ప్రముఖ స్మార్ట్ఫోన్ బ్రాండ్ OnePlus నేడు భారతీయ మార్కెట్ లో OnePlus Nord 4 స్మార్ట్ఫోన్ని లాంచ్ చేసింది. నార్డ్ సిరీస్ లో ఇదే అత్యంత శక్తివంతమైన ఫోన్. వన్ప్లస్ నార్డ్ 4 లో 12జిబి ర్యామ్, స్నాప్డ్రాగన్ 7+ జెన్ 3 చిప్సెట్, 5,500 ఎంఏహెచ్ బ్యాటరీ, 100 వాట్ సూపర్వూక్ ఫాస్ట్ చార్జింగ్, 50ఎంపి సోని ఎల్వైటీ కెమెరా వంటి స్పెసిఫికేషన్స్ ఉన్నాయి. సరే, ఓసారి ఈ ఫోన్ యొక్క ధర, లభ్యత మరియు పూర్తి స్పెసిఫికేషన్స్ తెలుసుకుందాం.
OnePlus Nord 4 ధర
OnePlus Nord 4 5G మూడు స్టోరేజీ వేరియంట్స్ లో లాంచ్ అయ్యింది. వీటి ధరలు ఎలా ఉన్నాయో తెలుసుకుందాం. 8జిబి ర్యామ్ + 128జిబి స్టోరేజీ మోడల్ ధరను రూ.29,999 గా పెట్టారు. 8జిబి ర్యామ్ + 256జిబి స్టోరేజీ వేరియంట్ ధరను రూ.32,999 గా నిర్ణయించారు. 12జిబి ర్యామ్ + 256జిబి స్టోరేజీ టాప్ వేరియంట్ ధర రూ.35,999 గా ఉంది.
OnePlus Nord 4 5G స్మార్ట్ఫోన్ని కొనేవారికి బ్యాంక్ కార్డ్స్ పై రూ.3,000 డిస్కౌంట్ లభిస్తుంది. ఆగస్టు 3వ తేదీ నుంచి ఈ ఫోన్ సేల్స్ మొదలవుతాయి.
OnePlus Nord 4 5G స్పెసిఫికేషన్స్
స్క్రీన్: OnePlus Nord 4 5G లో 1.5కే రెజుల్యూషన్, 120 హెర్ట్జ్ రిఫ్రెష్ రేట్, సూపర్ ఫ్లూయిడ్ అమోలెడ్ ప్యానెల్, 6.74-ఇంచ్ డిస్ప్లే, అల్ట్రా హెచ్డీఆర్, 2150 నిట్స్ పీక్ బ్రైట్నెస్ ఉన్నాయి.
ప్రాసెసర్: OnePlus Nord 4 5G లో క్వాల్కమ్ స్నాప్డ్రాగన్ 7+ జెన్ 3 చిప్సెట్ వాడారు. ఇది 4 నానోమీటర్ ఫ్యాబ్రికేషన్ పై తయారైన చిప్. దీని హయ్యస్ట్ క్లాక్ స్పీడ్ 2.8 గిగాహెర్ట్జ్.
సాఫ్ట్వేర్: OnePlus Nord 4 5G డివైజ్ ఆండ్రాయిడ్ 14 ఓఎస్ ఆధారిత ఆక్సిజన్ఓఎస్ 14.0 కస్టమ్ స్కిన్ పై పని చేస్తుంది.
మెమొరీ: OnePlus Nord 4 5G డివైజ్ 8జిబి/12జిబి యూఎఫ్ఎస్ 4.0 ర్యామ్, 128జిబి యూఎఫ్ఎస్ 3.1/256జిబి యూఎఫ్ఎస్ 4.0 స్టోరేజీ ఆప్షన్స్ లో లభిస్తుంది. ఈ ఫోన్ లో వర్చువల్ ర్యామ్ ఫీచర్ అందించారు.
బ్యాటరీ: OnePlus Nord 4 5G లో పవర్ బ్యాకప్ కోసం 5,500 ఎంఏహెచ్ బ్యాటరీ ఉంది. ఇది 100 వాట్ సూపర్వూక్ ఫాస్ట్ చార్జింగ్ టెక్నాలజీతో వచ్చింది. కేవలం 28 నిమిషాల్లో 1 శాతం నుంచి 100 శాతం బ్యాటరీ చార్జ్ అవుతుందని కంపెనీ చెబుతోంది.
కెమెరా: OnePlus Nord 4 5G లో డ్యూయల్ రియర్ కెమెరా సెటప్ ఉంది. ఇందులో 50ఎంపి సోని ఎల్వైటీ-600 ఓఐఎస్+ఈఐఎస్ ప్రైమరీ కెమెరా, 8ఎంపి సోని అల్ట్రావైడ్ సెన్సర్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా అందించారు.
కనెక్టివిటీ: OnePlus Nord 4 5G లో డ్యూయల్ సిమ్, 5జీ, 4జీ, బ్లూటూత్ 5.4, వై-ఫై 6, అలర్ట్ స్లైడర్, యూఎస్బీ టైప్-సీ 2.0, ఎన్ఎఫ్సీ ఉన్నాయి.
ఇతర ఫీచర్లు: OnePlus Nord 4 5G తో డ్యూయల్ స్టీరియో స్పీకర్స్, నాయిస్ క్యాన్సలేషన్, ఇన్డిస్ప్లే ఫింగర్ప్రింట్ స్కానర్ ఉన్నాయి.
