ప్రముఖ స్మార్ట్ఫోన్ బ్రాండ్ Realme ఇటీవలె చైనా మార్కెట్ లో Realme 12x 5G డివైజ్ ని లాంచ్ చేసింది. ఈ ఫోన్ అక్కడ 1399 యువాన్లు (సుమారు రూ.16,300) ధరతో లాంచ్ అయ్యింది. తాజాగా 91mobiles Realme 12x 5G ఇండియా లాంచ్ మరియు స్పెసిఫికేషన్స్కి సంబంధించి ఒక ప్రత్యేక కథనాన్ని ప్రచురించింది. దీని ప్రకారం, చైనా మోడల్ మరియు ఇండియా వేరియంట్ కి మధ్య చాలా తేడా ఉండనున్నట్లు తెలుస్తోంది. ఓసారి ఆ విశేషాలేంటో తెలుసుకుందాం పదండి.
Realme 12x 5G లాంచ్ వివరాలు
Realme 12x 5G స్మార్ట్ఫోన్ త్వరలో భారత్ లో లాంచ్ అవ్వనుందని ఇండస్ట్రీ వర్గాల ద్వారా తెలుస్తోంది. అయితే దీనికి సంబంధించి కచ్చితమైన సమాచారం లేదు. త్వరలో రియల్మీ నుంచి ప్రకటన వచ్చే అవకాశం ఉంది.
Realme 12x 5G స్మార్ట్ఫోన్ 45 వాట్ సూపర్వూక్ ఫాస్ట్ చార్జింగ్, 5,000 ఎంఏహెచ్ బ్యాటరీతో రానున్నట్లు సమాచారం. అయితే చైనా మోడల్ 15 వాట్ ఫాస్ట్ చార్జింగ్ తో లాంచ్ అయ్యింది.
Realme 12 లో మాదిరిగా Realme 12x 5G డివైజ్ డైనమిక్ బటన్ ఫీచర్ తో వస్తున్నట్లు సమాచారం. డైనమిక్ బటన్ ద్వారా డీఎన్డీ, ఎయిర్ప్లేన్ మోడ్, స్ట్రీట్ ఫోటోగ్రఫీ మరియు గూగుల్ స్మార్ట్ లెన్స్ మోడ్స్ ని యాక్టివేట్ చేసుకోవచ్చు. అలాగే యూజర్ తనకు కావాల్సిన ఫంక్షన్స్ని సెట్ చేసుకోవచ్చు.
Realme 12x 5G ఇప్పటికే భారత్ కి చెందిన సర్టిఫికేషన్ వెబ్సైట్ బీఐఎస్ పై లిస్ట్ అయ్యింది. దీంతో ఇండియా లాంచ్ పై స్పష్టత వచ్చింది.
చైనాలో Realme 12x 5G 12జిబి ర్యామ్ + 256జిబి స్టోరేజీ మోడల్ ధర RMB 1,399 (సుమారు రూ.16,300) గా ఉంది. 12జిబి ర్యామ్ + 512జిబి స్టోరేజీ వేరియంట్ ధర RMB 1,599 (సుమారు రూ.18,700) గా ఉంది.
Realme 12x 5G స్పెసిఫికేషన్స్
- స్క్రీన్: Realme 12x 5G లో 6.67-ఇంచ్ ఫుల్ హెచ్డీ+ డిస్ప్లే, 120 హెర్ట్జ్ రిఫ్రెష్ రేట్, 625 నిట్స్ పీక్ బ్రైట్నెస్ ఉన్నాయి.
- ప్రాసెసర్: Realme 12x 5G లో మీడియాటెక్ డైమెన్సిటీ 6100+ చిప్సెట్, మాలి జీ57 జీపీయూ వాడారు.
- ర్యామ్, స్టోరేజీ: Realme 12x 5G డివైజ్ 12జిబి ర్యామ్, 256జిబి/512జిబి స్టోరేజీ ఆప్షన్స్ లో లభిస్తుంది. మైక్రోఎస్డీ కార్డ్ సాయంతో మెమొరీని పెంచుకునే వీలుంది.
- కెమెరా: Realme 12x 5G లో డ్యూయల్ రియర్ కెమెరా సెటప్ ఉంది. ఇందులో 50ఎంపి మెయిన్ కెమెరా, సెకండరీ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 8ఎంపి ఫ్రంట్ కెమెరా ఇచ్చారు.
- బ్యాటరీ, చార్జింగ్: Realme 12x 5G లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంది. ఇది 15 వాట్ ఫాస్ట్ చార్జింగ్ సపోర్ట్ తో వచ్చింది. ఇండియన్ వేరియంట్ 45 వాట్ ఫాస్ట్ చార్జింగ్ సపోర్ట్ తో రానుంది.
- ఇతర ఫీచర్లు: Realme 12x 5G లో డ్యూయల్ సిమ్, 5జీ, 4జీ, బ్లూటూత్, వై-ఫై, ఐపీ54 రేటింగ్ ఉన్నాయి.