ప్రముఖ స్మార్ట్ఫోన్ బ్రాండ్ OPPO త్వరలో కే-సిరీస్ లో కొత్త ఫోన్ లాంచ్ చేయనుంది. OPPO K12x 5G పేరుతో ఈ డివైజ్ మార్కెట్ లోకి విడుదలవుతోంది. నేడు ఒప్పో కంపెనీ ఈ ఫోన్ యొక్క లాంచ్ తేదీని ప్రకటించింది. జులై 29న OPPO K12x 5G భారతీయ మార్కెట్ లో లాంచ్ అవుతోంది. లాంచ్ తేదీతో పాటు, డివైజ్ యొక్క ఇమేజ్, మరియు ప్రధాన ఫీచర్లను కంపెనీ తెలియజేసింది.
OPPO K12x 5G ఫీచర్లు
OPPO K12x 5G స్మార్ట్ఫోన్ అల్ట్రా-స్లిమ్ ప్రీమియమ్ గ్లీమింగ్ డిజైన్, 7.68 మి.మీ మందం, 186 గ్రాముల బరువు ఉంటుంది. బ్రీజ్ బ్లూ మరియు మిడ్నైట్ వయొలెట్ కలర్స్ లో లాంచ్ కానుంది.
OPPO K12x 5G లో డ్యూయల్ రియర్ కెమెరా సెటప్ ఉంటుంది. ఇది వర్టికల్ షేప్ లో ఉంటుంది. ముందువైపు ఫ్లాట్ పంచ్-హోల్ కటౌట్ ఉంటుంది. సిమ్ ట్రే ఫోన్కి ఎడమవైపున ఉంటుంది. వాల్యూమ్ రాకర్ మరియు పవర్ బటన్ కుడివైపున ఉంటాయి. 3.5ఎంఎం ఆడియో జాక్, స్పీకర్ మరియు యూఎస్బీ టైప్-సీ స్పీకర్ బాటమ్ లో ఉంటాయి.
OPPO K12x 5G స్మార్ట్ఫోన్ MIL-STD-810H మిలిటరీ గ్రేడ్ సర్టిఫికేషన్ తో వస్తోంది. 360-డిగ్రీ డ్యామేజ్-ప్రూఫ్ ఆర్మర్ బాడీని ఈ ఫోన్ కలిగి ఉంటుంది. డబుల్ పాండా గ్లాస్ని ఈ ఫోన్ లో అందించారు. ఐపీ54 రేటింగ్ తో ఈ ఫోన్ వస్తోంది.
OPPO K12x 5G లో 6.67-ఇంచ్ పంచ్-హోల్ స్క్రీన్, హెచ్డీ+ రెజుల్యూషన్, ఫ్లాట్ ప్యానెల్, 120 హెర్ట్జ్ రిఫ్రెష్ రేట్, 1000 నిట్స్ బ్రైట్నెస్, ఎల్1 వైడ్వైన్ సర్టిఫికేషన్ ఉంటాయి.
OPPO K12x 5G స్మార్ట్ఫోన్ లో పవర్ బ్యాకప్ కోసం 5,100 ఎంఏహెచ్ బ్యాటరీ ఉంటుంది. ఇది 45 వాట్ ఫాస్ట్ చార్జింగ్ టెక్నాలజీతో వస్తోంది. ఈ ఫోన్ లో ఏఐ లింక్బూస్ట్ టెక్నాలజీ అందిస్తున్నారు.
OPPO K12x 5G స్పెసిఫికేషన్స్ (అంచనా)
ప్రాసెసర్: OPPO K12x 5G లో క్వాల్కమ్ స్నాప్డ్రాగన్ 695 చిప్సెట్, అడ్రెనో 619 జీపీయూ గ్రాఫిక్స్ ఉంటాయి. చిప్సెట్ హయ్యస్ట్ క్లాక్ స్పీడ్ 2.2 గిగాహెర్ట్జ్.
సాఫ్ట్వేర్: OPPO K12x 5G డివైజ్ ఆండ్రాయిడ్ 14 ఓఎస్ ఆధారిత కలర్ఓఎస్ 14 కస్టమ్ స్కిన్ పై పని చేస్తుంది.
మెమొరీ: OPPO K12x 5G స్మార్ట్ఫోన్ 8జిబి/12జిబి ర్యామ్, 256జిబి/512జిబి స్టోరేజీ ఆప్షన్స్ లో లాంచ్ కానుంది. మైక్రోఎస్డీ కార్డు సాయంతో 1టిబి వరకు మెమొరీని పెంచుకోవచ్చు. ఎల్పీడీడీఆర్4ఎక్స్ ర్యామ్ + యూఎఫ్ఎస్ 2.2 స్టోరేజీ టెక్నాలజీని ఈ ఫోన్ లో అందించే అవకాశం ఉంది. 8జిబి వర్చువల్ ర్యామ్ ఫీచర్ కూడా ఈ ఫోన్ లో ఉంటుంది.
కెమెరా: OPPO K12x 5G చైనా వేరియంట్ లో డ్యూయల్ రియర్ కెమెరా సెటప్ అందించారు. ఇందులో 50ఎంపి ప్రైమరీ కెమెరా, 2ఎంపి డెప్త్ సెన్సర్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా ఇచ్చారు.
OPPO K12x 5G ఇండియా లాంచ్ వివరాలు
OPPO K12x 5G స్మార్ట్ఫోన్ భారత్ లో జులై 29న లాంచ్ అవుతోంది. ఇదే రోజున డివైజ్ యొక్క ధర, పూర్తి స్పెసిఫికేషన్స్ తెలుస్తాయి. ఫ్లిప్కార్ట్ ద్వారా ఈ ఫోన్ విక్రయించబడుతుంది. ఆగస్టు 2 నుంచి ఈ ఫోన్ యొక్క సేల్ మొదలవుతుంది.
OPPO K12x 5G స్మార్ట్ఫోన్ ధర భారతీయ మార్కెట్ లో రూ.15,000 లోపు ఉండే అవకాశం ఉంది. టాప్ వేరియంట్ ధర రూ.20,000 లోపు ఉండవచ్చు.
