వన్ప్లస్ సంస్థ రీసెంట్ గా OnePlus Nord CE 3 Lite 5G స్మార్ట్ ఫోన్ ని భారత్ లో లాంచ్ చేసింది. ఏప్రిల్ 4 న భారత్ లో ఈ ఫోన్ లాంచ్ కానుంది. ప్రస్తుతం అందరూ OnePlus Nord CE 3 Lite 5G ఫోన్ లాంచ్ కోసం ఎదురు చూస్తున్నారు. ఇది వన్ ప్లస్ నుంచి వస్తోన్న చవకైన 5జీ ఫోన్. దీంతో అందరి దృష్టి ఈ ఫోన్ పై పడింది. ఇక లాంచ్ కి ముందే ఈ ఫోన్ యొక్క స్పెసిఫికేషన్స్, డిజైన్, ధర వివరాలు రివీల్ అయ్యాయి.
కంపెనీ ఇప్పటికే OnePlus Nord CE 3 Lite 5G ఫోన్ అడ్వర్టైజింగ్ ని మొదలు పెట్టింది. లాంచ్ కి ముందు ఇక్కడ మేం ఫోన్ యొక్క స్పెసిఫికేషన్స్, ఫీచర్స్ మరియు ధర వివరాలను అందిస్తున్నాం. ఓసారి చెక్ చేయండి.
OnePlus Nord CE 3 Lite 5G లాంచ్ తేదీ
OnePlus Nord CE 3 Lite 5G భారత్ లో ఏప్రిల్ 4 న లాంచ్ కానుందని వన్ ప్లస్ సంస్థ ఖరారు చేసింది. వన్ ప్లస్ సంస్థ ఈ ఈవెంట్ కి ‘లార్జర్ దేన్ లైఫ్ – ఏ వన్ ప్లస్ నార్డ్ లాంచ్ ఈవెంట్’ అని పేరు పెట్టింది. ఈవెంట్ భారత కాలమానం ప్రకారం ఏప్రిల్ 4 న రాత్రి 7 గంటలకు ప్రారంభమవుతుంది. వన్ ప్లస్ కంపెనీ OnePlus Nord CE 3 Lite 5G తో పాటు వైర్లెస్ ఇయర్ బడ్స్ OnePlus Nord Buds 2 ని కూడా ఇదే రోజున లాంచ్ చేయనుంది. వన్ ప్లస్ అఫీషియల్ సోషల్ మీడియా మరియు యూట్యూబ్ చానల్ ద్వారా ఈవెంట్ ని చూడవచ్చు.
OnePlus Nord CE 3 Lite 5G స్పెసిఫికేషన్స్
- 6.7-ఇంచ్ ఫుల్ హెచ్డీ+ డిస్ప్లే
- 108ఎంపి + 2ఎంపి + 2ఎంపి రియర్ కెమెరా సెటప్
- 16ఎంపి సెల్ఫీ కెమెరా
- క్వాల్కమ్ స్నాప్ డ్రాగన్ 695 చిప్సెట్
- 8జిబి ర్యామ్, 128జిబి స్టోరేజీ
- 5000 ఎంఏహెచ్ బ్యాటరీ, 67 వాట్ ఫాస్ట్ చార్జింగ్
డిస్ప్లే
OnePlus Nord CE 3 Lite 5G స్మార్ట్ ఫోన్ యొక్క చాలా స్పెసిఫికేషన్స్ లాంచ్ కి ముందే లీక్ అయ్యాయి. అలాగే వన్ ప్లస్ కూడా కొన్ని స్పెసిఫికేషన్స్ ని కన్ఫర్మ్ చేసింది. తన మైక్రోసైట్ లో కంపెనీ ఈ ఫోన్ 6.72-ఇంచ్ ఫుల్ హెచ్డీ+ డిస్ప్లే, 120 హెర్ట్జ్ రిఫ్రెష్ రేట్, పంచ్ హోల్ కటౌట్ తో ఈ ఫోన్ వస్తున్నట్లు పేర్కొంది.
