హైలైట్స్
- చైనా మార్కెట్ లో ఎంట్రీ ఇచ్చిన Realme 10 Pro 5G
- 6.72-ఇంచ్ ఫుల్ హెచ్డీ+ డిస్ప్లే, ఎల్సీడీ ప్యానెల్, స్నాప్ డ్రాగన్ 695 చిప్, 120 హెర్ట్జ్ రిఫ్రెష్ రేట్ ఈ ఫోన్ ప్రధాన స్పెసిఫికేషన్స్
- Realme 10 Pro 5G ధర 1599 యువాన్లు (సుమారు రూ.18,300)
Realme కంపెనీ తాజాగా చైనాలో Realme 10 Pro సిరీస్ ఫోన్లను లాంచ్ చేసింది. ఈ లైనప్ లో Realme 10 Pro 5G మరియు Realme 10 Pro+ 5G మోడల్స్ ఉన్నాయి. స్టైలిష్ లుక్స్, గ్రేట్ స్పెసిఫికేషన్స్ తో ఈ ఫోన్ వచ్చాయి. ప్రస్తుతానికి చైనాలో మాత్రమే ఈ డివైజెస్ అందుబాటులో ఉన్నాయి. త్వరలో భారత్ లోకి ప్రవేశించనున్నాయి. ఆలస్యం చేయకుండా Realme 10 Pro 5G యొక్క స్పెసిఫికేషన్స్, ధర తదితర వివరాలు తెలుసుకుందాం పదండి.
Realme 10 Pro 5G స్పెసిఫికేషన్స్
Realme 10 Pro 5G స్మార్ట్ ఫోన్ 6.72-ఇంచ్ ఫుల్ హెచ్డీ+ ఎల్సీడీ డిస్ప్లే తో లాంచ్ అయ్యింది. ఇందులో 2400*1080 పిక్సెల్ రెజుల్యూషన్ ఉంది. పంచ్ హోల్ కటౌట్ తో వచ్చిన ఈ ఫోన్ 120 హెర్ట్జ్ రిఫ్రెష్ రేట్, 240 హెర్ట్జ్ టచ్ శాంప్లింగ్ రేట్ ని కలిగి ఉంది. ఈ ఫోన్ స్క్రీన్ 680 నిట్స్ బ్రైట్నెస్, 1400:1 కాంట్రాస్ట్ రేషియో, 16.7 మిలియన్ కలర్, 391 పీపీఐ పిక్సెల్ డెన్సిటీ కలిగి ఉంది.
Realme 10 Pro 5G ఆండ్రాయిడ్ 13 ఓఎస్ ఆధారిత రియల్మీ యూఐ 4 కస్టమ్ స్కిన్ పై పని చేస్తుంది. Realme 10 Pro 5G డివైజ్ లో క్వాల్కమ్ స్నాప్ డ్రాగన్ 695 చిప్సెట్ వాడారు. ఇది 6 నానో మీటర్ ఫాబ్రికేషన్ పై తయారైన ఆక్టాకోర్ ప్రాసెసర్. ఈ ప్రాసెసర్ 2.2 గిగాహెర్ట్జ్ క్లాక్ స్పీడ్ ని కలిగి ఉంది. Realme 10 Pro 5G స్మార్ట్ ఫోన్ 8జిబి వర్చువల్ ర్యామ్ టెక్నాలజీతో వస్తోంది. దీంతో 20 జిబి వరకు ర్యామ్ ని పెంచుకోవచ్చు.
Realme 10 Pro 5G యొక్క కెమెరా విభాగం గురించి తెలుసుకుందాం. Realme 10 Pro 5G లో 108ఎంపి మెయిన్ కెమెరా, ఎల్ఈడీ ఫ్లాష్, 2 మెగా పిక్సెల్ పొట్రెయిట్ లెన్స్ ఉన్నాయి. సెల్ఫీలు, వీడియో కాల్స్ కోసం 16 మెగా పిక్సెల్ ఫ్రంట్ కెమెరా అందించారు. Realme 10 Pro 5G స్మార్ట్ ఫోన్ లో 5జీ, 4జీ ఎల్టీఈ, డ్యూయల్-బ్యాండ్ వై-ఫై, బ్లూటూత్, జీపీఎస్, యూఎస్బీ టైప్ సీ పోర్ట్ వంటి కనెక్టివిటీ ఆప్షన్స్ ఉన్నాయి. ఈ ఫోన్ లో 5000 ఎంఏహెచ్ బ్యాటరీ ఉంది. ఇది 33 వాట్ ఫాస్ట్ చార్జింగ్ కి సపోర్ట్ చేస్తుంది.
Realme 10 Pro 5G ధర
Realme 10 Pro 5G స్మార్ట్ ఫోన్ రెండు వేరియంట్లలో లాంచ్ అయ్యింది. అవి: 8జిబి ర్యామ్ + 256జిబి స్టోరేజీ, 12జిబి ర్యామ్ + 256జిబి స్టోరేజీ. ఇప్పుడు వీటి ధరలు తెలుసుకుందాం. 8జిబి + 256జిబి వేరియంట్ ధర 1599 యువాన్లు (సుమారు రూ.18,300) గా ఉంది. 12జిబి ర్యామ్ + 256జిబి స్టోరేజీ మోడల్ ధర 1899 యువాన్లు (సుమారు రూ.21,700) గా నిర్ణయించారు. Realme 10 Pro 5G డివైజ్ స్టార్లైట్, నైట్, ఓషన్ కలర్ ఆప్షన్స్ లో లభించనున్నాయి.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
