ప్రముఖ స్మార్ట్ఫోన్ బ్రాండ్ POCO నేడు భారతీయ మార్కెట్ లో ఎఫ్6 సిరీస్ ఫోన్ని లాంచ్ చేసింది. POCO F6 పేరుతో ఈ డివైజ్ ఎంట్రీ ఇచ్చింది. 90 వాట్ ఫాస్ట్ చార్జింగ్ సపోర్ట్, స్నాప్డ్రాగన్ 8ఎస్ జెన్ 3 చిప్సెట్, అమోలెడ్ డిస్ప్లే, 50ఎంపి మెయిన్ కెమెరా, 20ఎంపి ఫ్రంట్ కెమెరా, 5000 ఎంఏహెచ్ బ్యాటరీ ఈ ఫోన్ లో ఉన్నాయి. ఓసారి POCO F6 ధర, లభ్యత మరియు పూర్తి స్పెసిఫికేషన్స్ ఎలా ఉన్నాయో తెలుసుకుందాం.
POCO F6 ధర, లభ్యత
POCO F6 స్మార్ట్ఫోన్ 3 స్టోరేజీ వేరియంట్స్ లో లభిస్తుంది. వీటి ధరలు ఎలా ఉన్నాయో తెలుసుకుందాం.
POCO F6 8జిబి ర్యామ్ + 256జిబి స్టోరేజీ మోడల్ ధరను రూ.29,999 గా నిర్ణయించారు. మిడ్ వేరియంట్ ధర రూ.31,999 గా ఉంది. టాప్ మోడల్ ధరను రూ.33,999 గా పెట్టారు.
ఐసీఐసీఐ బ్యాంక్ కార్డ్స్ పై రూ.2,000 డిస్కౌంట్ కూడా లభిస్తుంది.
POCO F6 డివైజ్ బ్లాక్ మరియు టైటానియమ్ కలర్ ఆప్షన్స్ లో లభిస్తుంది. మే 29 నుంచి ఫ్లిప్కార్ట్ ద్వారా ఈ ఫోన్ విక్రయాలు ప్రారంభమవుతాయి. ఇతర రిటైల్ ఔట్లెట్స్ లో కూడా డివైజ్ని కొనుగోలు చేయవచ్చు.
POCO F6 స్పెసిఫికేషన్స్
డిస్ప్లే: POCO F6 లో 6.67-ఇంచ్ అమోలెడ్ స్క్రీన్, 1.5కే పిక్సెల్ రెజుల్యూషన్, 120 హెర్ట్జ్ రిఫ్రెష్ రేట్, 2400 నిట్స్ పీక్ లోకల్ బ్రైట్నెస్, డాల్బీ విజన్, హెచ్డీఆర్10+ సపోర్ట్, 480 హెర్ట్జ్ టచ్ శాంప్లింగ్ రేట్, 2160 హెర్ట్జ్ పీడబ్ల్యూఎమ్ టెక్నాలజీ, కార్నింగ్ గొరిల్లా గ్లాస్ విక్టస్ ఉన్నాయి.
ప్రాసెసర్: POCO F6 లో క్వాల్కమ్ స్నాప్డ్రాగన్ 8ఎస్ జెన్ 3 చిప్సెట్ వాడారు. ఇది 4 నానోమీటర్ ఫ్యాబ్రికేషన్ పై తయారైంది. దీని హయ్యస్ట్ క్లాక్ స్పీడ్ 3GHz. గ్రాఫిక్స్ కోసం అడ్రెనో 735 జీపీయూ వినియోగించారు.
కెమెరా: POCO F6 లో డ్యూయల్ రియర్ కెమెరా సెటప్ ఉంది. ఇందులో 50ఎంపి మెయిన్ కెమెరా, 8ఎంపి అల్ట్రావైడ్ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 20ఎంపి ఫ్రంట్ కెమెరా ఉంది.
బ్యాటరీ: POCO F6 లో పవర్ బ్యాకప్ కోసం 5000 ఎంఏహెచ్ బ్యాటరీ ఉంది. ఇది 90 వాట్ ఫాస్ట్ చార్జింగ్ కి సపోర్ట్ చేస్తుంది.
ఓఎస్: POCO F6 డివైజ్ ఆండ్రాయిడ్ 14 ఓఎస్ ఆధారిత హైపర్ఓఎస్ కస్టమ్ స్కిన్ పై పని చేస్తుంది. 3 ఏళ్ళు ఓఎస్ అప్డేట్స్, 4 ఏళ్ళు సెక్యూరిటీ అప్డేట్స్ ఈ ఫోన్ కి లభిస్తాయి.
కనెక్టివిటీ: POCO F6 లో డ్యూయల్ సిమ్, 5జీ, వై-ఫై, బ్లూటూత్ వంటి ఆప్షన్స్ ఉన్నాయి.