కెమెరా
OnePlus Nord CE 3 Lite 5G స్మార్ట్ ఫోన్ ట్రిపుల్ రియర్ కెమెరా సెటప్ తో వస్తోంది. మాడ్యూల్ లో రెండు రింగ్స్ ఉంటాయి. వీటిలో కెమెరా సెన్సర్స్ ఉంటాయి. 108ఎంపి ప్రైమరీ కెమెరా (3ఎక్స్ జూమ్), 2ఎంపి డెప్త్ సెన్సర్, 2ఎంపి మ్యాక్రో లెన్స్, ఎల్ఈడీ ఫ్లాష్ ఈ ఫోన్ లో ఉండనున్నాయి. సెల్ఫీస్, వీడియో కాల్స్ కోసం 16ఎంపి ఫ్రంట్ కెమెరా ఉంటుంది.
ప్రాసెసర్
OnePlus Nord CE 3 Lite 5G క్వాల్కమ్ స్నాప్ డ్రాగన్ 695 ప్రాసెసర్ తో రానున్నట్లు సమాచారం. OnePlus Nord CE 3 Lite 5G డివైజ్ 8జిబి ఎల్పీడీడీఆర్4ఎక్స్ ర్యామ్, 8జిబి వర్చువల్ ర్యామ్ తో వస్తోంది. దీంతో యూజర్ కి మొత్తం 16జిబి ర్యామ్ లభిస్తుంది. లీకైన రిపోర్ట్స్ ప్రకారం, ఈ ఫోన్ కేవలం 128జిబి స్టోరేజీ వేరియంట్ లోనే లాంచ్ కానున్నట్లు సమాచారం.
బ్యాటరీ
OnePlus Nord CE 3 Lite 5G డివైజ్ 5000 ఎంఏహెచ్ బ్యాటరీతో వస్తున్నట్లు కంపెనీ వెల్లడించింది. ఈ ఫోన్ 67 వాట్ ఫాస్ట్ చార్జింగ్ సపోర్ట్ తో వస్తోంది. బ్యాటరీ పూర్తిగా చార్జ్ అయ్యేందుకు 30 నిమిషాల సమయం పడుతుంది. ఒక్కసారి చార్జ్ చేస్తే రోజు మొత్తం ఫోన్ నడుస్తుంది.
కనెక్టివిటీ మరియు ఇతర ఫీచర్లు
OnePlus Nord CE 3 Lite 5G డివైజ్ ఆండ్రాయిడ్ 13 ఓఎస్ ఆధారిత ఆక్సిజన్ఓఎస్ 13 కస్టమ్ స్కిన్ పై పని చేస్తుంది. ఈ ఫోన్ లో 5జీ, వై-ఫై, బ్లూటూత్ 5.1, యూఎస్బీ టైప్-సీ పోర్ట్ వంటి కనెక్టివిటీ ఆప్షన్స్ ఉంటాయి. భద్రత కోసం ఈ డివైజ్ లో సైడ్ మౌంటెడ్ ఫింగర్ ప్రింట్ స్కానర్ అందించారు. ఈ ఫోన్ బ్యాక్ ప్యానెల్ పాలికార్బొనేట్ మెటీరియల్ తో తయారైంది.
OnePlus Nord CE 3 Lite 5G ధర (లీక్డ్)
లీకైన రిపోర్ట్స్ నిజమైతే గనుక, OnePlus Nord CE 3 Lite 5G డివైజ్ 8జిబి + 128జిబి వేరియంట్ ధర భారత్ లో రూ.21,999 గా ఉంటుంది. అమ్మకపు ధర దీని కంటే కాస్త తక్కువగా ఉండే అవకాశం ఉంది. ఈ ఫోన్ రెండు కలర్ వేరియంట్స్ లో లభించనుంది. అవి: పేస్టెల్ లైమ్ మరియు క్రొమాటిక్ గ్రే.
లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
