లాంచ్‌కి ముందు లీకైన OnePlus 11 రెండర్స్, బాక్స్ కంటెంట్స్, స్పెసిఫికేషన్స్

హైలైట్స్

• చైనాలో జనవరి 4 వ తేదీన లాంచ్ అవుతోన్న OnePlus 11 స్మార్ట్ ఫోన్
• ఫిబ్రవరి 7 వ తారీఖున భారత్ లో లాంచ్ కానున్న OnePlus 11
• క్వాల్కమ్ స్నాప్ డ్రాగన్ 8 జెన్ 2 చిప్సెట్ తో వస్తోన్న OnePlus 11

ప్రముఖ స్మార్ట్ ఫోన్ బ్రాండ్ OnePlus చైనాలో తన ఫ్లాగ్షిప్ స్మార్ట్ ఫోన్ OnePlus 11 ని లాంచ్ చేసేందుకు సిద్ధమవుతోంది. జనవరి 4 న ఈ ఫోన్ చైనీస్ మార్కెట్ లోకి ఎంట్రీ ఇస్తోంది. అయితే లాంచ్ కి ముందు OnePlus 11 కి సంబంధించి డిజైన్ రెండర్, ప్రధాన స్పెసిఫికేషన్స్, బాక్స్ కంటెంట్స్ లీక్ అయ్యాయి.

లేటెస్ట్ లీక్ ని ప్రముఖ టిప్‌స్టర్ ఇవాన్ షేర్ చేశాడు. అతడు చెబుతున్న దాని ప్రకారం, OnePlus 11 డివైజ్ క్వాల్కమ్ స్నాప్ డ్రాగన్ 8 జెన్ 2 ప్రాసెసర్, 5000 ఎంఏహెచ్ బ్యాటరీతో వస్తోంది. ఈ స్మార్ట్ ఫోన్ ట్రిపుల్ రియర్ కెమెరా సెటప్, అమోలెడ్ డిస్ప్లే, 2కే రెజుల్యూషన్, 120 హెర్ట్జ్ రిఫ్రెష్ రేట్ తో రానున్నట్లు సమాచారం.

OnePlus 11 బాక్స్ కంటెంట్స్ (లీక్డ్)

OnePlus 11 రిటైల్ బాక్స్ లో డివైజ్, కేస్, చార్జింగ్ బ్రిక్, చార్జింగ్ కేబుల్ ఉంటాయి. వీటితో పాటు, ఒక సిమ్ ఎజెక్టర్ పిన్, కొన్ని స్టిక్కర్స్ OnePlus 11 రిటైల్ బాక్స్ లో ఉంటాయి.

OnePlus 11 స్పెసిఫికేషన్స్, ఫీచర్స్ (లీక్డ్)

OnePlus 11 స్మార్ట్ ఫోన్ 6.7-ఇంచ్ ఈ4 అమోలెడ్ డిస్ప్లే, 2కే (3216*1440) రెజుల్యూషన్, 120 హెర్ట్జ్ రిఫ్రెష్ రేట్ కలిగి ఉంటుంది. లీకైన రెండర్ ని బట్టి, OnePlus 11 కర్వ్డ్ డిస్ప్లే, కార్నర్ పంచ్-హోల్ డిజైన్ తో వస్తున్నట్లు తెలుస్తోంది.

OnePlus 11 క్వాల్కమ్ స్నాప్ డ్రాగన్ 8 జెన్ 2 ప్రాసెసర్ తో వస్తోంది. గ్రాఫిక్స్ కోసం అడ్రెనో 740 జీపీయూ ఉపయోగించారు. 8 జెన్ 2 చిప్ 4 నానోమీటర్ ప్రాసెస్ పై తయారైంది. షావోమి 13 సిరీస్, ఐకూ 11 సిరీస్, వివో ఎక్స్90 ప్రో+, మోటో ఎక్స్40 ఫోన్లలో కూడా ఇదే ప్రాసెసర్ ని వాడారు.

OnePlus 11 లో ట్రిపుల్ రియర్ కెమెరా సెటప్ ఉంటుంది. ఈ కెమెరాలను హాజెల్‌బ్లడ్ ట్యూన్ చేసింది. 50ఎంపి సోని ఐఎంఎక్స్890 ప్రైమరీ సెన్సర్, 48ఎంపి అల్ట్రావైడ్ యాంగిల్ లెన్స్, 32ఎంపి టెలీఫోటో లెన్స్ ఈ ఫోన్ లో ఉంటాయి. సెల్ఫీస్, వీడియో కాల్స్ కోసం 16ఎంపి ఫ్రంట్ కెమెరా ఇచ్చారు.

OnePlus 11 లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 100 వాట్ ఫాస్ట్ చార్జింగ్ కి సపోర్ట్ చేస్తుంది. ఎల్పీడీడీఆర్5ఎక్స్ ర్యామ్, యూఎఫ్ఎస్ 4.0 స్టోరేజీ టెక్నాలజీని ఈ ఫోన్ లో వాడారు. ఈ ఫోన్ 12జిబి + 256జిబి, 16జిబి + 256జిబి, 16జిబి + 512జిబి వేరియంట్స్ లో లభిస్తుంది.

OnePlus 11 స్మార్ట్ ఫోన్ గ్రీన్ మరియు బ్లాక్ కలర్ ఆప్షన్స్ లో లభిస్తుంది. ఈ ఫోన్ బరువు 205 గ్రాములు. OnePlus 11 లో ఐపీ54 రేటింగ్, కార్నింగ్ గొరిల్లా గ్లాస్ ప్రొటెక్షన్ ఉంటాయి. ఈ ఫోన్ ఆండ్రాయిడ్ 13 ఆధారిత కలర్ ఓఎస్ 13.0 పై పని చేస్తుంది.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.