంటాయి. సెల్ఫీలు, వీడియో కాల్స్ కోసం ఇందులో 16 ఎంపి ఫ్రంట్ కెమెరా ఉంటుంది. OnePlus 11 లో 5000 ఎంఏహెచ్ బ్యాటరీ ఉంటుంది. ఇది 100 వాట్ సూపర్ వూక్ ఫాస్ట్ చార్జింగ్ కి సపోర్ట్ చేస్తుంది. చార్జింగ్ మరియు డేటా ట్రాన్స్‌ఫర్ కోసం ఈ ఫోన్ లో యూఎస్బీ టైప్-సీ పోర్ట్ అందించారు.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.