ప్రముఖ స్మార్ట్ఫోన్ బ్రాండ్ POCO గ్లోబల్ మార్కెట్ లో F6 సిరీస్ ను లాంచ్ చేసింది. ఈ లైనప్ లో POCO F6 మరియు POCO F6 Pro మార్కెట్ లోకి ఎంట్రీ ఇచ్చాయి. ఈ రెండింట్లో స్టాండర్డ్ మోడల్ POCO F6 భారత్ లో లాంచ్ అయ్యింది. అయితే గ్లోబల్ గా రెండు ఫోన్లు లాంచ్ అయ్యాయి. POCO F6 Pro స్నాప్డ్రాగన్ 8 జెన్ 2 చిప్సెట్, 16జిబి వరకు ర్యామ్, 1టిబి వరకు స్టోరేజీతో లాంచ్ అయ్యింది. ఓసారి ఈ డివైజ్ యొక్క పూర్తి స్పెసిఫికేషన్స్ మరియు ధర వివరాలు తెలుసుకుందాం.
POCO F6 Pro ధర
POCO F6 Pro డివైజ్ గ్లోబల్ గా మూడు మెమొరీ వేరియంట్స్ లో లాంచ్ అయ్యింది. వాటి ధరలు ఎలా ఉన్నాయో తెలుసుకుందాం.
POCO F6 Pro 12జిబి ర్యామ్ + 256జిబి స్టోరేజీ మోడల్ ధరను 499 డాలర్లు (సుమారు రూ.41,537) గా నిర్ణయించారు.
POCO F6 Pro 12జిబి ర్యామ్ + 512జిబి స్టోరేజీ వేరియంట్ ధరను 549 డాలర్లు (సుమారు రూ.45,700) గా పెట్టారు.
POCO F6 Pro 16జిబి ర్యామ్ + 1టిబి స్టోరేజీ వేరియంట్ ధర 629 డాలర్లు (సుమారు రూ.52,353) గా ఉంది.
POCO F6 Pro స్పెసిఫికేషన్స్
డిస్ప్లే: POCO F6 Pro లో 6.67-ఇంచ్ డబ్ల్యూక్యూహెచ్డీ+ ఫ్లో అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 2కే రెజుల్యూషన్, 4000 నిట్స్ పీక్ బ్రైట్నెస్, గొరిల్లా గ్లాస్ విక్టస్ ఉన్నాయి.
ప్రాసెసర్: POCO F6 Pro లో క్వాల్కమ్ స్నాప్డ్రాగన్ 8 జెన్ 2 చిప్సెట్ వాడారు. దీని హయ్యస్ట్ క్లాక్ స్పీడ్ 3.19GHz. ఎక్స్-యాక్సిస్ లీనియర్ వైబ్రేషన్ మోటర్ ఈ ఫోన్ లో అందించారు.
ర్యామ్, స్టోరేజీ: POCO F6 Pro డివైజ్ 16జిబి వరకు ర్యామ్, 1టిబి వరకు స్టోరేజీ ఆప్షన్స్ లో లభిస్తుంది.
కెమెరా: POCO F6 Pro లో ట్రిపుల్ రియర్ కెమెరా సెటప్ ఉంది. ఇందులో 50ఎంపి ఓఐఎస్ మెయిన్ కెమెరా, 2ఎంపి మ్యాక్రో కెమెరా, 12ఎంపి అల్ట్రావైడ్ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా అందించారు. ఆబ్జెక్ట్ ఎరేజర్ వంటి ఎన్నో ఫీచర్లు ఈ ఫోన్ లో ఉన్నాయి.
బ్యాటరీ: POCO F6 Pro లో పవర్ బ్యాకప్ కోసం 5000 ఎంఏహెచ్ బ్యాటరీ ఇచ్చారు. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది.
ఓఎస్: POCO F6 Pro డివైజ్ ఆండ్రాయిడ్ 14 ఓఎస్ ఆధారిత హైపర్ఓఎస్ కస్టమ్ స్కిన్ పై పని చేస్తుంది.
ఇతర ఫీచర్లు: POCO F6 Pro లో డ్యూయల్ సిమ్, 5జీ, 4జీ, వై-ఫై, బ్లూటూత్, యూఎస్బీ టైప్-సీ పోర్ట్, ఐఆర్ బ్లాస్టర్, ఫ్లికర్ సెన్సర్, డాల్బీ అట్మాస్, స్టీరియో డ్యూయల్ స్పీకర్ ఉన్నాయి.
