లాంచ్ కి ముందే POCO F5 Pro అన్‌బాక్సింగ్ వీడియో చూడండి!

POCO F5 సిరీస్ మే 9 న గ్లోబల్ మార్కెట్స్ లో లాంచ్ కానుంది. ఈ లైనప్ లో POCO F5, POCO F5 Pro డివైజెస్ లాంచ్ అయ్యే అవకాశం ఉంది. ఈ సిరీస్ పోకో ఎఫ్4 కి సక్సెసర్ గా వస్తోంది. POCO F5 స్మార్ట్ ఫోన్ క్వాల్కమ్ స్నాప్ డ్రాగన్ 7+ జెన్ 2 చిప్సెట్ తో రానున్నట్లు సమాచారం. POCO F5 Pro డివైజ్ స్నాప్ డ్రాగన్ 8 జెన్ 1 చిప్సెట్ తో రానున్నట్లు తెలుస్తోంది. తాజాగా POCO F5 Pro యొక్క అన్‌బాక్సింగ్ వీడియోని ప్రముఖ టిప్‌స్టర్ సుదాన్శు అంభోరే షేర్ చేశాడు. దీంతో ఫోన్ వివరాలు బయటకు వచ్చాయి.

POCO F5 Pro అన్‌బాక్సింగ్ వీడియో

POCO F5 Pro unboxing. https://t.co/siKVsRcnR7 pic.twitter.com/qHfTOlyTf9

— Sudhanshu Ambhore (@Sudhanshu1414) April 27, 2023

POCO F5 Pro స్మార్ట్ ఫోన్ అన్‌బాక్సింగ్ వీడియో బయటకు వచ్చింది. దీంతో ఈ ఫోన్ కోసం ఎదురు చూస్తున్న వారు లాంచ్ కి ముందుగానే ఈ డివైజ్ అన్‌బాక్సింగ్ విశేషాలను తెలుసుకునే అవకాశం దొరికింది. అన్ బాక్సింగ్ వీడియోని లీక్ చేసిన టిప్‌స్టర్ సుదాన్శు ఫోన్ యొక్క స్పెసిఫికేషన్స్ ని కూడా పంచుకున్నాడు. సరే, ఓసారి Poco F5 Pro స్పెసిఫికేషన్స్ ఎలా ఉన్నాయో తెలుసుకుందాం పదండి.

POCO F5 Pro స్పెసిఫికేషన్స్

డిస్ప్లే

POCO F5 Pro లో 6.67-ఇంచ్ అమోలెడ్ డిస్ప్లే, 3200*1440 పిక్సెల్ క్యూహెచ్డీ+ రెజుల్యూషన్, 120 హెర్ట్జ్ రిఫ్రెష్ రేట్, కార్నింగ్ గొరిల్లా గ్లాస్ 5 ప్రొటెక్షన్, అండర్ డిస్ప్లే ఫింగర్ ప్రింట్ స్కానర్ ఉన్నాయి.

ప్రాసెసర్, ర్యామ్, స్టోరేజీ

POCO F5 Pro స్మార్ట్ ఫోన్ లో క్వాల్కమ్ స్నాప్ డ్రాగన్ 8+ జెన్ 1 చిప్సెట్ వాడారు. దీనికి తోడు 12జిబి వరకు ఎల్పీడీడీఆర్5 ర్యామ్, 256జిబి వరకు యూఎఫ్ఎస్ 3.1 స్టోరేజీని జోడించారు. మిగతా ర్యామ్, స్టోరేజీ వేరియంట్స్ కూడా ఉండే అవకాశం ఉంది. లాంచ్ రోజున అన్ని వివరాలు తెలుస్తాయి.

బ్యాటరీ మరియు చార్జింగ్

POCO F5 Pro స్మార్ట్ ఫోన్ లో పవర్ బ్యాకప్ కోసం 5160 ఎంఏహెచ్ బ్యాటరీ ఉంటుంది. ఇది 67 వాట్ ఫాస్ట్ చార్జింగ్ కి సపోర్ట్ చేస్తుంది. ఇంకా 30 వాట్ వైర్లెస్ చార్జింగ్ సపోర్ట్ ఈ ఫోన్ లో ఉంటుందని అంచనా.

కెమెరా విభాగం

POCO F5 Pro స్మార్ట్ ఫోన్ లో ట్రిపుల్ రియర్ కెమెరా సెటప్ ఉంది. ఇందులో ఆప్టికల్ ఇమేజ్ స్టెబిలైజేషన్ తో కూడిన 64ఎంపి ప్రైమరీ కెమెరా, 8ఎంపి అల్ట్రావైడ్ కెమెరా, 2ఎంపి మ్యాక్రో కెమెరా ఉంటాయని సమాచారం. సెల్ఫీస్, వీడియో కాల్స్ కోసం ఈ డివైజ్ లో 16ఎంపి ఫ్రంట్ కెమెరా ఉండే అవకాశం ఉంది.

లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.