హైలైట్స్:
- ఆగస్టు 3 న చైనాలో లాంచ్ అవుతోన్న వన్ ప్లస్ ఏస్ ప్రో
- భారత్ లో వన్ ప్లస్ 10టీ 5జీ గా లాంచ్ అవుతోన్న అదే ఫోన్
- స్నాప్ డ్రాగన్ 8+ జెన్ 1 చిప్సెట్ తో వస్తున్న తొలి వన్ ప్లస్ స్మార్ట్ ఫోన్ ఏస్ ప్రో/10టీ 5జీ
త్వరలో ఏస్ సిరీస్ ఫోన్ రాబోతున్నట్లు వన్ ప్లస్ అఫీషియల్ గా కన్ఫర్మ్ చేసింది. ఇది వరకే ఏస్ ప్రో/10టీ కి సంబంధించిన పలు రూమర్లు, లీక్స్ బయటకు వచ్చాయి. ఇక వన్ ప్లస్ 10టీ 5జీ ఫోన్ ని రీబ్రాండ్ చేసి వన్ ప్లస్ ఏస్ ప్రో గా చైనాలో లాంచ్ చేస్తున్నారు. ఏస్ ప్రో చైనాలో ఆగస్టు 3 న లాంచ్ అవుతోంది. ఇక గ్లోబల్ బయ్యర్లు ఈ ఫోన్ కోసం వేచి చూడాల్సి అవసరం లేదు. ఎందుకంటే అదే రోజున వన్ ప్లస్ 10టీ 5జీ కూడా లాంచ్ అవుతోంది. ఇటీవలె వన్ ప్లస్ ఏస్ ప్రో ఫోన్ ఫస్ట్ లుక్ ని కంపెనీ బయటకు వదిలింది. దీంతో వన్ ప్లస్ ఏస్ ప్రో యొక్క పలు కీలక ఫీచర్లు కన్ఫర్మ్ అయ్యాయి.
OnePlus Ace Pro ఫస్ట్ లుక్ ని అఫీషియల్ గా టీజ్ చేసిన కంపెనీ
పైన పిక్స్ లో చూస్తున్న విధంగా వన్ ప్లస్ ఏస్ ప్రో ఉండనుంది. వన్ ప్లస్ 10 ప్రో డిజైన్ లాగానే ఈ డివైజ్ కూడా కనిపిస్తోంది. ఫోన్ వెనకాల ట్రిపుల్ రియర్ కెమెరా సెటప్, ఎల్ఈడీ ఫ్లాష్ కనిపిస్తున్నాయి. ఈసారి హాజెల్ బ్లడ్ అని మెన్షన్ చేయలేదు. నలుపు, ఆకుపచ్చ రంగుల్లో ఈ ఫోన్ లభ్యం కానుంది. పవర్ బటన్ డివైజ్ కి కుడివైపున ఉంది. ఇక వాల్యూమ్ రాకర్స్ ఎడమ వైపున ఉన్నాయి. బాధాకరమైన విషయం ఏంటంటే, వన్ ప్లస్ ఏస్ ప్రో లో ఐకానిక్ అలర్ట్ స్లైడర్ లేదు.
ద వర్జ్ కథనం ప్రకారం, హై వాటేజ్ ఛార్జింగ్ కొరకు భారీ బ్యాటరీని సర్దుబాటు చేయడం, మెరుగైన యాంటినా సిగ్నల్ అందించేందుకు గాను అలర్ట్ స్లైడర్ ను వన్ ప్లస్ తొలగించినట్లు సమాచారం. అలాగే అలర్ట్ స్లైడర్ ను ఉంచడం వల్లన, ఫోన్ బరువు, వెడల్పు కూడా పెరిగే అవకాశముందని ద వర్జ్ పేర్కొంది. అన్ని యాంగిల్స్ లోనూ ఉత్తమమైన సిగ్నల్ ను అందించేందుకు గాను, వన్ ప్లస్ ఏస్ ప్రో లో మొత్తం 15 సెపరేట్ యాంటినాలను అమర్చడం విశేషం. అందుబాటు ధరలో పెర్ఫామెన్స్ బేస్డ్ ఫోన్ అందించాలనే ఉద్దేశ్యంతో హాజెల్ బ్లడ్ బ్రాండింగ్ కూడా ఇవ్వడం లేదని, వన్ ప్లస్ చీఫ్ డిజైనర్ హోప్ లియూ చెప్పారు. ఇక వన్ ప్లస్ 10టీ (ఏస్ ప్రో) యొక్క కెమెరా వివరాలను కంపెనీ అఫీషియల్ గా రివీల్ చేయడం జరిగింది.
ఇక ఫోన్ ముందు వైపు చూస్తే, వన్ ప్లస్ ఏస్ ప్రో లో ఫ్రంట్ కెమెరా కోసం సెంటర్ పంచ్ హోల్ ఉంది. మరో విషయం ఏంటంటే, వన్ ప్లస్ ఏస్ ప్రో లో 3.5ఎంఎం హెడ్ ఫోన్ జాక్ ని కూడా తొలగించారు.
OnePlus 10T 5G స్పెసిఫికేషన్స్ (అంచనా)
వన్ ప్లస్ ఏస్ ప్రో లో 120 హెర్ట్జ్ రిఫ్రెష్ రేట్, అమోలెడ్ డిస్ప్లే, 50ఎంపి + 50ఎంపి + 2ఎంపి ట్రిపుల్ రియర్ కెమెరా సెటప్, 32ఎంపి ఫ్రంట్ కెమెరా, 4,800 ఎంఏహెచ్ బ్యాటరీ, 150 వాట్ ఫాస్ట్ ఛార్జింగ్, స్నాప్ డ్రాగన్ 8+ జెన్ 1 చిప్సెట్, 16జిబి వరకు ఎల్పీడీడీఆర్5 ర్యామ్, 512జిబి వరకు యూఎఫ్ఎస్3.1 స్టోరేజీ, ఆండ్రాయిడ్ 12 ఆధారిత కలర్ ఓఎస్ కస్టమ్ స్కిన్ వంటి ఫీచర్లు ఉన్నాయి.
