ప్రముఖ స్మార్ట్ఫోన్ బ్రాండ్ Samsung నేడు భారతీయ మార్కెట్ లో ఎమ్-సిరీస్లో కొత్త ఫోన్ లాంచ్ చేసింది. Galaxy M35 5G పేరుతో ఈ డివైజ్ విడుదలైంది. ఈ ఫోన్ కార్నింగ్ గొరిల్లా గ్లాస్ విక్టస్+ ప్రొటెక్షన్ తో రావడం విశేషం. ఈ ఫోన్ లో ఎగ్జినోస్ 1380 చిప్సెట్, 6.6-ఇంచ్ సూపర్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్ వంటి స్పెసిఫికేషన్స్ ఉన్నాయి. ఓసారి గెలాక్సీ ఎమ్35 5జీ యొక్క ధర, లభ్యత మరియు పూర్తి స్పెసిఫికేషన్స్ ఎలా ఉన్నాయో తెలుసుకుందాం.
Samsung Galaxy M35 5G ధర, లభ్యత, కలర్ ఆప్షన్స్
Samsung Galaxy M35 5G స్మార్ట్ఫోన్ రెండు స్టోరేజీ వేరియంట్స్ లో లాంచ్ అయ్యింది. వాటి ధరలు ఎలా ఉన్నాయో చూద్దాం. 6జిబి ర్యామ్ + 128జిబి స్టోరేజీ మోడల్ ధరను రూ.19,999 గా నిర్ణయించారు. 8జిబి ర్యామ్ + 128జిబి స్టోరేజీ వేరియంట్ ధరను రూ.21,999 గా పెట్టారు. 8జిబి ర్యామ్ + 256జిబి స్టోరేజీ మోడల్ ధర రూ.24,999 గా ఉంది.
Samsung Galaxy M35 5G స్మార్ట్ఫోన్ని ఈ-కామర్స్ ప్లాట్ఫామ్ అమెజాన్, శాంసంగ్ ఇండియా వెబ్సైట్, మరియు పార్ట్నర్ రిటైల్ స్టోర్స్ ద్వారా కొనుగోలు చేయవచ్చు.
లాంచ్ ఆఫర్ లో భాగంగా, అన్ని వేరియంట్స్ పై రూ.1,000 డిస్కౌంట్ లభిస్తుంది. అంతేకాదు, అన్ని బ్యాంకులకు చెందిన క్రెడిట్స్ కార్డ్స్ పై రూ.2,000 అదనపు డిస్కౌంట్ కూడా పొందవచ్చు. ఈ ఆఫర్ పరిమిత కాలం పాటు మాత్రమే అందుబాటులో ఉంటుంది.
Samsung Galaxy M35 5G స్మార్ట్ఫోన్ మూన్లైట్ బ్లూ, డేబ్రేక్ బ్లూ మరియు థండర్ గ్రే కలర్ ఆప్షన్స్ లో లభిస్తుంది.
Samsung Galaxy M35 5G స్పెసిఫికేషన్స్
డిస్ప్లే: Samsung Galaxy M35 5G లో 6.6-ఇంచ్ సూపర్ అమోలెడ్ స్క్రీన్, ఫుల్ హెచ్డీ+ రెజుల్యూషన్, 2340*1080 పిక్సెల్స్ రెజుల్యూషన్, 120 హెర్ట్జ్ రిఫ్రెష్ రేట్, కార్నింగ్ గొరిల్లా గ్లాస్ విక్టస్+ ఉన్నాయి.
ప్రాసెసర్: Samsung Galaxy M35 5G లో శాంసంగ్ ఎగ్జినోస్ 1380 చిప్సెట్, మాలి-జీ68 ఎంపీ5 జీపీయూ గ్రాఫిక్స్ ఉన్నాయి.
సాఫ్ట్వేర్: Samsung Galaxy M35 5G డివైజ్ ఆండ్రాయిడ్ 14 ఓఎస్ ఆధారిత వన్యూఐ 6.1 కస్టమ్ స్కిన్ పై పని చేస్తుంది.
మెమొరీ: Samsung Galaxy M35 5G 6జిబి ర్యామ్ + 128జిబి స్టోరేజీ, 8జిబి + 128జిబి స్టోరేజీ, 8జిబి ర్యామ్ + 256జిబి స్టోరేజీ ఆప్షన్స్ లో లభిస్తుంది. మైక్రోఎస్డీ కార్డ్ సాయంతో మెమొరీని పెంచుకునే వీలుంది.
కెమెరా: Samsung Galaxy M35 5G లో 50ఎంపి ఓఐఎస్ ప్రైమరీ కెమెరా, 5ఎంపి అల్ట్రావైడ్ లెన్స్, 5ఎంపి మ్యాక్రో కెమెరా ఉన్నాయి. సెల్ఫీస్, వీడియో కాల్స్ కోసం 13ఎంపి ఫ్రంట్ కెమెరా ఉంది.
బ్యాటరీ: Samsung Galaxy M35 5G లో పవర్ బ్యాకప్ కోసం 6000 ఎంఏహెచ్ బ్యాటరీ ఉంది. 25 వాట్ ఫాస్ట్ చార్జింగ్ కి సపోర్ట్ చేస్తుంది.
కనెక్టివిటీ: Samsung Galaxy M35 5G లో డ్యూయల్ సిమ్, 5జీ, 4జీ ఎల్టీఈ, వై-ఫై 6, బ్లూటూత్ 5.3, జీపీఎస్, ఎన్ఎఫ్సీ వంటి ఆప్షన్స్ ఉన్నాయి.
ఇతర ఫీచర్లు: Samsung Galaxy M35 5G లో సైడ్-మౌంటెడ్ ఫింగర్ప్రింట్ స్కానర్, శాంసంగ్ వాలెట్ సపోర్ట్, ఆల్వేస్-ఆన్ డిస్ప్లే, స్టీరియో స్పీకర్స్ ఉన్నాయి.
బరువు, చుట్టుకొలత: Samsung Galaxy M35 5G డివైజ్ 162.3 మి.మీ పొడవు, 78.6 మి.మీ వెడల్పు, 9.1 మి.మీ మందం, 222 గ్రాముల బరువు ఉంటుంది.
